തൊ​ട്ടു​രു​മ്മി ഓ​ർ​മ​ക​ൾ...

ഇ​ന്ന് അ​ന്താ​രാ​ഷ്ട്ര ന​ഴ്സ​സ് ദി​നം. ജീ​വി​ത​ത്തി​നും മ​ര​ണ​ത്തി​നും ഇ​ട​യി​ലെ നൂ​ൽ​പാ​ല​ത്തി​ലൂ​ടെ ക​ട​ന്നു​പോ​കു​ന്ന മ​നു​ഷ്യ​ജീ​വി​ത​ങ്ങ​ളെ മ​ര​ണ​മെ​ന്ന യു​ദ്ധ​ത്തോ​ടു പ​ട​വെ​ട്ടി ജീ​വി​ത​ത്തി​ലേ​ക്കു വ​ലി​ച്ച​ടു​പ്പി​ക്കു​ന്ന ദൗ​ത്യ​മാ​ണ് ആ​തു​ര ശു​ശ്രൂ​ഷ​ക​രു​ടേ​ത്. ഇ​തി​ൽ ന​ഴ്സു​മാ​ർ വ​ഹി​ക്കു​ന്ന പ​ങ്ക് വ​ലു​താ​ണ്. ആ ​സ​ഞ്ചാ​ര​ത്തി​നി​ട​യി​ൽ ക​യ്പേ​റി​യ​തും മ​ധു​ര​മു​ള​വാ​ക്കു​ന്ന​തു​മാ​യ അ​സം​ഖ്യം അ​നു​ഭ​വ​ങ്ങ​ളി​ലൂ​ടെ ഓ​രോ​രു​ത്ത​രും ക​ട​ന്നു​പോ​കു​ന്നു 

അ​ത്യാ​ഹി​ത വി​ഭാ​ഗ​ത്തി​ൽ​നി​ന്ന് ഒ​രു വെ​ളു​പ്പാ​ൻ​കാ​ല​ത്താ​ണ് അ​വ​ൾ വാ​ർ​ഡി​ൽ പ്ര​വേ​ശി​പ്പി​ക്ക​പ്പെ​ട്ട​ത്. നോ​വി​ന്റെ അ​സ​ഹ്യ​പാ​ര​മ്യ​ത​യി​ലെ നി​ല​വി​ളി അ​വി​ട​മാ​കെ മു​ഴ​ങ്ങി. രോ​ഗ​നി​ർ​ണ​യ​ത്തി​നാ​യി വി​ശ​ദ പ​രി​ശോ​ധ​ന​ക​ൾ മു​റ​പോ​ലെ ന​ട​ന്നു. രോ​ഗം നി​ർ​ണ​യി​ക്ക​പ്പെ​ട്ടു. ദ​ഹ​ന​നാ​ള​ത്തി​ലും കു​ട​ലി​ലും ആ​ഴ​ത്തി​ല്‍ വ്ര​ണ​ങ്ങ​ളു​ണ്ടാ​യി ശ​രീ​ര​ത്തി​ന്‍റെ ദ​ഹ​ന​വ്യ​വ​സ്ഥ​യെ സാ​ര​മാ​യി ബാ​ധി​ക്കു​ന്ന അ​സു​ഖ​ത്തി​ന്റെ തു​ട​ക്കം.

പ​റ​ഞ്ഞു​മ​ന​സ്സി​ലാ​ക്കാ​ൻ പ​ല​വ​ട്ടം ശ്ര​മി​ച്ചു. പ​ക്ഷേ, അ​തൊ​ന്നും ഉ​ൾ​ക്കൊ​ള്ളാ​നാ​വാ​തെ അ​വ​ൾ സ​ദാ മ്ലാ​ന​വ​ദ​ന​യാ​യി കാ​ണ​പ്പെ​ട്ടു. ‘‘എ​നി​ക്ക് പ​ഠി​ക്ക​ണം, ചി​ത്ര​ങ്ങ​ൾ വ​ര​ക്ക​ണം, ഒ​രു​പാ​ട് യാ​ത്ര​ക​ൾ ചെ​യ്യ​ണം’’ വ​ലം​കൈ​യി​ലെ ഞ​ര​മ്പു​ക​ളി​ൽ ഒ​ന്നി​ൽ ഉ​റ​പ്പി​ച്ചി​രു​ന്ന കാ​നു​ല​യി​ൽ​കൂ​ടി ശ​രീ​ര​ത്തി​ലേ​ക്ക് ഒ​ഴു​കി​യി​രു​ന്ന ഐ.​വി ഫ്ലൂ​യി​ഡി​ന്റെ പാ​തി​യെ​ത്തി​യ കു​പ്പി​യി​ലേ​ക്ക് നോ​ട്ടം പാ​യി​ച്ച് അ​വ​ൾ എ​ന്നോ​ട് സം​സാ​രി​ച്ചു​തു​ട​ങ്ങി.

നി​റ​മു​ള്ള സ്വ​പ്ന​ങ്ങ​ൾ കാ​ണു​മ്പോ​ഴാ​ണ് ജീ​വി​തം മ​നോ​ഹ​ര​മാ​കു​ന്ന​തെ​ന്ന് പ​റ​ഞ്ഞ​പ്പോ​ൾ അ​തു​വ​രെ നി​രാ​ശ നി​ഴ​ലി​ച്ചി​രു​ന്ന അ​വ​ളു​ടെ ക​ണ്ണു​ക​ൾ തി​ള​ങ്ങി. സം​സാ​ര​ത്തി​നി​ട​യി​ൽ വ​ന്നു​വീ​ണ മൗ​ന​ത്തി​ന്‍റെ ദൂ​രം ഉ​ൾ​ക്കൊ​ള്ളാ​നാ​കാ​തെ​യെ​ന്നോ​ണം ജീ​വ​ൻ​ര​ക്ഷാ​യ​ന്ത്ര​ങ്ങ​ൾ ഞ​ങ്ങ​ൾ​ക്കി​ട​യി​ൽ മ​ണി​ക​ൾ മു​ഴ​ക്കി.

‘‘എ​നി​ക്ക് ഇ​നി​യെ​ന്തു സ്വ​പ്നം...’’ആ​ഴ​ത്തി​ൽ ശ്വാ​സ​മെ​ടു​ത്ത് അ​വ​ൾ പ​റ​ഞ്ഞു. രോ​ഗ​ത്തി​നൊ​പ്പം ക​റു​പ്പു​വീ​ണ ക​ൺ​ത​ട​ങ്ങ​ളും പ്ര​സ​രി​പ്പു മാ​ഞ്ഞ മു​ഖ​വും തീ​വ്ര​ത​യേ​റി​യ മ​രു​ന്നു​ക​ൾ ശ​രീ​ര​ത്തി​ലേ​ക്ക് ക​ട​ക്കു​മ്പോ​ൾ ഉ​ണ്ടാ​കു​ന്ന ശ​ക്തി​ക്ഷ​യ​വും അ​വ​ളു​ടെ കൗ​മാ​രം ക​വ​ർ​ന്നെ​ടു​ത്തി​രു​ന്നു.

പാ​തി​വ​ഴി​യി​ൽ ഉ​പേ​ക്ഷി​ക്കേ​ണ്ടി​വ​ന്ന പ​ഠ​ന​വും തൊ​ഴി​ൽ​മോ​ഹ​വു​മെ​ല്ലാം പെ​ട്ടെ​ന്നൊ​രു നി​മി​ഷം കൊ​ണ്ട് ഇ​ല്ലാ​താ​യ​ത് വ​ല്ലാ​തെ അ​ലോ​സ​ര​പ്പെ​ടു​ത്തി. മാ​റി​മ​റി​ഞ്ഞ പ​രി​തഃ​സ്ഥി​തി​ക​ൾ അ​വ​ളി​ൽ ഉ​ണ്ടാ​ക്കി​യ ആ​ഘാ​തം അ​ത്ര​മേ​ൽ സ്ഫോ​ട​നാ​ത്മ​ക​മാ​യി​രു​ന്നു.

എ​ന്തു പ​റ​യു​മെ​ന്ന ചി​ന്താ​ക്കു​ഴ​പ്പ​ത്തി​നി​ട​യി​ൽ ഒ. ​ഹെ​ൻ​ട്രി​യു​ടെ ചെ​റു​ക​ഥ ‘ദ ​ലാ​സ്റ്റ് ലീ​ഫ്’ ഓ​ർ​മ​യി​ൽ ത​ട​ഞ്ഞു. ലൂ​യി ടീ​ച്ച​ർ പ​റ​ഞ്ഞു​ത​ന്നി​രു​ന്ന ക​ഥ. ആ​ത്മ​വി​ശ്വാ​സം ഊ​ട്ടി​യു​റ​പ്പി​ക്കു​ന്ന വി​ശ്വോ​ത്ത​ര കൃ​തി അ​ത്ര​യേ​റെ സ്വാ​ധീ​നി​ച്ചി​ട്ടു​ണ്ട്. മ​ര​ണ​ക്ക​യ​ത്തി​ൽ​നി​ന്നാ​യാ​ൽ​പോ​ലും മ​നോ​വീ​ര്യം കൊ​ടു​ത്താ​ൽ ഒ​രു വ്യ​ക്തി​യെ ജീ​വി​ത​ത്തി​ലേ​ക്ക് കൈ​പി​ടി​ച്ചു​യ​ർ​ത്താ​നാ​കും എ​ന്ന​തി​ന്റെ തെ​ളി​വ്.

മാ​യി​ക​മാ​യ ഇ​ന്ന് ഒ​രു സൂ​ര്യാ​സ്ത​മ​യ​ത്തി​ന​പ്പു​റം മാ​ഞ്ഞു പോ​കു​മെ​ന്നും ഇ​നി​യും വ​രാ​നു​ള്ള ദി​വ​സ​ങ്ങ​ളി​ൽ ആ​ഗ്ര​ഹ​ങ്ങ​ൾ സ​ഫ​ലീ​കൃ​ത​മാ​കു​മെ​ന്നും പ​റ​യു​മ്പോ​ൾ മു​ഖ​ത്ത് ന​നു​ത്ത പു​ഞ്ചി​രി വി​ട​ർ​ന്നു. അ​വ​ൾ രോ​ഗ​ത്തെ തോ​ൽ​പി​ച്ചു​തു​ട​ങ്ങു​ന്ന​തി​ന്‍റെ ആ​ദ്യ പ​ടി. നീ​ലാ​കാ​ശ​ത്തേ​ക്ക് ചി​റ​കു​വി​രി​ച്ച് ഉ​യ​രു​ന്ന പ​ക്ഷി​യെ​പ്പോ​ലെ അ​വ​ളു​ടെ സ്വ​പ്ന​ത്തി​ലേ​ക്ക് അ​ധി​ക​ദൂ​ര​മി​ല്ല എ​ന്ന​തി​ന്റെ അ​ട​യാ​ളം.

ഞാ​ന​തു മ​ന​സ്സി​ൽ കോ​റി​യി​ട്ടു. പ​ല ദി​വ​സ​ങ്ങ​ളി​ലും പു​തു​താ​യി ഓ​രോ​ന്ന് സം​സാ​രി​ച്ചു. ദി​നേ​ന ആ​രോ​ഗ്യം പു​രോ​ഗ​തി പ്രാ​പി​ച്ചു​വെ​ന്ന​ത് എ​ല്ലാ​വ​രി​ലും അ​ത്ഭു​ത​മു​ള​വാ​ക്കി! ഒ​രു ദി​നം പൂ​ർ​ണാ​രോ​ഗ്യ​ത്തോ​ടെ ഏ​റെ സ​ന്തോ​ഷ​വ​തി​യാ​യി അ​വി​ടെ നി​ന്നി​റ​ങ്ങി.

വ​ർ​ഷ​ങ്ങ​ൾ​ക്കി​പ്പു​റം ഒ​രു പൊ​തു​മേ​ഖ​ല സ്ഥാ​പ​ന​ത്തി​ൽ ആ​വ​ശ്യ​ത്തി​നാ​യി പോ​കേ​ണ്ടി​വ​ന്നു. ഫ​യ​ലു​ക​ൾ​ക്കി​ട​യി​ലൂ​ടെ മേ​ശ​യി​ൽ​നി​ന്നു മേ​ശ​യി​ലേ​ക്ക് തി​ടു​ക്ക​ത്തി​ൽ ന​ട​ക്കു​മ്പോ​ൾ ശി​പാ​യി അ​ടു​ത്തു​വ​ന്നു പ​റ​ഞ്ഞു:

‘സി​സ്റ്റ​റേ, മാ​ഡം വി​ളി​ക്കു​ന്നു.’ മു​ൻ​പ​രി​ച​യ​മി​ല്ലാ​ത്ത ഒ​രാ​ൾ, ചെ​യ്യു​ന്ന ജോ​ലി​യെ​ക്കു​റി​ച്ച് എ​ങ്ങ​നെ അ​റി​ഞ്ഞു എ​ന്നോ​ർ​ത്ത് ഒ​രു നി​മി​ഷം സ്ത​ബ്ധ​യാ​യി. സ​തീ​ർ​ഥ്യ​രോ, അ​ക​ന്ന ബ​ന്ധു​ക്ക​ളോ ആ​വു​മെ​ന്ന ധാ​ര​ണ​യി​ൽ അ​യാ​ൾ​ക്കു പി​റ​കെ ന​ട​ന്നു. അ​ത്യാ​ധു​നി​ക​മാ​യ ഓ​ഫി​സി​ലെ ക​ണ്ണാ​ടി​ക്കൂ​ട്ടി​നു​ള്ളി​ലെ ക​സാ​ര​യി​ൽ മു​ഖ​പ​രി​ച​യ​മു​ള്ള സ്ത്രീ. ​ക​ണ്ടു​മ​റ​ന്ന മു​ഖ​ങ്ങ​ളി​ലൂ​ടെ രൂ​പ​സാ​ദൃ​ശ്യം താ​ര​ത​മ്യം ന​ട​ത്താ​ൻ വൃ​ഥാ ശ്ര​മി​ച്ചെ​ങ്കി​ലും പ​രാ​ജി​ത​യാ​യി.

മേ​ശ​ക്കു മു​ന്നി​ലെ ക​സേ​ര​ക​ളി​ലൊ​ന്നി​ൽ ഇ​രി​ക്കു​മ്പോ​ൾ ‘‘എ​ന്നെ ഓ​ർ​മ​യി​ല്ലേ?’’ കാ​ലം മാ​റ്റം​വ​രു​ത്തി​യ പു​ഞ്ചി​രി​ക്കു​ന്ന മു​ഖം. ഒ​രു പീ​ഡ​ന​കാ​ല​ത്തെ മ​നോ​ധൈ​ര്യ​ത്താ​ൽ മ​റി​ക​ട​ന്ന പ​രി​ചി​ത​യാ​യ ഒ​രു​വ​ളു​ടെ മു​ഖം അ​പ്പോ​ൾ ഓ​ർ​മ​യി​ൽ നി​റ​ഞ്ഞു.