കുവൈത്ത് വിദേശകാര്യ മന്ത്രി ശൈഖ് അഹ്മദ് നാസർ മുഹമ്മദ് അസ്സബാഹും ഖത്തർ ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുറഹ്മാൻ അൽതാനിയും കൂടിക്കാഴ്ച നടത്തുന്നു
കുവൈത്ത് സിറ്റി: കുവൈത്ത് വിദേശകാര്യ മന്ത്രി ശൈഖ് അഹ്മദ് നാസർ മുഹമ്മദ് അസ്സബാഹും ഖത്തർ ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുറഹ്മാൻ അൽതാനിയും ചർച്ച നടത്തി. ഖത്തർ വിദേശകാര്യ മന്ത്രി ഒൗദ്യോഗിക സന്ദർശനത്തിന് കുവൈത്തിലെത്തുകയായിരുന്നു. മേഖലയിലെയും അന്താരാഷ്ട്ര തലത്തിലെയും വിവിധ വിഷയങ്ങളും പൊതു താൽപര്യമുള്ള മറ്റു വിഷയങ്ങളും ചർച്ചയായതായി കുവൈത്ത് വാർത്ത ഏജൻസി റിപ്പോർട്ട് ചെയ്തു.
കുവൈത്ത് വിദേശകാര്യ മന്ത്രിയുടെ ഉച്ച വിരുന്നിൽ ശൈഖ് മുഹമ്മദ് ബിൻ അബ്ദുറഹ്മാൻ അൽതാനി സംബന്ധിച്ചു. കുവൈത്ത് വിദേശകാര്യ മന്ത്രാലയത്തിലെ പ്രോേട്ടാകോൾ കാര്യ സഹമന്ത്രി ദാരി അർജാൻ അൽ അർജാൻ, ജി.സി.സി കാര്യ അംബാസഡർ നാസർ അൽ മിസയ്യാൻ, വിദേശകാര്യ മന്ത്രാലയത്തിലെ ഒാഫിസ്കാര്യ അംബാസഡർ സാലിഹ് അൽ ലുഗാനി, കുവൈത്തിലെ ഖത്തർ അംബാസഡർ ബൻദർ ബിൻ മുഹമ്മദ് അൽ അതിയ്യ തുടങ്ങിയവർ ചർച്ചയിൽ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.