മസ്കത്ത്: മലപ്പുറം ചങ്ങരംകുളം സ്വദേശി ഹൃദയാഘാതംമൂലം ഒമാനിൽ നിര്യാതനായി. ചങ്ങരംകുളം ആലേങ്കാട് അവറാൻപടി സ്വദേശി രാഹുൽ(30) ആണ് മരിച്ചത്. ഒമാനിലെ സിദാബിൽ കോറൽ ഒാഷ്യൻ ബോട്ടിങ് കമ്പനിയിൽ മെയിൻറനൻസ് വിഭാഗത്തിൽ ജോലി ചെയ്തുവരുകയായിരുന്നു. ശനിയാഴ്ച രാവിലെ ജോലിക്കിടെ രാഹുൽ വെള്ളത്തിലേക്ക് കുഴഞ്ഞുവീഴുകയായിരുന്നു. വീഴ്ചക്ക് ശേഷം ബോട്ടിന് സമീപത്തേക്ക് നീന്തിയ ഇദ്ദേഹത്തെ സഹപ്രവർത്തകർ പിടിച്ച് ബോട്ടിലേക്ക് കയറ്റിയതിന് ശേഷമാണ് മരിച്ചത്. ഒന്നുരണ്ട് ദിവസമായി ശാരീരിക അസ്വാസ്ഥ്യം അനുഭവപ്പെട്ടിരുന്നതായി പറയുന്നു. പുതുശേരി വളപ്പിൽ വിശ്വനാഥെൻറയും സരോജിനിയുടെയും മകനാണ്. ഭാര്യ: ആതിര. നാലുമാസം പ്രായമായ മകളുണ്ട്. സഹോദരങ്ങൾ: ബാബു, ജിഷ. മൃതദേഹം നാട്ടിലേക്ക് കൊണ്ടുപോകാനുള്ള നടപടികൾ സ്വീകരിച്ചുവരുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.