കമ്പിവളപ്പിൽ ഹംസക്ക് കുവൈത്ത് എലത്തൂർ അസോസിയേഷൻ പ്രസിഡന്റ് യാക്കൂബ് എലത്തൂർ മെമന്റോ കൈമാറുന്നു
കുവൈത്ത് സിറ്റി: കുവൈത്ത് പ്രവാസജീവിതം അവസാനിപ്പിച്ച് നാട്ടിലേക്ക് പോകുന്ന കുവൈത്ത് എലത്തൂർ അസോസിയേഷൻ മുൻ വൈസ് പ്രസിഡന്റ് ഹംസ കമ്പിവളപ്പിലിന് യാത്രയയപ്പ് നൽകി. 39 വർഷത്തെ പ്രവാസജീവിതത്തിന് ശേഷമാണ് ഹംസ മടങ്ങുന്നത്. യാത്രയയപ്പ് ചടങ്ങിൽ കുവൈത്ത് എലത്തൂർ അസോസിയേഷന്റെ മെമന്റോ പ്രസിഡന്റ് യാക്കൂബ് എലത്തൂർ കൈമാറി. ജനറൽ സെക്രട്ടറി ഹബീബ് എടേക്കാട് പൊന്നാട അണിയിച്ചു. വൈസ് പ്രസിഡന്റ് ഫൈസൽ അസോസിയേഷന്റെ സ്നേഹോപഹാരം കൈമാറി.
അസോസിയേഷന്റെ പ്രവർത്തനങ്ങളിൽ ഹംസയുടെ സേവനം മാതൃകാപരമായിരുന്നു. ഇത് എന്നും ഓർമിക്കപ്പെടുമെന്നും പ്രസിഡൻറ് യാക്കൂബ് എലത്തൂർ അനുസ്മരിച്ചു. ഉപദേശക സമിതി അംഗം എൻ. റഫീഖ്, ജോ. സെക്രട്ടറിമാരായ കെ.എം. ആലികുഞ്ഞി, ടി.ടി. ഇബ്രാഹിം, എക്സിക്യൂട്ടിവ് മെംബർമാരായ എൻ. മുഹമ്മദ് ഇക്ബാൽ, കെ. മുഹമ്മദ് ഷെരീഫ്, കെ.വി. ബഷീർ, ബിച്ചു കോയ, റയാൻ ഷെരീഫ് എന്നിവരും പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.