കുവൈത്ത് ക്നാനായ കൾചറൽ അസോസിയേഷൻ സ്പോർട്സ് ഡേക്ക് പ്രസിഡന്റ് ജോസ് കുട്ടി പുത്തൻതറയിൽ തുടക്കം
കുറിക്കുന്നു
കുവൈത്ത് സിറ്റി: കുവൈത്ത് ക്നാനായ കൾചറൽ അസോസിയേഷൻ (കെ.കെ.സി.എ) സ്പോർട്സ് ഡേ അബ്ബാസിയ യുനൈറ്റഡ് ഇന്റർനാഷനൽ സ്കൂളിൽ സംഘടിപ്പിച്ചു. സ്പോർട്സ് ഡേ ഭാഗമായി വിവിധ യൂനിറ്റുകളിൽനിന്നുള്ള അംഗങ്ങൾ പങ്കെടുത്ത ഘോഷയാത്ര, ഫ്ലാഷ് മോബ് എന്നിവ ആകർഷകമായി. വിവിധ കായിക മത്സരങ്ങൾ, ഗെയിംസ്, വടംവലി എന്നിവയും സംഘടിപ്പിച്ചു. മത്സര വിജയികൾക്ക് സമ്മാനങ്ങൾ വിതരണം ചെയ്തു.
അബ്ബാസിയ അസി.വികാരി ഫാ.അനൂപ് അബ്രഹാം ഉദ്ഘാടനം ചെയ്തു. കെ.കെ.സി.എ പ്രസിഡന്റ് ജോസുകുട്ടി പുത്തൻതറയിൽ അധ്യക്ഷത വഹിച്ചു. സെക്രട്ടറി ജോജി ജോയി പുലിയൻമാനായിൽ സ്വാഗതവും ട്രഷറർ അനീഷ് ജോസ് മുതലുപിടിയിൽ നന്ദിയും പറഞ്ഞു. കെ.കെ.സി.എ വൈസ് പ്രസിഡന്റ് ആൽബിൻ ജോസ് അത്തിമറ്റത്തിൽ, ജോയിൻ സെക്രട്ടറി ഷിബു ഉറുമ്പനാനിക്കൽ, രമ്യ ജിക്കുതടത്തിൽ, ജോണി ചെന്നാട്ട്, ഡോണ തോമസ് തയ്യിൽ, ലിഫിൻ ഫിലിപ്പ് നല്ലുവീട്ടിൽ, ജൂണി ഫിലിപ്പ് വെട്ടിക്കൽ എന്നിവർ പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.