ഐ.എം.സി.സി കുവൈത്ത് കമ്മിറ്റി ഇഫ്താർ കിറ്റ് വിതരണം
കുവൈത്ത് സിറ്റി: ഐ.എം.സി.സി കുവൈത്ത് കമ്മിറ്റി കബദിൽ ഇഫ്താർ കിറ്റ് വിതരണം ചെയ്തു. ഒറ്റപ്പെട്ടു കിടക്കുന്ന സ്ഥലങ്ങളിലെ ആളുകൾക്കായി സംഘടിപ്പിച്ച ഇഫ്താർ കിറ്റ് വിതരണം സാമൂഹിക പ്രവർത്തകൻ മുനവ്വർ മുഹമ്മദ് ഉദ്ഘാടനം ചെയ്തു. ചുറ്റുമുള്ള മനുഷ്യന്റെ പ്രയാസങ്ങൾ മനസ്സിലാക്കി അവരെ സഹായിക്കലാണ് ഏറ്റവും പുണ്യമായ കർമമെന്ന് അദ്ദേഹം പറഞ്ഞു. സത്താർ കുന്നിൽ അധ്യക്ഷത വഹിച്ചു.
ഹമീദ് മധൂർ സ്വാഗതവും ഇല്യാസ് ചിത്താരി നന്ദിയും പറഞ്ഞു. മതേതര ഇന്ത്യയെ വീണ്ടെടുക്കുക, മതനിരപേക്ഷ കേരളത്തെ ഉയർത്തിപ്പിടിക്കുക എന്ന പ്രമേയത്തിൽ ഐ.എൻ.എൽ സംസ്ഥാന കമ്മിറ്റി മേയ് 12നു കോഴിക്കോട് കടപ്പുറത്തു നടത്തുന്ന സെക്കുലർ ഇന്ത്യ റാലിയുടെ പ്രചാരണാർഥം തൊഴിലാളികൾക്കുള്ള പുതുവസ്ത്രവും ചടങ്ങിൽ വിതരണം ചെയ്തു. നൂറ്റമ്പതോളം ആളുകൾക്കാണ് സഹായവിതരണം നടത്തിയത്. അൻസാർ ഓർച്ച, ഹനീഫ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.