കുവൈത്ത് സിറ്റി: ഗസ്സയിലെ അൽ അഹ്‌ലി അറബ് ആശുപത്രിക്കുനേരെയുണ്ടായ ആക്രമണം അന്താരാഷ്ട്ര മാനുഷിക നിയമങ്ങളുടെ ലംഘനമാണെന്ന് കുവൈത്ത്. സിവിലിയന്മാരെ സംരക്ഷിക്കാൻ ശക്തമായ നടപടി കൈക്കൊള്ളണമെന്നും ആവശ്യപ്പെട്ടു. യു.എൻ ജനറൽ അസംബ്ലിയുടെ സാമൂഹിക, മാനുഷിക, സാംസ്കാരിക കാര്യങ്ങളുടെ ചുമതലയുള്ള മൂന്നാം കമ്മിറ്റി യോഗത്തിൽ യു.എന്നിലെ കുവൈത്തിന്റെ നയതന്ത്ര അറ്റാഷെ അഹ്മദ് അൽ ദൈകാൻ ആണ് രാജ്യത്തിന്റെ നിലപാട് വ്യക്തമാക്കിയത്. ആശുപത്രി ആക്രമണത്തിൽ നൂറുകണക്കിനാളുകൾ കൊല്ലപ്പെടുകയും പരിക്കേൽക്കുകയും ചെയ്തതായി അദ്ദേഹം ചൂണ്ടിക്കാട്ടി. ഇത്തരം പ്രവൃത്തികളെ കുവൈത്ത് ശക്തമായി അപലപിക്കുന്നു. ഇസ്രായേലി ആക്രമണസേനക്കെതിരായ പ്രതികരണത്തിൽ അന്താരാഷ്ട്ര സമൂഹം ഇരട്ടത്താപ്പ് ഒഴിവാക്കണമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.