വീട്ടിൽ തീപടർന്ന ഇടം അഗ്നിശമന സേന പരിശോധിക്കുന്നു
കുവൈത്ത് സിറ്റി: അൽ ഫനൈറ്റീസ് ഏരിയയിൽ വീട്ടിൽ തീപിടിത്തം. വീടിനകത്ത് അകപ്പെട്ടവരെ അഗ്നിശമന സേന രക്ഷപ്പെടുത്തി ആശുപത്രിയിലെത്തിച്ചു. ബുധനാഴ്ച രാവിലെ അൽ ഫനൈറ്റീസ് പ്രദേശത്താണ് സംഭവമെന്ന് ജനറൽ ഫയർഫോഴ്‌സിന്റെ പബ്ലിക് റിലേഷൻസ് ആൻഡ് മീഡിയ വിഭാഗം അറിയിച്ചു.
സെൻട്രൽ ഓപറേഷൻസ് വകുപ്പിന് റിപ്പോർട്ട് ലഭിച്ച ഉടനെ ബൈറാഖ്, ഖുറൈൻ കേന്ദ്രങ്ങളിൽ നിന്നുള്ള അഗ്നിശമന സേനയെ അയച്ചതായി അധികൃതർ അറിയിച്ചു. സംഘം എത്തിയപ്പോൾ വീടിന്റെ ബേസ്‌മെന്റിൽ തീ പടർന്നതായി കണ്ടെത്തി. ഉടൻ തീ നിയന്ത്രണ വിധേയമാക്കി അണച്ചു. തുടർന്ന് വീടിനുള്ളിൽ കുടുങ്ങിയവരെ മെഡിക്കൽ എമർജൻസി വിഭാഗത്തിന് കൈമാറുകയായിരുന്നു.
ബുധനാഴ്ച രാവിലെ ഹവല്ലി ഏരിയയിലെ ആറാം നിലയിലെ വാണിജ്യ സമുച്ചയത്തിനുള്ളിലെ കഫേ ഷോപ്പിലും തീപിടിത്തമുണ്ടായി. അഗ്നിശമന സേനാംഗങ്ങൾ എത്തി പരിക്കേൽക്കാതെ അണച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.