ദോ​ഹ ബീ​ച്ചി​ലുണ്ടാ​യ എ​ണ്ണ ചോ​ർ​ച്ച നി​യ​ന്ത്രി​ച്ചു

കു​വൈ​ത്ത് സി​റ്റി: കി​ഴ​ക്ക​ൻ ദോ​ഹ ബീ​ച്ചി​ൽ ഉ​ണ്ടാ​യ എ​ണ്ണ ചോ​ർ​ച്ച നി​യ​ന്ത്രി​ച്ച​താ​യി പ​രി​സ്ഥി​തി പ​ബ്ലി​ക് അ​തോ​റി​റ്റി (ഇ.​പി.​എ) അ​റി​യി​ച്ചു.

കു​വൈ​ത്ത് നാ​ഷ​ന​ൽ പെ​ട്രോ​ളി​യം ക​മ്പ​നി​യു​മാ​യി (കെ.​എ​ൻ.​പി.​സി) സ​ഹ​ക​രി​ച്ചാ​ണ് ചോ​ർ​ച്ച നി​യ​ന്ത്രി​ച്ച​ത്. സ​മു​ദ്ര പ​രി​സ്ഥി​തി​യും ബീ​ച്ചു​ക​ളും നി​രീ​ക്ഷി​ക്കു​ന്ന​ത് ബ​ന്ധ​പ്പെ​ട്ട ബോ​ഡി​ക​ൾ തു​ട​രു​മെ​ന്ന് ഇ.​പി.​എ സാ​ങ്കേ​തി​ക കാ​ര്യ​ങ്ങ​ളു​ടെ ഡെ​പ്യൂ​ട്ടി ഡ​യ​റ​ക്ട​ർ ജ​ന​റ​ൽ അ​ബ്ദു​ല്ല അ​ൽ സൈ​ദാ​ൻ പ​റ​ഞ്ഞു.

കി​ഴ​ക്ക​ൻ ദോ​ഹ ബീ​ച്ചി​ലെ എ​ണ്ണ മ​ലി​നീ​ക​ര​ണ​വു​മാ​യി ബ​ന്ധ​പ്പെ​ട്ട് വെ​ള്ളി​യാ​ഴ്ച​യാ​ണ് പ​രാ​തി ല​ഭി​ച്ച​ത്. ശ​നി​യാ​ഴ്ച സ്ഥ​ലം പ​രി​ശോ​ധി​ച്ചു ബീ​ച്ചി​ൽ വ്യാ​പി​ച്ച എ​ണ്ണ ചോ​ർ​ച്ച ക​ണ്ടെ​ത്തി. കാ​ര​ണം അ​ജ്ഞാ​ത​മാ​ണെ​ന്നും അ​ദ്ദേ​ഹം പ​റ​ഞ്ഞു. എ​ണ്ണ ചോ​ർ​ച്ച കൈ​കാ​ര്യം ചെ​യ്യു​ന്ന​തി​നു​ള്ള പ​ദ്ധ​തി​യെ​ക്കു​റി​ച്ച് എ​ല്ലാ ബോ​ഡി​ക​ളെ​യും അ​റി​യി​ച്ചി​ട്ടു​ണ്ട്.

ബ​ന്ധ​പ്പെ​ട്ട സ്ഥാ​പ​ന​ങ്ങ​ൾ ബീ​ച്ച് വൃ​ത്തി​യാ​ക്കു​മെ​ന്നും അ​ദ്ദേ​ഹം വി​ശ​ദീ​ക​രി​ച്ചു. സ​മു​ദ്ര പ​രി​സ്ഥി​തി സം​ര​ക്ഷി​ക്കു​ന്ന​തി​നും ചോ​ർ​ച്ച​യു​ടെ വ്യാ​പ​ന​ത്തി​ന്റെ തോ​ത് അ​റി​യു​ന്ന​തി​നും പ്രാ​ദേ​ശി​ക സം​ഘ​ട​ന​ക​ളു​മാ​യി ഏ​കോ​പ​നം ഉ​ണ്ടാ​യി​രു​ന്നു.

സ​മു​ദ്രാ​ന്ത​രീ​ക്ഷ​വും ബീ​ച്ചു​ക​ളും നി​രീ​ക്ഷി​ക്കു​ക​യും പി​ന്തു​ട​രു​ക​യും ചെ​യ്യു​ന്ന​തി​നൊ​പ്പം അ​വ​യു​ടെ സു​ര​ക്ഷി​ത​ത്വം ഉ​റ​പ്പാ​ക്കാ​ൻ പ​രി​ശോ​ധ​ന ന​ട​ത്തു​മെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.