കുവൈത്ത് സിറ്റി: അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹിന്റെ സുഖവിവരങ്ങൾ അന്വേഷിച്ച് സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ. അമീറിന്റെ ആരോഗ്യ നല തിരക്കി മുഹമ്മദ് ബിൻ സൽമാൻ കുവൈത്ത് കിരീടാവകാശി ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹിനെ ഫോണിൽ ബന്ധപ്പെട്ടു. അമീറിന്റെ സുഖവിവരങ്ങൾ ചോദിച്ചറിഞ്ഞ മുഹമ്മദ് ബിൻ സൽമാൻ അദ്ദേഹത്തിന് നല്ല ആരോഗ്യവും ക്ഷേമവും നേർന്നു.സൗദി കിരീടാവകാശിയുടെ ആത്മാർഥമായ സ്നേഹാന്വേഷണങ്ങൾക്ക് ശൈഖ് മിശ്അൽ നന്ദി അറിയിച്ചു.
സൗദി ഭരണനേതൃത്വത്തിന് ആയൂരാരോഗ്യം നേർന്ന കുവൈത്ത് കിരീടാവകാശി സൗദി ജനതക്കും രാജ്യത്തിനും കൂടുതൽ പുരോഗതിയും സമൃദ്ധിയും നേർന്നു. അമീറിന്റെ സുഖവിവരങ്ങൾ തിരക്കി ഖത്തർ അമീർ ശൈഖ് തമീം ബിൻ ഹമദ് ആൽഥാനി, ഒമാൻ സുൽത്താൻ ഹൈതം ബിൻ താരിഖ്, ബഹ്‌റൈൻ രാജാവ് ഹമദ് ബിൻ ഈസ ബിൻ സൽമാൻ അൽ ഖലീഫ എന്നിവരും നേരത്തെ കിരീടാവകാശിയെ ഫോണിൽ ബന്ധപ്പെട്ടിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.