ബുധനാഴ്ച രാത്രി കുവൈത്തിൽനിന്ന് തിരുവനന്തപുരത്തേക്കുള്ള കുവൈത്ത് എയർവേസിെൻറ ചാർേട്ടഡ് വിമാനത്തിലെ യാത്രക്കാർ വിമാനത്താവളത്തിൽ
കുവൈത്ത് സിറ്റി: വന്ദേഭാരത് അഞ്ചാംഘട്ട ഭാഗമായി വ്യാഴാഴ്ച മുതൽ കുവൈത്തിൽനിന്ന് ഇന്ത്യയിലേക്ക് വിമാന സർവിസ് ഉണ്ടാവും. വ്യാഴാഴ്ച കൊച്ചിയിലേക്ക് ഇൻഡിഗോ വിമാനമുണ്ട്. 14ന് ഡൽഹിയിലേക്കും വിജയവാഡയിലേക്കും എയർഇന്ത്യ ഒാരോ സർവിസ് നടത്തുേമ്പാൾ ഇൻഡിഗോ വിമാനം ചെന്നൈയിലേക്ക് പറക്കും. 15ന് എയർ ഇന്ത്യ മുംബൈ, ഹൈദരാബാദ്, എന്നിവിടങ്ങളിലേക്കും ഇൻഡിഗോ ഭുവനേശ്വറിലേക്കും 16ന് എയർ ഇന്ത്യ ചെന്നൈ, ബംഗളൂരു എന്നിവിടങ്ങളിലേക്കും ഇൻഡിഗോ ജയ്പൂരിലേക്കും 17ന് എയർ ഇന്ത്യ ഡൽഹിയിലേക്കും ഇൻഡിഗോ ഹൈദരാബാദിലേക്കും സർവിസ് നടത്തും. കൂടുതൽ സർവിസുകളുടെ പട്ടിക വരുംദിവസങ്ങളിൽ പുറത്തുവിേട്ടക്കും.
കുവൈത്തിൽനിന്ന് ജസീറ എയർവേസ്, കുവൈത്ത് എയർവേസ് എന്നിവ ഇന്ത്യയിലേക്ക് ചാർേട്ടഡ് സർവിസും നടത്തുന്നുണ്ട്. രണ്ട് രാജ്യത്തെയും വിമാന കമ്പനികൾക്ക് 500 സീറ്റ് വീതം അനുവദിക്കുമെന്നാണ് വ്യോമയാന വകുപ്പുകൾ തമ്മിലെ ധാരണ. ബുധനാഴ്ച 114 യാത്രക്കാരുമായി മംഗലാപുരത്തേക്കും 199 യാത്രക്കാരുമായി തിരുവനന്തപുരത്തേക്കും കുവൈത്ത് എയർവേയ്സ് സർവീസ് നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.