കുവൈത്ത് മലങ്കര റൈറ്റ് മൂവ്മെന്റ് വാർഷികാഘോഷങ്ങളുടെ ഉദ്ഘാടനം ജോസഫ് മാർ
തോമസ് മെത്രാപ്പോലിത്ത നിർവഹിക്കുന്നു
കുവൈത്ത് സിറ്റി: കുവൈത്ത് മലങ്കര റൈറ്റ് മൂവ്മെന്റ് 30ാം വാർഷികവും 93ാം പുനരൈക്യ വാർഷികവും ഓണാഘോഷവും സാൽമിയ ഇന്ത്യൻ കമ്യൂണിറ്റി സ്കൂളിൽ നടത്തി. വാർഷിക പൊതുസമ്മേളനം ബത്തേരി ഭദ്രാസനാധ്യക്ഷൻ ജോസഫ് മാർ തോമസ് മെത്രാപ്പോലീത്ത ഉദ്ഘാടനം ചെയ്തു.
കെ.എം.ആർ.എം പ്രസിഡന്റ്‌ ജോജിമോൻ തോമസ് അധ്യക്ഷത വഹിച്ചു. ജോൺ തുണ്ടിയത്ത് കോർ എപ്പിസ്‌കോപ്പ ആമുഖസന്ദേശം നൽകി. ജനറൽ സെക്രട്ടറി ലിബു ജോൺ സ്വാഗതം പറഞ്ഞു. അഡ്വൈസറി ബോർഡ്‌ ചെയർമാൻ ജോർജ് മാത്യു ആശംസ നേർന്നു. ട്രഷറർ ടിങ്കൂ ജോയ്, സീനിയർ വൈസ് പ്രസിഡന്റ്‌ സന്തോഷ്‌ പി. ആന്റണി, ജുബിൻ പി. മാത്യു, എം.സി.വൈ.എം പ്രസിഡന്റ്‌ ലിബിൻ കെ. ബെന്നി, എസ്.എം.സി.എഫ്.എഫ് ഹെഡ്മാസ്റ്റർ ലിജു പാറക്കൽ, എം.സി.സി.എൽ ബാലദീപം പ്രസിഡന്റ്‌ അലൻ സി. ജോമോൻ, ചീഫ് ഇലക്ഷൻ കമീഷണർ ബിനു വിളയിൽ, ചീഫ് ഓഡിറ്റർ മാത്യു കോശി എന്നിവർ സംബന്ധിച്ചു.
വാർഷിക സമ്മേളനത്തിൽ മാർ ഗ്രിഗോറിയോസ് വിജയശ്രീ പുരസ്കാരം വിളവോത്സവ്-2023ന്റെ റാഫിൽ കൂപ്പൺ എം.സി.വൈ.എം മലങ്കര സ്മാഷ് ബാഡ്മിന്റൺ ടൂർണമെന്റ് ലോഗോ, ടീസർ എന്നിവ പ്രകാശനം ചെയ്തു. പൊതുസമ്മേളന ശേഷം ഓണാഘോഷ പരിപാടികളും വടംവലി മത്സരവും നടത്തി. സെൻട്രൽ മാനേജിങ് കമ്മിറ്റി, വർക്കിങ് കമ്മിറ്റി, ഏരിയ കമ്മിറ്റി അംഗങ്ങൾ ക്രമീകരണങ്ങൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.