മ​നു​ഷ്യ​ക്ക​ട​ത്തി​നെ​തി​രാ​യ ബോ​ധ​വ​ത്​​ക​ര​ണത്തി​ന്​ തു​ട​ക്കം

മ​സ്​​ക​ത്ത്​: മ​നു​ഷ്യ​ക്ക​ട​ത്തി​നെ​തി​രാ​യ ബോ​ധ​വ​ത്​​ക​ര​ണ പ​രി​പാ​ടി​ക്ക്​ ഒ​മാ​നി​ൽ തു​ട​ക്ക​മാ​യി. മ​നു​ഷ്യ​ക്ക​ട​ത്തി​നെ പ്ര​തി​രോ​ധി​ക്കു​ന്ന​തി​നാ​യു​ള്ള ദേ​ശീ​യ ക​മ്മി​റ്റി​യു​ടെ (എ​ൻ.​സി.​സി.​എ​ച്ച്.​ടി) നേ​തൃ​ത്വ​ത്തി​ലാ​ണ് ​ 'ഇ​ൻ​സാ​ൻ'(​മ​നു​ഷ്യ​ൻ) എ​ന്ന ത​ല​ക്കെ​ട്ടി​ൽ മൂ​ന്നു​മാ​സ​ത്തെ കാ​മ്പ​യി​ൻ ആ​രം​ഭി​ച്ച​ത്.മ​നു​ഷ്യ​ക്ക​ട​ത്തു​മാ​യി ബ​ന്ധ​പ്പെ​ട്ട കു​റ്റ​കൃ​ത്യ​ങ്ങ​ളെ​ക്കു​റി​ച്ച അ​വ​ബോ​ധം പ​ക​രു​ന്ന​തി​നൊ​പ്പം ഇ​തി​നെ നേ​രി​ടു​ന്ന​തി​നു​ള്ള സ​ർ​ക്കാ​ർ ശ്ര​മ​ങ്ങ​ൾ​ക്ക്​ ക​രു​ത്തു​പ​ക​രാ​ൻ ജ​ന​ങ്ങ​ളെ പ്രാ​പ്​​ത​രാ​ക്കു​ക​യും കാ​മ്പ​യി​​നിെൻറ ല​ക്ഷ്യ​മാ​ണ്.

വി​ദേ​ശി​ക​ളെ​കൂ​ടി ല​ക്ഷ്യ​മി​ട്ട്​ വി​വി​ധ ഭാ​ഷ​ക​ളി​ലാ​കും കാ​മ്പ​യി​ൻ പ്ര​വ​ർ​ത്ത​ന​ങ്ങ​ൾ ന​ട​ക്കു​ക. ജാ​തി, മ​തം, വം​ശം എ​ന്നി​വ​ക്ക്​ ഉ​പ​രി​യാ​യി മ​നു​ഷ്യ​ത്വ​ത്തി​െൻറ മൂ​ല്യ​ങ്ങ​ൾ പ​ഠി​പ്പി​ച്ചു​​ന​ൽ​കു​ക​യാ​ണ്​ കാ​മ്പ​യി​ൻ ല​ക്ഷ്യ​​മി​ടു​ന്ന​തെ​ന്ന്​ എ​ൻ.​സി.​സി.​എ​ച്ച്.​ടി അ​റി​യി​ച്ചു.സ​മൂ​ഹ​ത്തി​ന്​ എ​ല്ലാ ത​ര​ത്തി​ലും ഭീ​ഷ​ണി​യാ​യി​ട്ടു​ള്ള മ​നു​ഷ്യ​ക്ക​ട​ത്തി​നെ​തി​രാ​യ ആ​ഗോ​ള പോ​രാ​ട്ട​ത്തി​ന്​ പി​ന്തു​ണ ന​ൽ​കേ​ണ്ട​ത്​ അ​ത്യാ​വ​ശ്യ​മാ​ണെ​ന്നാ​ണ്​ ഒ​മാ​ൻ ക​രു​തു​ന്ന​തെ​ന്ന്​ അ​റ്റോ​ർ​ണി ജ​ന​റ​ലും എ​ൻ.​സി.​സി.​എ​ച്ച്.​ടി ഡെ​പ്യൂ​ട്ടി ചെ​യ​ർ​മാ​നു​മാ​യ നാ​സ​ർ ഖ​മീ​സ്​ അ​ൽ സ​വാ​യി പ​റ​ഞ്ഞു.

ഇൗ ​ക്രി​മി​ന​ൽ കു​റ്റം ഇ​ല്ലാ​യ്​​മ ചെ​യ്യു​ന്ന​തി​നാ​യി ആ​ദ്യം നി​യ​മം പാ​സാ​ക്കി​യ രാ​ജ്യ​ങ്ങ​ളി​ലൊ​ന്ന്​ ഒ​മാ​നാ​ണ്. റോ​യ​ൽ ഡി​ക്രി 126/2008 പ്ര​കാ​ര​മു​ള്ള ആ​ൻ​റി ട്രാ​ഫി​ക്കി​ങ്​ നി​യ​മം അ​നു​സ​രി​ച്ച്​ വി​വി​ധ സ​ർ​ക്കാ​ർ സം​വി​ധാ​ന​ങ്ങ​ളെ ഉ​ൾ​പ്പെ​ടു​ത്തി മ​നു​ഷ്യ​ക്ക​ട​ത്തി​നെ പ്ര​തി​രോ​ധി​ക്കാ​ൻ ദേ​ശീ​യ ത​ല​ത്തി​ൽ ക​മ്മി​റ്റി​യു​ണ്ടാ​ക്കു​ക​യാ​ണ്​ ചെ​യ്​​ത​ത്.

നി​ര​വ​ധി അ​ന്താ​രാ​ഷ്​​ട്ര ഉ​ട​മ്പ​ടി​ക​ളി​ലും ഒ​മാ​ൻ ഭാ​ഗ​മാ​യി​ട്ടു​ണ്ടെ​ന്ന്​ നാ​സ​ർ ഖ​മീ​സ്​ അ​ൽ സ​വാ​യി പ​റ​ഞ്ഞു. സാ​മ്പ​ത്തി​ക, സാ​മൂ​ഹി​ക, സാം​സ്​​കാ​രി​ക അ​വ​കാ​ശ​ങ്ങ​ൾ ഉ​റ​പ്പു​വ​രു​ത്തു​ന്ന​തി​നാ​യു​ള്ള അ​ന്താ​രാ​ഷ്​​ട്ര ഉ​ട​മ്പ​ടി​യാ​ണ്​ ഇ​തി​ൽ ഏ​റ്റ​വും ഒ​ടു​വി​ല​ത്തേ​ത്. തൊ​ഴി​ലാ​ളി​ക​ള​ട​ക്കം വ്യ​ക്​​തി​ക​ൾ​ക്ക്​ അ​വ​രു​ടെ അ​വ​കാ​ശ​ങ്ങ​ൾ ഉ​റ​പ്പു​ന​ൽ​കു​ന്ന​തും ഒ​രു​വി​ധ നി​യ​മ ലം​ഘ​ന​ത്തി​നും വി​ധേ​യ​മാ​ക്ക​പ്പെ​ടു​ന്നി​ല്ലെ​ന്നും ഉ​റ​പ്പു​വ​രു​ത്തു​ന്ന​താ​ണ്​ ഇൗ ​ഉ​ട​മ്പ​ടി​യെ​ന്നും നാ​സ​ർ ഖ​മീ​സ്​ അ​ൽ സ​വാ​യി പ​റ​ഞ്ഞു. ക​മ്മി​റ്റി​യു​ടെ പു​തി​യ വെ​ബ്​​സൈ​റ്റും കാ​മ്പ​യി​ൻ അ​വ​ത​ര​ണ ച​ട​ങ്ങി​ൽ ഉ​ദ്​​ഘാ​ട​നം ചെ​യ്​​തു. www.nccht.om എ​ന്ന വെ​ബ്​​സൈ​റ്റ്​ അ​റ​ബി​യി​ലും ഇം​ഗ്ലീ​ഷി​ലും ല​ഭ്യ​മാ​ണ്. മ​നു​ഷ്യ​ക്ക​ട​ത്തി​നി​ര​യാ​യ​വ​ർ​ക്ക്​ 12 ഭാ​ഷ​ക​ളി​ൽ ഇ​തി​ൽ സ​ഹാ​യം അ​ഭ്യ​ർ​ഥി​ക്കാം.