മസ്കത്ത്: മസ്കത്ത് കെ.എം.സി.സി തൃശൂർ ജില്ല കമ്മിറ്റിയുടെ ആഭിമുഖ്യത്തിലുള്ള സ്നേഹസംഗമം ബർക്ക അൽ ഫവാൻ ഒാഡിറ്റോറിയത്തിൽ നടന്നു. സാംസ്കാരിക സമ്മേളനത്തിൽ ജില്ല പ്രസിഡൻറ് അക്ബർഷാ ചാവക്കാട് അധ്യക്ഷത വഹിച്ചു. മുതിർന്ന നേതാവ് ഉമ്മർ ബാപ്പു ഉദ്ഘാടനം ചെയ്തു.
മികച്ച സാമൂഹിക സേവന പ്രവർത്തകനുള്ള പ്രഥമ സീതി സാഹിബ് മെമ്മോറിയൽ പുരസ്കാരം പി.ടി.കെ ഷമീറിന് തൃശൂർ ജില്ല ലീഗ് പ്രസിഡൻറ് സി.എ. മുഹമ്മദ് റഷീദ് കൈമാറി. ജില്ല പ്രസിഡൻറിനുള്ള മെമേൻറാ അക്ബർ ഷാ ചാവക്കാടും കബീർ നാട്ടികയും ഉപഹാരം അൻസാർ കൊടുങ്ങല്ലൂരും സമ്മാനിച്ചു. അഷ്റഫ് പൊയ്ക്കര ഇ.അഹമ്മദ് അനുസ്മരണ പ്രഭാഷണം നടത്തി.
തൃശൂർ ജില്ല മുസ്ലിംലീഗ് വൈസ് പ്രസിഡൻറ് വി.കെ. മുഹമ്മദ്, കേന്ദ്രകമ്മിറ്റി വൈസ് പ്രസിഡൻറ് എ.കെ.കെ തങ്ങൾ എന്നിവർ ആശംസകൾ നേർന്നു. ഇ.അഹമ്മദ് മെമ്മോറിയൽ പെയിൻ ആൻഡ് പാലിയേറ്റീവ് കെയർ സംരംഭത്തിലേക്കുള്ള തൃശൂർ ജില്ലാ കമ്മിറ്റിയുടെ ആദ്യവിഹിതമായ അഞ്ചുലക്ഷം രൂപയുടെ ചെക്ക് നിസാം ബർക്ക സി.എ മുഹമ്മദ് റഷീദിന് കൈമാറി. ഒപ്പന, ദഫ്മുട്ട്, മാപ്പിളപ്പാട്ട് തുടങ്ങി വിവിധ കലാപരിപാടികളും നടന്നു. അൻസാർ കൊടുങ്ങല്ലൂർ സ്വാഗതവും സി.എ. അഷ്റഫ് അലി നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.