സിയ ബിൻത് അനസിന് കെ.എം.സി.സി അഴീക്കോട്‌ മണ്ഡലം കമ്മിറ്റി ഉപഹാരം കൈമാറുന്നു
കുവൈത്ത് സിറ്റി: ഖുർആൻ കൈയെഴുത്ത് പ്രതി പൂർത്തിയാക്കിയ സിയ ബിൻത് അനസിനെ കുവൈത്ത് കെ.എം.സി.സി അഴീക്കോട്‌ മണ്ഡലം കമ്മിറ്റി ആദരിച്ചു. സിയ പൂർത്തീകരിച്ച ഖുർആൻ പ്രതിയുടെയും കാലിഗ്രഫിയുടെയും പ്രദർശനവും നടന്നു.
ഫഹാഹീൽ മെഡക്സ് മെഡിക്കൽ കെയർ ഓഡിറ്റോറിയത്തിൽ പരിപാടി കുവൈത്ത് കെ.എം.സി.സി പ്രസിഡന്റ്‌ നാസർ മശ്ഹൂർ തങ്ങൾ ഉദ്ഘാടനം ചെയ്തു. അഴീക്കോട്‌ മണ്ഡലം പ്രസിഡന്റ്‌ നവാസ് കുന്നുംകൈ അധ്യക്ഷത വഹിച്ചു.
സയ്യിദ് അബ്ദുറഹ്മാൻ, മെഡക്സ് മെഡിക്കൽ ഗ്രൂപ് ചെയർമാൻ ആൻഡ് സി.ഇ.ഒ വി.പി. മുഹമ്മദലി, കെ.എം.സി.സി സംസ്ഥാന വൈസ് പ്രസിഡന്റ്‌ എം.ആർ. നാസർ, കാസർകോട് ജില്ല പ്രസിഡന്റ്‌ റസാഖ് അയ്യൂർ, കണ്ണൂർ ജില്ല ട്രഷറർ സുഹൈൽ, കൊയിലാണ്ടി മണ്ഡലം പ്രസിഡന്റ്‌ ടി.വി. ലത്തീഫ്, തലശേരി മണ്ഡലം പ്രസിഡന്റ്‌ അഷറഫ് എന്നിവർ സംസാരിച്ചു. സംഘടനയുടെ മെമെന്റോ മശ്ഹൂർ തങ്ങൾ കൈമാറി. വി.പി. മുഹമ്മദലി സ്നേഹോപഹാരം നൽകി. സിയയുടെ പിതാവ് അനസ് മറുപടി പ്രസംഗം നടത്തി. ഫത്തഹുല്ലാഹ് ഇബ്നു അനസ് പ്രാർഥന നടത്തി. കെ.പി.ബി. അൻവർ സ്വാഗതവും, ഇസ്മയിൽ ചാലാട് നന്ദിയും പറഞ്ഞു. റയീസ് അഴീക്കോട്‌,ഹിഷാം മഹമൂദ് കക്കാട്,സബാഹ്,ഷംസീർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.