യുവജന പ്രസ്ഥാനം കുവൈത്ത് സോൺ അംഗങ്ങളും ഭാരവാഹികളും
കുവൈത്ത് സിറ്റി: ഓർത്തഡോക്സ്‌ ക്രൈസ്തവ യുവജന പ്രസ്ഥാനം കുവൈത്ത് സോണിന്റെ 2025-26 വർഷത്തെ പ്രവർത്തനോദ്ഘാടനം നിർവഹിച്ചു.
സെന്റ്‌ ഗ്രീഗോറിയോസ്‌ ഇന്ത്യൻ ഓർത്തഡോക്സ്‌ മഹാ ഇടവക പാഴ്സനേജിൽ നടന്ന ചടങ്ങിൽ സോണൽ പ്രസിഡന്റ് ഫാ.അജു വർഗീസ്‌ അധ്യക്ഷതവഹിച്ചു. വിവിധ ഓർത്തഡോക്സ്‌ ഇടവകകളുടെ വികാരിമാരായ ഫാ.ഡോ.ബിജു ജോർജ്ജ്‌ പാറക്കൽ, ഫാ.പി.ജെ.എബ്രഹാം, ഫാ.ജെഫിൻ വർഗീസ്‌, ഫാ.മാത്യു തോമസ്‌ എന്നിവർ സംസാരിച്ചു. പോപ്പ്‌ ഫ്രാൻസിസിന്റെ ദേഹവിയോഗത്തിൽ യോഗം അനുശോചനം രേഖപ്പെടുത്തി.
യുവജനപ്രസ്ഥാനത്തിന്റെ കേന്ദ്ര പ്രതിനിധിയായി തെരഞ്ഞെടുക്കപ്പെട്ട ജിനു എബ്രഹാം വർഗീസ്‌, സെൻട്രൽ അസംബ്ലി അംഗമായി തെരഞ്ഞെടുക്കപ്പെട്ട അനു ഷെൽവി എന്നിവരെ ചടങ്ങിൽ ആദരിച്ചു. മഹാ ഇടവക യൂനിറ്റ്‌ ലേ-വൈസ്‌ പ്രസിഡന്റ് ഷെൽവി ഉണ്ണുണ്ണി സ്വാഗതവും സോണൽ സെക്രട്ടറി ജോമോൻ ജോർജ് കോട്ടവിള നന്ദിയും പറഞ്ഞു.
ജിനു എബ്രഹാം വർഗീസ്‌, അനു ഷെൽവി, ബിജോ ഡാനിയേൽ, കെ.സി.ബിജു, ഷൈൻ ജോസഫ്‌ സാം, മനു മോനച്ചൻ, ജിജോ കെ. തോമസ്‌, അനി ബിനു, റോഷൻ സാം മാത്യു, ഷോബിൻ ഫിലിപ്പ്‌ എന്നിവർ ചടങ്ങിൽ സന്നിഹിതരായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.