ട്രാസ്ക് ‘കളിക്കളം’ കുട്ടികൾ കെ.ഡി.ഡി ഫാക്ടറിയിൽ
കുവൈത്ത്സിറ്റി: തൃശൂർ അസോസിയേഷൻ ഓഫ് കുവൈത്ത് (ട്രാസ്ക്) വനിത വേദിയുടെ നേതൃത്വത്തിൽ ‘കളിക്കളം’ കുട്ടികൾ കെ.ഡി.ഡി ഫാക്ടറി സന്ദർശിച്ചു. കുട്ടികൾക്ക് വിനോദവും വിജ്ഞാനവും പകരുന്നതായി യാത്ര. നൂറിൽ അധികം കളിക്കളം കുട്ടികൾ അവസരം ഉപയോഗപ്പെടുത്തി.
കെ.ഡി.ഡിയുടെ ഐസ്ക്രീമിന്റെയും ജ്യൂസിന്റെയും ഉൽപാദന പ്രക്രിയ കുട്ടികൾ നേരിട്ട് മനസ്സിലാക്കി. ഫാക്ടറി സജ്ജീകരണം, പ്രി-പ്രൊഡക്ഷൻ, പാക്കിങ് എന്നിവ എങ്ങനെ നടക്കുന്നുവെന്നും മനസ്സിലാക്കാൻ കുട്ടികൾക്ക് അവസരം ലഭിച്ചു. ഫാക്ടറിയിൽനിന്ന് മതിയാകുവോളം ഐസ്ക്രീമും ജ്യൂസും കഴിക്കാനും കുട്ടികൾക്കായി. കെ.ഡി.ഡി അധികൃതർ കുട്ടികൾക്ക് ഗിഫ്റ്റുകളും നൽകി. വനിത വേദി ജനറൽ കൺവീനർ ഷെറിൻ ബിജു, സെക്രട്ടറി പ്രീന സുദർശൻ, ജോയൻറ് സെക്രട്ടറി വിജി ജിജോ, കേന്ദ്ര-ഏരിയ സമിതി അംഗങ്ങൾ എന്നിവർ യാത്രക്ക് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.