മയക്കുമരുന്നുമായി പിടിയിലായയാൾ
കുവൈത്ത് സിറ്റി: 100 കിലോ ഹഷീഷുമായി ഈജിപ്ഷ്യൻ സ്വദേശി കുവൈത്തിൽ പിടിയിൽ. കുവൈത്തിൽ മത്സ്യത്തൊഴിലാളിയായി ജോലി ചെയ്യുന്ന ഈജിപ്ഷ്യൻ പ്രവാസിയെയാണ് ആന്റി നാർകോട്ടിക് അഡ്മിനിസ്ട്രേഷൻ വിഭാഗം അറസ്റ്റ് ചെയ്തത്. 100 കിലോ ഹഷീഷാണ് ഇയാൾ രാജ്യത്തേക്ക് കടത്താൻ ശ്രമിച്ചത്. പിടികൂടിയ വസ്തുക്കൾക്ക് 2,50,000 ദീനാർ മൂല്യം കണക്കാക്കുന്നു. ഇറാഖി മയക്കുമരുന്ന് കടത്തുകാരുമായി ഇടപാട് നടത്തിയിരുന്ന തന്റെ സഹോദരനെ മയക്കുമരുന്ന് കേസിൽ കുവൈത്തിൽ നിന്ന് നാടുകടത്തിയതായി പിടിയിലായയാൾ സമ്മതിച്ചു. ഇറാനിൽ നിന്ന് മയക്കുമരുന്ന് കൊണ്ടുവന്ന് ഫൈലാക്ക ദ്വീപിന് സമീപമുള്ള മിസ്കാൻ ദ്വീപിന്റെ തീരത്ത് എറിയുന്ന സംഘത്തിൽപെട്ടയാളായിരുന്നു സഹോദരൻ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.