സുഡാനിലേക്ക് കുവൈത്ത് റെഡ് ക്രസൻറ് സൊസൈറ്റിയുടെ സഹായ വസ്തുക്കളുമായി വിമാനം പുറപ്പെടാനൊരുങ്ങുന്നു
കുവൈത്ത് സിറ്റി: പ്രളയം ദുരിതം വിതച്ച സുഡാനിലേക്ക് കുവൈത്തിൽനിന്ന് സഹായപ്രവാഹം തുടരുന്നു. കുവൈത്ത് റെഡ് ക്രസൻറ് സൊസൈറ്റി സുഡാനിലേക്ക് തുടർച്ചയായ മൂന്നാം ദിവസവും സഹായ വസ്തുക്കൾ അയച്ചു. കുവൈത്ത് പ്രതിരോധ മന്ത്രാലയത്തിെൻറ വിമാനത്തിൽ ഭക്ഷ്യവസ്തുക്കൾ, മരുന്ന്, തമ്പ് ഉപകരണങ്ങൾ, വാട്ടർ പമ്പ് തുടങ്ങി 40 ടൺ സാധനങ്ങളാണ് ശനി, ഞായർ, തിങ്കൾ ദിവസങ്ങളിൽ അയച്ചത്.
സുഡാനിലേക്ക് സഹായമെത്തിക്കുന്നതിനായി കുവൈത്ത് റെഡ് ക്രസൻറ് സൊസൈറ്റി പൊതുജനങ്ങളോട് അഭ്യർഥന നടത്തിയിട്ടുണ്ട്. റെഡ് ക്രസൻറ് സൊസൈറ്റിയുടെ വെബ്സൈറ്റിലെ ലിങ്ക് വഴി സഹായം അയക്കാം. സുഡാനീസ് റെഡ് ക്രെസൻറുമായി സഹകരിച്ചാണ് വിതരണം ഉൾപ്പെടെ അവിടുത്തെ പ്രവർത്തനങ്ങൾ ഏകോപിപ്പിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.