കു​വൈ​ത്ത് സി​റ്റി: വൈ​ദ്യു​തി​യും ജ​ല​വും സം​ര​ക്ഷി​ക്കാ​നു​ള്ള ബോ​ധ​വ​ത്ക​ര​ണം ശ​ക്തി​പ്പെ​ടു​ത്താ​ൻ പു​തി​യ ക​മ്മി​റ്റി രൂ​പ​വ​ത്ക​രി​ച്ചു. വൈ​ദ്യു​തി, ജ​ല വ​കു​പ്പ് മ​ന്ത്രി ഡോ. ​സു​ബൈ​ഹ് അ​ൽ മു​ഖൈ​സീ​മി​ന്റെ നേ​തൃ​ത്വ​ത്തി​ൽ ഇ​തി​നാ​യി മ​ന്ത്രി​ത​ല തീ​രു​മാ​നം പു​റ​പ്പെ​ടു​വി​ച്ചു. ക​ന​ത്ത വേ​ന​ലും താ​പ​നി​ല വ​ർ​ധ​ന​വും മു​ന്നി​ൽ ക​ണ്ടാ​ണ് തീ​രു​മാ​നം.

ക​മ്മി​റ്റി​യു​ടെ അ​ധ്യ​ക്ഷ​നാ​യി മ​ന്ത്രാ​ല​യ​ത്തി​ലെ അ​ണ്ട​ർ സെ​ക്ര​ട്ട​റി ഡോ. ​ആ​ദേ​ൽ അ​ൽ സ​മെ​യെം ചു​മ​ത​ല​യേ​റ്റു. വി​വി​ധ മ​ന്ത്രാ​ല​യ​ങ്ങ​ൾ​ക്കും ഗ​വേ​ഷ​ണ സ്ഥാ​പ​ന​ങ്ങ​ൾ​ക്കും കീ​ഴി​ലു​ള്ള പ്ര​തി​നി​ധി​ക​ളും ക​മ്മി​റ്റി​യി​ൽ അം​ഗ​ങ്ങ​ളാ​കും.

വൈ​ദ്യു​തി​യും ജ​ല​വും സം​ര​ക്ഷി​ക്കു​ന്ന​തി​ന്റെ പ്രാ​ധാ​ന്യ​വും പൊ​തു ഫ​ണ്ടു​ക​ളും പ​രി​സ്ഥി​തി​യും സം​ര​ക്ഷി​ക്കു​ന്ന​തി​ലെ അ​തി​ന്റെ സ്വാ​ധീ​ന​വും ജ​ന​ങ്ങ​ളി​ലേ​ക്ക് എ​ത്തി​ക്കു​ക​യാ​ണ് ക​മ്മി​റ്റി​യു​ടെ പ്ര​ധാ​ന ല​ക്ഷ്യം.

വേ​ന​ൽ​ക്കാ​ല​മാ​യ മേ​യ് മു​ത​ൽ സെ​പ്റ്റം​ബ​ർ വ​രെ വി​വി​ധ ബോ​ധ​വ​ത്ക​ര​ണ പ​രി​പാ​ടി​ക​ൾ ക​മ്മി​റ്റി സം​ഘ​ടി​പ്പി​ക്കും. സ​മൂ​ഹ മാ​ധ്യ​മ​ങ്ങ​ൾ വ​ഴി​യു​ള്ള പ്ര​ചാ​ര​ണ​ങ്ങ​ൾ, സ്കൂ​ളു​ക​ൾ, കോ​ള​ജു​ക​ൾ, പൊ​തു​സ്ഥാ​പ​ന​ങ്ങ​ൾ, അ​സോ​സി​യേ​ഷ​നു​ക​ൾ, റെ​സി​ഡ​ൻ​ഷ്യ​ൽ കെ​ട്ടി​ട​ങ്ങ​ൾ, ഫാ​ക്ട​റി​ക​ൾ, കാ​ർ​ഷി​ക മേ​ഖ​ല എ​ന്നി​വി​ട​ങ്ങ​ളി​ൽ ഊ​ർ​ജ-​ജ​ല സം​ര​ക്ഷ​ണ സാ​ങ്കേ​തി​ക വി​ദ്യ​ക​ളെ​ക്കു​റി​ച്ച് പ്ര​ചാ​ര​ണ​വും വ്യ​ത്യ​സ്ത പ​രി​പാ​ടി​ക​ളും സം​ഘ​ടി​പ്പി​ക്കും.

രാ​വി​ലെ 11 മു​ത​ൽ വൈ​കീ​ട്ട് അ​ഞ്ചു വ​രെ​യു​ള്ള ഉ​യ​ർ​ന്ന ഉ​പ​ഭോ​ഗ സ​മ​യ​ത്ത് വൈ​ദ്യു​തി-​ജ​ല ഉ​പ​യോ​ഗ​ത്തി​ൽ പ്ര​ത്യേ​ക ശ്ര​ദ്ധ ന​ൽ​കാ​നും പാ​ഴാ​ക്ക​ൽ ഒ​ഴി​വാ​ക്കാ​നും അ​ധി​കൃ​ത​ർ ഉ​ണ​ർ​ത്തി.

വൈ​ദ്യു​തി ഉ​പ​യോ​ഗം ഉ​യ​ർ​ന്നു തു​ട​ങ്ങി

കു​വൈ​ത്ത് സി​റ്റി: താ​പ​നി​ല വ​ർ​ധി​ച്ച് തു​ട​ങ്ങി​യ​തോ​ടെ രാ​ജ്യ​ത്ത് വൈ​ദ്യു​തി ഉ​പ​യോ​ഗ​വും ഉ​യ​ർ​ന്നു തു​ട​ങ്ങി. ക​ഴി​ഞ്ഞ ദി​വ​സ​ങ്ങ​ളി​ൽ ഉ​യ​ർ​ന്ന താ​പ​നി​ല കാ​ര​ണം പീ​ക്ക് സ​മ​യ​ങ്ങ​ളി​ൽ വൈ​ദ്യു​തി ഉ​പ​യോ​ഗം പ​ല​യി​ട​ത്തും ഓ​റ​ഞ്ച് സോ​ണി​ലെ​ത്തി. ചൊ​വ്വാ​ഴ്ച പ​ക​ൽ 37 ഡി​ഗ്രി സെ​ൽ​ഷ്യ​സി​ലേ​ക്ക് താ​പ​നി​ല ഉ​യ​ർ​ന്ന​തോ​ടെ ഉ​യ​ർ​ന്ന വൈ​ദ്യു​തി ലോ​ഡ് 11,545 മെ​ഗാ​വാ​ട്ടി​ലെ​ത്തി. തി​ങ്ക​ളാ​ഴ്ച​യി​ലെ ഉ​യ​ർ​ന്ന ലോ​ഡാ​യ 11,190 മെ​ഗാ​വാ​ട്ടി​ൽ​നി​ന്ന് 355 മെ​ഗാ​വാ​ട്ടി​ന്റെ വ​ർ​ധ​ന​യാ​ണ് ഉ​ണ്ടാ​യ​ത്.

അ​തേ​സ​മ​യം, അ​റ്റ​കു​റ്റ​പ്പ​ണി​ പൂ​ർ​ത്തി​യാ​ക്കി​യ 600 മെ​ഗാ​വാ​ട്ട് ശേ​ഷി​യു​ള്ള പു​തി​യ യൂ​നി​റ്റു​ക​ൾ സ​ജ്ജ​മാ​ക്കി​യ​തി​നാ​ൽ വൈ​ദ്യു​തി ഉ​പ​ഭോ​ഗം ഗ​ണ്യ​മാ​യി വ​ർ​ധി​ച്ചി​ട്ടും പ​വ​ർ​ക​ട്ടി​ലേ​ക്ക് നീ​ങ്ങി​യി​ട്ടി​ല്ല. ഈ ​മാ​സം ജി.​സി.​സി ഇ​ന്റ​ർ​ക​ണ​ക്ഷ​ൻ അ​തോ​റി​റ്റി​യി​ൽ​നി​ന്ന് 600 മെ​ഗാ​വാ​ട്ട് വൈ​ദ്യു​തി ഇ​റ​ക്കു​മ​തി ചെ​യ്യു​ന്നു​മു​ണ്ട്.

ബുധനാഴ്ച വൈദ്യുതി നിയന്ത്രണം

കുവൈത്ത് സിറ്റി: ബുധനാഴ്ച രാജ്യത്തിന്റെ വിവിധ ഭാഗങ്ങളിൽ വൈദ്യുതി നിയന്ത്രണം. ഉച്ചയോടെ വിവിധ ഇടങ്ങളിൽ വൈദ്യുതി മുടങ്ങി

. താപനില ഉയരുന്നതും വൈദ്യുതി ഉൽപാദന യൂനിറ്റുകളിൽ നടക്കുന്ന അറ്റകുറ്റപ്പണിയുമാണ് നിയന്ത്രണത്തിന് കാരണമായത്. വരും ദിവസങ്ങളിൽ ഫർവാനിയ, അബ്ദുല്ല അൽ മുബാറക്, മഹ്ബൂല, ജലീബ് തുടങ്ങിയ പ്രദേശങ്ങളിൽ വൈദ്യുതി നിയന്ത്രണം ഏർപ്പെടുത്തും.

വൈദ്യുതി ലോഡുകൾ നിരന്തരം നിരീക്ഷിച്ചുകൊണ്ടിരിക്കുകയാണെന്നും അധികൃതര്‍ പറഞ്ഞു. പൊതുജനങ്ങൾക്ക് അസൗകര്യം ഉണ്ടാകാതിരിക്കാൻ മുൻകരുതലുകൾ സ്വീകരിച്ചിട്ടുണ്ടെന്ന് മന്ത്രാലയം അറിയിച്ചു.