രാജ്യത്തെ ആദ്യ ഫിഷ് ഓയിൽ റിഫൈനറി യൂനിറ്റ് ദുകത്ത്​ തുറന്നു

മ​സ്ക​ത്ത്​: ഒ​മാ​നി​ലെ ആ​ദ്യ​ത്തെ ഫി​ഷ് ഓ​യി​ൽ റി​ഫൈ​ന​റി യൂ​നി​റ്റ് ദു​ക​ത്തെ ​പ്ര​ത്യേ​ക സാ​മ്പ​ത്തി​ക മേ​ഖ​ല​യി​ൽ തു​റ​ന്നു. ദു​കം ആ​സ്ഥാ​ന​മാ​യു​ള്ള ഗോ​ൾ​ഡ് ഫി​ൻ ഇ​ന്റ​ർ​നാ​ഷ​ന​ൽ ക​മ്പ​നി​യാ​ണ്​ യൂ​നി​റ്റ്​ തു​റ​ന്ന​ത്. ​ പ്ര​തി​ദി​നം 10 ട​ൺ മ​ത്സ്യ എ​ണ്ണ ഉ​ൽ​പാ​ദി​ക്കാ​ൻ ശേ​ഷി​യു​ണ്ട്.

മ​ത്സ്യ-​ഭ​ക്ഷ്യ വ്യ​വ​സാ​യ​ങ്ങ​ൾ​ക്കാ​യി നി​യു​ക്ത​മാ​ക്കി​യ പ്ര​ദേ​ശ​ത്താ​ണ്​ യൂ​നി​റ്റ് സ്ഥി​തി ചെ​യ്യു​ന്ന​ത്. മ​ത്സ്യ എ​ണ്ണ​യി​ൽ അ​ട​ങ്ങി​യി​രി​ക്കു​ന്ന ഫാ​റ്റി ആ​സി​ഡു​ക​ൾ (ഒ​മേ​ഗ -3), മ​നു​ഷ്യ ഉ​പ​ഭോ​ഗ​ത്തി​ന് അ​നു​യോ​ജ്യ​മാ​യ മ​റ്റ് എ​ണ്ണ​ക​ൾ എ​ന്നി​വ​യു​ൾ​പ്പെ​ടെ വേ​ർ​തി​രി​ച്ചെ​ടു​ക്കാ​ൻ ഈ ​യൂ​നി​റ്റി​ന്​ സാ​ധി​ക്കും. മേ​ഖ​ല​യി​ലെ മ​ത്സ്യ-​ഭ​ക്ഷ്യ വ്യ​വ​സാ​യ​ങ്ങ​ൾ​ക്ക് മൂ​ല്യ​വ​ർ​ധി​ത സേ​വ​ന​ങ്ങ​ൾ ഉ​റ​പ്പാ​ക്കു​ന്ന​തി​​ന്‍റെ ഭാ​ഗ​മാ​യാ​ണ്​ ഫാ​ക്ട​റി തു​റ​ന്ന​തെ​ന്ന്​ പ്ര​ത്യേ​ക സാ​മ്പ​ത്തി​ക മേ​ഖ​ല​യി​ലെ ആ​ക്ടി​ങ്​ സി.​ഇ.​ഒ എ​ൻ​ജി. അ​ഹ്മ​ദ്​ ബി​ൻ അ​ലി അ​ക്കാ​ക്ക്​ പ​റ​ഞ്ഞു.

മ​ത്സ്യ എ​ണ്ണ ശു​ദ്ധീ​ക​രി​ക്കു​ന്ന​തി​ലും ഉ​ൽ​പാ​ദി​പ്പി​ക്കു​ന്ന​തി​ലും യൂ​നി​റ്റ് ഏ​റ്റ​വും പു​തി​യ സാ​ങ്കേ​തി​ക​വി​ദ്യ​ക​ളാ​ണ്​ സ്വീ​ക​രി​ച്ചി​ട്ടു​ള്ള​തെ​ന്ന് അ​​ദ്ദേ​ഹം ചൂ​ണ്ടി​ക്കാ​ട്ടി. ഫാ​ക്ട​റി​യു​ടെ ഉ​ൽ​പ​ന്ന​ങ്ങ​ൾ പ്രാ​ദേ​ശി​ക വി​പ​ണി​യു​ടെ ആ​വ​ശ്യ​ങ്ങ​ളും നി​റ​വേ​റ്റു​മെ​ന്ന് പ്ര​തീ​ക്ഷി​ക്കു​ന്നു. ബാ​ക്കി​യു​ള്ള​വ പ്രാ​ദേ​ശി​ക, അ​ന്ത​ർ​ദേ​ശീ​യ വി​പ​ണി​ക​ളി​ലേ​ക്ക് ക​യ​റ്റു​മ​തി ചെ​യ്യു​മെ​ന്നും ഫാ​ക്ട​റി ഉ​ട​മ മു​ഹ​മ്മ​ദ് ബ​ഷീ​ർ പ​റ​ഞ്ഞു.

മ​ത്സ്യ-​ഭ​ക്ഷ്യ വ്യ​വ​സാ​യ​ങ്ങ​ൾ​ക്കാ​യി നി​യു​ക്ത മേ​ഖ​ല​യി​ൽ 2018ൽ ​ഉ​ദ്ഘാ​ട​നം ചെ​യ്ത ഫി​ഷ് പ്ലാ​ന്റ് സ്ഥാ​പി​ക്കു​ന്ന​തി​നു​ള്ള ചെ​ല​വ് 30 ല​ക്ഷം റി​യാ​ലാ​ണെ​ന്നും ബ​ഷീ​ർ പ​റ​ഞ്ഞു.