കുവൈത്ത് സിറ്റി: ലുലു ഹൈപ്പർ മാർക്കറ്റ് ‘ലുലു ഒരു വർഷത്തെ സൗജന്യ ഷോപ്പിങ് പ്രമോഷന്‍റെ’ സമ്മാനങ്ങൾ വിതരണം ചെയ്തു. കുവൈത്തിലെ ലുലു ഹൈപ്പർ മാർക്കറ്റിന്‍റെ എല്ലാ ഔട് ലെറ്റുകളിലുമായി 2023 ഒക്ടോബർ 25 മുതൽ ഡിസംബർ 31 വരെ നടന്ന പ്രമോഷനിലെ വിജയികൾക്കാണ് സമ്മാനങ്ങൾ വിതരണം ചെയ്തത്. പ്രമോഷൻ കാലയളവിൽ ഓരോ അഞ്ചു ദീനാർ വിലയുള്ള പർച്ചേസിനും സമ്മാനങ്ങൾ നേടാനുള്ള അവസരം ഒരുക്കിയിരുന്നു.
'ഒരു വർഷത്തെ സൗജന്യ ഷോപ്പിങ്' പ്രമോഷനിൽ 10 വിജയികൾക്ക് ഒരു വർഷ കാലയളവിൽ സൗജന്യമായി 1,500 ദീനാർ വിലയുള്ള ഉൽപന്നങ്ങൾ വാങ്ങാം. 100 ഭാഗ്യശാലികൾക്ക് 100 ദീനാർ വിലയുള്ള സാധനങ്ങൾ സൗജന്യമായി വാങ്ങാനുള്ള അവസരവും ലഭിച്ചു. 110 ഭാഗ്യശാലികൾക്ക് മൊത്തം 25,000 ദീനാറിന്‍റെ സമ്മാനങ്ങളാണ് ലഭിച്ചത്. വാണിജ്യ വ്യവസായ മന്ത്രാലയ ഉദ്യോഗസ്ഥരുടെയും ലുലു ഹൈപ്പർ മാർക്കറ്റിന്‍റെ പ്രതിനിധികളുടെയും സാന്നിധ്യത്തിലാണ് നറുക്കെടുപ്പ് നടന്നത്.
അൽറായി ഔട് ലെറ്റിൽ നടന്ന ചടങ്ങിൽ ലുലു ഹൈപ്പർമാർക്കറ്റിലെ ഉന്നത മാനേജ്മെന്‍റ് പ്രതിനിധികൾ വിജയികൾക്ക് സമ്മാനങ്ങൾ വിതരണം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.