ഹുദാ സെന്റർ കെ.എൻ.എം ഇഫ്താർ മീറ്റിൽ മുസ്‌തഫ തൻവീർ സംസാരിക്കുന്നു
കുവൈത്ത് സിറ്റി: കുവൈത്ത് ഇന്ത്യൻ ഹുദാ സെന്റർ സമൂഹ ഇഫ്താർ അബൂഹലീഫ അൽ സഹൽ സ്പോർട്സ് ക്ലബ്‌ സ്റ്റേഡിയത്തിൽ നടന്നു. ഹുദ സെന്റർ പ്രസിഡന്റ്‌ അബുല്ല കാരക്കുന്ന് അധ്യക്ഷത വഹിച്ചു. നിച്ച് ഓഫ് ട്രൂത്ത് ഭാരവാഹി മുസ്‌തഫ തൻവീർ മുഖ്യ പ്രഭാഷണം നടത്തി. ജനറൽ സെക്രട്ടറി അബ്ദു റഹ്മാൻ അടക്കാനി സ്വാഗതവും ഇബ്രാഹിം തോട്ടങ്കണ്ടി നന്ദിയും പറഞ്ഞു . ഡോ.അബ്ദുൽ ഹമീദ് കൊടുവള്ളി സെന്ററിന്റെ പ്രസക്തിയും പ്രവർത്തനങ്ങളും വിശദീകരിച്ചു.
മതത്തിന്റെ അടിസ്ഥാന തത്വം വിട്ടുവീഴ്ചയും കാരുണ്യവുമെന്നും, റമദാനിൽ ആരാധന കർമങ്ങളിലും കാരുണ്യപ്രവർത്തനങ്ങളിലും സജീവമാകാനും ഇഫ്താർ പൊതുയോഗം വിശ്വാസികളെ ഓർമപ്പെടുത്തി. സാബിക് യൂസുഫ് (കെ.ഐ.ജി) മുഹമ്മദ് അലി കടിഞ്ഞിമൂല (കെ.കെ.എം.എ) എന്നിവർ പരിപാടിയിൽ സംബന്ധിച്ചു.
ഹുദാ സെന്റർ ഭാരവാഹികളായ ജസീർ പുത്തൂർ പള്ളിക്കൽ, ജാബിർ ഹംസ, മൂസാ പല്ലാട്ട്, ആഷിക്, ഷിയാദ് ബദർ, അനീഷ്, സുഹൈൽ, നൗഷർ എന്നിവർ പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.