പാലക്കാട് പ്രവാസി അസോസിയേഷൻ ഓഫ് കുവൈത്ത് ഇഫ്താർ സംഗമത്തിൽ സക്കീർ ഹുസൈൻ തുവ്വൂർ സംസാരിക്കുന്നു
കുവൈത്ത് സിറ്റി: പാലക്കാട് പ്രവാസി അസോസിയേഷൻ ഓഫ് കുവൈത്ത് (പൽപക്) ഇഫ്താർ സംഗമം റിഗ്ഗായ് സിംഫണി ഹാളിൽ സംഘടിപ്പിച്ചു. പൽപക് സ്ഥാപക നേതാവ് പി.എം. കുമാർ ഉദ്ഘാടനം ചെയ്തു. പ്രസിഡന്റ് സക്കീർ പുതനഗരം അധ്യക്ഷത വഹിച്ചു. പ്രോഗ്രാം കൺവീനറും പൽപക് സാമൂഹ്യ വിഭാഗം സെക്രട്ടറിയുമായ സി.പി. ബിജു സ്വാഗതം പറഞ്ഞു. സക്കീർ ഹുസൈൻ തുവ്വൂർ ഇഫ്താർ സന്ദേശം നൽകി.
സമൂഹത്തിൽ പരസ്പരം സാഹോദര്യം നിലനിർത്തി ഐക്യവും സമാധാനം പുലർത്താനും ഇത്തരം സമൂഹ നോമ്പുതുറകൾ ഉപകാരപ്പെടട്ടെ എന്ന് സക്കീർ ഹുസൈൻ തുവ്വൂർ അഭിപ്രായപ്പെട്ടു. ജനറൽ സെക്രട്ടറി പ്രേംരാജ് ചടങ്ങുകൾക്ക് നേതൃത്വം നൽകി. കുട മുൻ കൺവീനർ ബിജു കടവി, ഫോക് സെക്രട്ടറി സൂരജ്, പൽപക് ഉപദേശക സമിതി അംഗം അരവിന്ദാക്ഷൻ എന്നിവർ ആശംസകൾ അർപ്പിച്ചു. പൽപക് ട്രഷറർ രാജേഷ് കുമാർ നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.