കുവൈത്ത് സിറ്റി: വ്യോമയാന മേഖലയില്‍ മികച്ച നേട്ടം കൈവരിച്ച് കുവൈത്ത് എയർവേയ്സ്. വിമാനസമയം പാലിക്കുന്നതില്‍ മിഡിൽ ഈസ്റ്റ്, ആഫ്രിക്ക മേഖലകളില്‍ കുവൈത്ത് എയർവേയ്സ് രണ്ടാം സ്ഥാനം കരസ്ഥമാക്കി. സിറിയം വെബ്സൈറ്റ് പുറത്തിറക്കിയ റിപ്പോര്‍ട്ടിലാണ് ഈ നേട്ടം. ഏപ്രില്‍ മാസത്തിലെ പ്രകടനം കണക്കാക്കിയാണ് റിപ്പോർട്ട്.
കൃത്യസമയത്ത് സർവിസ് നടത്തുന്നതിൽ കുവൈത്ത് എയർവേയ്സ് ശ്രദ്ധേയമായ പ്രകടനം നടത്തിയെന്ന് റിപ്പോര്‍ട്ടില്‍ പറയുന്നു. കഴിഞ്ഞ മാര്‍ച്ചില്‍ ആറാം സ്ഥാനത്തായിരുന്നു കുവൈത്ത് എയർവേയ്സ്. എന്നാൽ, ഏപ്രില്‍ മാസത്തില്‍ 88.2 ശതമാനം സമയനിഷ്ഠയോടെ രണ്ടാം സ്ഥാനത്തെക്ക് ഉയർന്നു.
ഏവിയേഷൻ ഡേറ്റ വിശകലനത്തിന് ആഗോളതലത്തിൽ ഏറ്റവും വിശ്വസനീയമായ ഉറവിടങ്ങളിലൊന്നായി അംഗീകരിക്കപ്പെടുന്നതാണ് സിറിയം വെബ്സൈറ്റ്. എയർലൈനുകൾ, ട്രാവൽ ഏജൻസികൾ, വിമാന നിർമാതാക്കൾ, ധനകാര്യ സ്ഥാപനങ്ങള്‍ എന്നിവക്ക് വെബ്സൈറ്റ് സുപ്രധാന വിവരങ്ങൾ നൽകിവരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.