നായര്‍ സർവിസ് സൊസൈറ്റി കുവൈത്ത് കലണ്ടര്‍ പ്രകാശനം ഭാരവാഹികൾ ലുലു എക്സ്ചേഞ്ച് കുവൈത്ത് ജനറൽ മാനേജർ ഷൈജു മോഹൻദാസിന് നൽകി നിർവഹിക്കുന്നു
കുവൈത്ത് സിറ്റി: നായർ സർവിസ് സൊസൈറ്റി കുവൈത്ത് 2021 വര്‍ഷത്തെ കലണ്ടർ പ്രകാശനം ചെയ്തു. ലുലു എക്സ്ചേഞ്ച് ദജീജ് ഓഫിസില്‍ നടന്ന ചടങ്ങില്‍ എന്‍.എസ്.എസ് പ്രസിഡൻറ് ജയകുമാര്‍ ജഹ്റ, ജനറല്‍ സെക്രട്ടറി ഗുണപ്രസാദ്, എക്സിക്യൂട്ടിവ് അംഗവും കലണ്ടർ കോഒാഡിനേറ്ററുമായ ഹരി വി. പിള്ള, ട്രഷറര്‍ നിശാന്ത് എന്നിവര്‍ ചേര്‍ന്ന് കലണ്ടറിെൻറ ആദ്യകോപ്പി ലുലു എക്സ്ചേഞ്ച് കുവൈത്ത് ജനറൽ മാനേജർ ഷൈജു മോഹൻദാസിന് നല്‍കി പ്രകാശനം ചെയ്തു.
ലുലു എക്സ്ചേഞ്ച് ഡെപ്യൂട്ടി ജനറൽ മാനേജർ സുബാഹിർ, ഡിജിറ്റൽ മാനേജർ കാർവർണൻ എന്നിവരും ചടങ്ങില്‍ പങ്കെടുത്തു. സംഘടന ഭാരവാഹികൾ ലുലു എക്സ്ചേഞ്ച് ഗ്രൂപ്പിന് നന്ദി അറിയിച്ചു. ദശപുഷ്പങ്ങളെക്കുറിച്ചുള്ള വിവരണങ്ങളും ചിത്രങ്ങളും അടങ്ങുന്ന കലണ്ടറാണ് എന്‍.എസ്.എസ് കുവൈത്ത് പുറത്തിറക്കിയത്. അതത് കരയോഗങ്ങള്‍ വഴി കലണ്ടർ വിതരണം ആരംഭിച്ചതായി സംഘാടകര്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.