ല​ബ​നാ​ന് കു​വൈ​ത്തി​ന്റെ കൂ​ടു​ത​ൽ സ​ഹാ​യം

കു​വൈ​ത്ത് സി​റ്റി: ഇ​സ്രാ​യേ​ൽ ആ​ക്ര​മ​ണം മൂ​ലം ദു​രി​ത​ത്തി​ലാ​യ ല​ബ​നാ​ന് കു​വൈ​ത്തി​ന്റെ സ​ഹാ​യം തു​ട​രു​ന്നു. കു​വൈ​ത്തി​ന്റെ എ​യ​ർ​ലി​ഫ്റ്റി​ന്റെ ഭാ​ഗ​മാ​യി ഒ​മ്പ​ത് ട​ൺ ഭ​ക്ഷ​ണ​വു​മാ​യി കു​വൈ​ത്ത് വ്യോ​മ​സേ​ന വി​മാ​നം ക​ഴി​ഞ്ഞ ദി​വ​സം ബൈറൂത്തിലെ റാ​ഫി​ക് ഹ​രി​രി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ​ത്തി.

‘കു​വൈ​ത്ത് നി​ങ്ങ​ളോ​ടൊ​പ്പ​മു​ണ്ട്’ എ​ന്ന കാ​മ്പ​യി​നി​ന്റെ ഭാ​ഗ​മാ​യു​ള്ള കു​വൈ​ത്തി​ന്റെ ജീ​വ​കാ​രു​ണ്യ മാ​നു​ഷി​ക പ്ര​വ​ർ​ത്ത​ന​ങ്ങ​ളു​ടെ തു​ട​ർ​ച്ച​യാ​യാ​ണ് സ​ഹാ​യ​മെ​ന്ന് ല​ബ​നാ​നി​ലെ കു​വൈ​ത്ത് എം​ബ​സി​യി​ലെ ഫ​സ്റ്റ് സെ​ക്ര​ട്ട​റി അ​ബ്ദു​ല്ല ഖാ​ലി​ദ് അ​ൽ ദി​യെ​ൻ പ​റ​ഞ്ഞു. യു​ദ്ധ​ത്തെ​ത്തു​ട​ർ​ന്ന് വീ​ടു​ക​ളി​ലേ​ക്ക് മ​ട​ങ്ങാ​ൻ ക​ഴി​യാ​ത്ത കു​ടും​ബ​ങ്ങ​ളെ സ​ഹാ​യി​ക്കു​ന്ന​തി​ന് ഇ​ത്ത​രം ദു​രി​താ​ശ്വാ​സ സ​ഹാ​യം നി​ർ​ണാ​യ​ക​മാ​ണെ​ന്ന് ല​ബ​നീ​സ് ഹ​യ​ർ റി​ലീ​ഫ് ക​മ്മി​റ്റി പ്ര​തി​നി​ധി ബ്രി​ഗേ​ഡി​യ​ർ ജ​ന​റ​ൽ അ​ഹ​മ്മ​ദ് ഇ​ബ്രാ​ഹിം പ​റ​ഞ്ഞു. പ്രാ​ദേ​ശി​ക മു​നി​സി​പ്പാ​ലി​റ്റി​ക​ളു​ടെ സ​ഹ​ക​ര​ണ​ത്തോ​ടെ​യാ​ണ് കു​വൈ​ത്ത് ന​ൽ​കി​യ സ​ഹാ​യ​വ​സ്തു​ക്ക​ൾ വി​ത​ര​ണം ചെ​യ്യു​ന്ന​ത്.

ഇ​സ്രാ​യേ​ൽ ആ​ക്ര​മ​ണ​ത്തി​ന് പി​റ​കെ കു​വൈ​ത്ത് ല​ബ​നാ​നി​ലേ​ക്ക് വി​വി​ധ സാ​ധ​ന​ങ്ങ​ൾ എ​ത്തി​ക്കു​ന്നു​ണ്ട്. ര​ണ്ടു ദി​വ​സം മു​മ്പ് ഭ​ക്ഷ്യ​വ​സ്തു​ക്ക​ൾ, മ​രു​ന്ന്, പു​ത​പ്പു​ക​ൾ എ​ന്നി​വ ഉ​ൾ​പ്പെ​ടു​ന്ന 30 ട​ൺ മാ​നു​ഷി​ക സ​ഹാ​യം കു​വൈ​ത്ത് ല​ബ​നാ​നി​ൽ എ​ത്തി​ച്ചി​രു​ന്നു.