വി​ട​വാ​ങ്ങി​യ​ത് സൂ​റി​ന്റെ ചി​രി​ക്കു​ന്ന മ​ല​യാ​ളി മു​ഖം

മ​സ്ക​​ത്ത്: ക​ഴി​ഞ്ഞ ദി​വ​സം വി​ട​പ​റ​ഞ്ഞ സൂ​റി​ലെ ആ​ദ്യ​കാ​ല പ്ര​വാ​സി​യാ​യ പൂ​മ​ക്കോ​ത്ത് അ​ബ്ദു​ൽ അ​സീ​സ് സൂ​റി​ന്റെ ചി​രി​ക്കു​ന്ന മ​ല​യാ​ളി മു​ഖ​മാ​യി​രു​ന്നു. 40 വ​ർ​ഷ​ത്തോ​ളം ഒ​മാ​നി​ൽ ഒ​രൊ​റ്റ സ്പോ​ൺ​സ​റി​നു​ കീ​ഴി​ൽ പ്ര​വാ​സ ജീ​വി​തം ന​യി​ച്ച അ​സീ​സ് കയെ​പ്പ​റ്റി ന​ല്ല​തു മാ​ത്ര​മാ​ണ് പ​രി​ച​യ​പ്പെ​ട്ട​വ​ർ​ക്കെ​ല്ലാം പ​റ​യാ​നു​ള്ള​ത്. ത​ന്നോ​ട് ദേഷ്യം പ്ര​ക​ടി​പ്പി​ക്കു​ന്ന​വ​രോ​ടു​പോ​ലും ചി​രി​ച്ച് ഇ​ട​പെ​ടു​ന്ന അ​പൂ​ർ​വ വ്യ​ക്തി​ത്വ​മാ​യി​രു​ന്നു അ​ദ്ദേ​ഹ​ത്തി​ന്റേ​ത്.

ഇ​തു കാ​ര​ണം സ്വ​ദേ​ശി​ക​ൾ​ക്കും ഏ​റെ പ്രി​യ​പ്പെ​ട്ട​വ​നാ​യി​രു​ന്നു. സ​ത്യസ​ന്ധ​ത​യും വി​ശ്വ​സ്ത​ത​യും മു​ഖ മു​ദ്ര​യാ​ക്കി​യ അ​ദ്ദേ​ഹ​ത്തെ സ്പോ​ൺ​സ​റാ​യി​രു​ന്ന അ​ലി ഹ​മ​ദ് ഹ​രീ​ബ് അ​ൽ അ​റൈ​മി​ക്കും ഏ​റെ ഇ​ഷ്ട​വും ബ​ഹു​മാ​ന​വു​മാ​യി​രു​ന്നു. ഈ ​സ്നേ​ഹ​വും വി​ശ്വ​സ്ത​ത​യു​മാ​ണ് ഒ​മാ​നി​ൽ നി​ര​വ​ധി ശാ​ഖ​ക​ളു​ള്ള ആൽ ഹ​രീ​ബ് ബി​ൾ​ഡി​ങ് മെ​റ്റീ​രി​യ​ൽ​സ് ഉ​യ​ർ​ന്നു വ​രാ​ൻ കാ​ര​ണം.

കോ​ഴി​ക്കോ​ട് ക​ക്കോ​ടി സ്വ​ദേ​ശി​യാ​യ ഇ​ദ്ദേ​ഹം പ​ഠ​ന ശേ​ഷം കു​റ്റ്യാ​ടി ഇ​സ്‍ലാ​മി​യ കോ​ള​ജി​ലും സേ​വ​നം അ​നു​ഷ്ടി​ച്ചി​രു​ന്നു. പി​ന്നീ​ട് ഒ​മാ​നി​ലെ​ത്തി​യ അ​ദ്ദേ​ഹം ഇ​റാ​ൻ ഇ​ൻ​ഷൂറ​ൻ​സ് ക​മ്പ​നി​യി​ലും അ​ൽ ഖൂ​ദി​ൽ ഹൗ​സ് ഹോ​ൾ​ഡ് സ്ഥാ​പ​ന​ത്തി​ലും ജോ​ലി ചെ​യ്തു.

1995 ജൂ​ലൈ​യി​ലാ​ണ് അ​ദ്ദേ​ഹ​വും പ​രേ​ത​നാ​യ എം.​എ.​കെ ഷാ​ജ​ഹാ​നും അ​ൽ ഹ​രീ​ബ് ബി​ൾ​ഡി​ങ് മെ​റ്റീ​രി​യ​ൽ​സ് ആ​രം​ഭി​ക്കു​ന്ന​ത്. വ​ള​രെ​വേ​ഗം വ​ള​ർ​ന്നു പ​ന്ത​ലി​ച്ച ഈ ​സ്ഥാ​പ​ന​ത്തി​ന്റെ വ​ള​ർ​ച്ച​യി​ൽ ഷാ​ജ​ഹാ​നോ​ടൊ​പ്പം ക​ഠി​ന​യ​ത്നം ചെ​യ്ത വ്യ​ക്തി​ത്വ​മാ​യി​രു​ന്നു അ​ബ്​​ദു​ൽ അ​സീ​സ്. എ​ല്ലാ​വ​രോ​ടും അ​ടു​ത്തി​ട​പ​ഴ​കു​ന്ന അ​ദ്ദേ​ഹം ഇ​തു​വ​രെ​യും ക​മ്പനിയു​ടെ സി.​ഇ.​ഒ ആ​യി​രു​ന്നു.

അ​സീ​സ്​​ക്ക​യു​മാ​യി ഇ​ട​പെ​ട്ട ആ​ർ​ക്കും അ​ദ്ദേ​ഹ​ത്തെ മ​റ​ക്കാ​ൻ ക​ഴി​യി​ല്ലെ​ന്ന് ആ​ദ്യ​കാ​ല സു​ഹൃ​ത്താ​യ ഹി​സ്ബു​ല്ല ഹാ​ജി പ​റ​ഞ്ഞു. താ​ൻ സൂ​റി​ലെ​ത്തി മൂ​ന്നാം ദി​വ​സം ത​ന്നെ അ​സീ​സ്ക്ക​യു​മാ​യി സു​ഹൃ​ദ്​​ബ​ന്ധം സ്ഥാ​പി​ച്ചി​രു​ന്നു. അ​ക്കാ​ല​ത്തു സൂ​റി​ൽ മ​ല​യാ​ളി​ക​ൾ പ്ര​ത്യേ​കി​ച്ചു മ​ല​ബാ​റി​ൽ നി​ന്നു​ള്ള​വ​ർ കു​റ​വാ​യി​രു​ന്നു. അ​ന്നു മു​ത​ൽ ആ​രം​ഭി​ച്ച സൗ​ഹൃ​ദം അ​വ​സാ​നം​വ​രെ​യും തു​ട​ർ​ന്നു​വെ​ന്ന്​ അ​ദ്ദേ​ഹം പ​റ​ഞ്ഞു. സൂ​റി​ലെ സാ​മു​ഹി​ക സാം​സ്കാ​രി​ക മേ​ഖ​ല​ക​ളി​ലും നി​റ​ഞ്ഞു​നി​ന്ന വ്യ​ക്തി​ത്വ​മാ​യി​രു​ന്നു അ​സീ​സ് ക​യെ​ന്നു കൂ​ടെ ജോ​ലി ചെ​യ്യു​ന്ന എം. ​പി അ​ഷ​റ​ഫ് പ​റ​ഞ്ഞു. അ​ദ്ദേ​ഹ​ത്തി​ന്‍റെ സ​ുഹൃ​ദ്‍വ​ല​യ​ത്തി​ൽ എ​ല്ലാ വി​ഭാ​ഗ​ക്കാ​രുമു​ണ്ടാ​യി​രു​ന്നു. സം​ഘ​ട​നാ​പ്ര​വ​ർ​ത്ത​ന​ങ്ങ​ളി​ലും സ​ജീ​വ​മാ​യി​രു​ന്നു. മ​റ്റു​ള്ള​വ​രെ സ​ഹാ​യി​ക്കു​ന്ന​തി​ൽ ഏ​റെ താ​ൽ​പ​ര്യം കാ​ണി​ച്ചി​രു​ന്ന അ​സീ​സ് ക നി​ര​വ​ധി കു​ടും​ബ​ങ്ങ​ൾ​ക്കു​ താ​ങ്ങും​ത​ണ​ലു​മാ​യി​രു​ന്നു​വെ​ന്നും അ​ദ്ദേ​ഹം പ​റ​ഞ്ഞു.​