കുവൈത്ത് സിറ്റി: ഈ മാസം 19ന് നടക്കുന്ന വാഫി-വഫിയ്യ എന്‍ട്രന്‍സ് പരീക്ഷകള്‍ക്ക് കുവൈത്തിലും പരീക്ഷ കേന്ദ്രം. കുവൈത്തിലെ അലി സബാഹ് അസ്സാലിം സ്ട്രീറ്റിലാണ് പരീക്ഷ സൗകര്യം. മേയ് 19 ഇന്ത്യന്‍ സമയം രാവിലെ 10.30 മുതല്‍ പന്ത്രണ്ട് മണിവരെ വഫിയ്യ ജനറല്‍, ആര്‍ട്സ്, പ്രൊഫഷനല്‍ എന്നിവയുടെയും ഉച്ചക്ക് രണ്ട് മുതല്‍ 3.30 വരെ വാഫി ജനറല്‍, ആര്‍ട്സ്, പ്രഫഷനല്‍ എന്നിവയുടെയും പ്രവേശന പരീക്ഷകൾ നടക്കും. കൂടുതല്‍ വിവരങ്ങള്‍ക്ക് 00917025687788, 00971567990086 എന്നീ നമ്പറുകളില്‍ ബന്ധപ്പെടുക. രജിസ്ട്രേഷന് www.wafyonline.com വെബ്സൈറ്റ് ഉപയോഗപ്പെടുത്താം.
സ്കൂള്‍ പത്താം ക്ലാസ് തുടര്‍പഠന യോഗ്യതയും പ്രാഥമിക മത വിദ്യാഭ്യാസവും നേടിയ വിദ്യാര്‍ഥികള്‍ക്കായി കോഓര്‍ഡിനേഷന്‍ ഓഫ് ഇസ് ലാമിക് കോളജസ് (സി.ഐ.സി) നടപ്പിലാക്കുന്ന സമന്വയ വിദ്യാഭ്യാസ രീതിയാണ് വാഫി (ആണ്‍കുട്ടികള്‍ക്ക്), വഫിയ്യ (പെണ്‍കുട്ടികള്‍ക്ക്). യോഗ്യത പരീക്ഷയില്‍ മികവ് അനുസരിച്ചാകും പ്രവേശനം. നിലവില്‍ അറുപതിലധികം കോളജുകള്‍ സി.ഐ.സിയോട് അഫിലിയേറ്റ് ചെയ്ത് പ്രവര്‍ത്തിക്കുന്നുണ്ട്. സയന്‍സ്, കോമേഴ്സ്, ഹ്യുമാനിറ്റീസ് എന്നീ ഫാക്കല്‍റ്റികളില്‍ 30 വരെ സീറ്റുകള്‍ കോളജുകളില്‍ ലഭ്യമാണ്. കുവൈത്തിലെ വിവരങ്ങൾക്ക് -9720 0539 നമ്പറിൽ ബന്ധപ്പെടാം
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.