വരുന്നു ചൂടൻ ദിനങ്ങൾ...

മ​സ്ക​ത്ത്​: രാ​ജ്യ​ത്ത്​ വ​രും ദി​വ​സ​ങ്ങ​ളി​ൽ താ​പ​നി​ല കു​തി​ച്ചു​യ​രു​മെ​ന്ന്​ ഒ​മാ​ൻ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം മു​ന്ന​റി​യി​പ്പു ന​ൽ​കി. ബു​ധ​നാ​ഴ്ച​വ​രെ താ​പ​നി​ല 40 മു​ത​ൽ 50 ഡി​ഗ്രി സെ​ൽ​ഷ്യ​സ് വ​രെ ഉ​യ​ർ​ന്നേ​ക്കാം. മ​രു​ഭൂ​മി പ്ര​ദേ​ശ​ങ്ങ​ളെ​യും ഒ​മാ​ൻ ക​ട​ലി​ന്‍റെ ചി​ല ഭാ​ഗ​ങ്ങ​ളി​ലു​മാ​യി​രി​ക്കും ചൂ​ട്​ കൂ​ടു​ത​ൽ ബാ​ധി​ക്കു​ക.

ചൂ​ട്​ ഉ​യ​രു​ന്ന പ​ശ്ചാ​ത​ല​ത്തി​ൽ പു​റ​ത്ത്​ ജോ​ലി​യെ​ടു​ക്കു​ന്ന​വ​ർ ജാ​ഗ്ര​ത പാ​ലി​ക്ക​ണം. ഇ​ത​നു​സ​രി​ച്ച്​ തൊ​ഴി​ലാ​ളി​ക​ൾ​ക്ക്​ ജോ​ലി ക്ര​മീ​ക​ര​ണ​ങ്ങ​ൾ തൊ​ഴി​ലു​ട​മ​ക​ൾ ന​ട​ത്തി​കൊ​ടു​ക്കേ​ണ്ട​താ​ണെ​ന്ന്​ അ​ധി​കൃ​ത​ർ ആ​വ​ശ്യ​പ്പെ​ട്ടു. താ​പ​ശോ​ഷ​ണം, സൂ​ര്യാ​ഘാ​തം തു​ട​ങ്ങി​യ ചൂ​ടു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ തി​രി​ച്ച​റി​യാ​നും ഉ​ചി​ത​മാ​യി പ്ര​തി​ക​രി​ക്കാ​നു​മു​ള്ള പ​രി​ശീ​ല​നം ജീ​വ​ന​ക്കാ​ർ​ക്ക്​ ന​ൽ​കേ​ണ്ട​തി​ന്‍റെ പ്ര​ധാ​ന്യ​ത്തെ​ക്കു​റി​ച്ചും അ​ധി​കൃ​ത​ർ ചൂ​ണ്ടി​ക്കാ​ട്ടി. ഈ ​കാ​ല​യ​ള​വി​ൽ സു​ര​ക്ഷി​ത​രാ​യി​രി​ക്കാ​ൻ ആ​വ​ശ്യ​മാ​യ മു​ൻ​ക​രു​ത​ലു​ക​ൾ സ്വീ​ക​രി​ക്കാ​ൻ പൗ​ര​ന്മാ​രും താ​മ​സ​ക്കാ​രും ത​യാ​റാ​ക​ണം.

അ​തേ​സ​മ​യം, ഉ​ച്ച​വി​ശ്ര​മ നി​യ​മം ക​മ്പ​നി​ക​ളും സ്ഥാ​പ​ന​ങ്ങ​ളും ന​ട​പ്പാ​ക്കു​ന്നു​ണ്ടെ​ന്ന്​ ഉ​റ​പ്പു​വ​രു​ത്താ​നാ​യി തൊ​​ഴി​ൽ മ​ന്ത്രാ​ല​യം പ​രി​ശോ​ധ​ന ന​ട​ത്തു​ന്നു​ണ്ട്. ക​ത്തു​ന്ന ചൂ​ടി​ന്​ തൊ​ഴി​ലാ​ളി​ക​ൾ​ക്ക്​ ആ​ശ്വാ​സം ന​ൽ​കാ​ൻ തൊ​ഴി​ൽ മ​ന്ത്രാ​ല​യം എ​ല്ലാ വ​ർ​ഷ​വും പ്ര​ഖ്യാ​പി​ക്കാ​റു​ള്ള ഉ​ച്ച വി​ശ്ര​മ​വേ​ള ജൂ​ൺ ഒ​ന്ന്​ മു​ത​ലാ​ണ്​ പ്രാ​ബ​ല്യ​ത്തി​ൽ വ​ന്ന​ത്. ഒ​മാ​ൻ തൊ​ഴി​ൽ നി​യ​മ​ത്തി​ലെ ആ​ർ​ട്ടി​ക്ക്​​ൾ 16 പ്ര​കാ​ര​മാ​ണ്​ ജൂ​ൺ മു​ത​ൽ ആ​ഗ​സ്​​റ്റു​വ​​രെ​യു​ള്ള കാ​ല​യ​ള​വി​ൽ പു​റ​ത്ത്​ ജോ​ലി​യെ​ടു​ക്കു​ന്ന തൊ​ളി​ലാ​ളി​ക​ൾ​ക്ക്​ വി​ശ്ര​മം ന​ൽ​കു​ന്ന​ത്. ഇ​തു​പ്ര​കാ​രം പു​റ​ത്തു​ജോ​ലി​യി​ലേ​ർ​പ്പെ​ട്ടി​രി​ക്കു​ന്ന തൊ​ഴി​ലാ​ളി​ക​ൾ​ക്ക് ഉ​ച്ച​ക്ക്​ 12.30 മു​ൽ 3.30 വ​രെ​യു​ള്ള സ​മ​യ​ങ്ങ​ളി​ൽ വി​ശ്ര​മം ന​ൽ​കാ​ൻ ക​മ്പ​നി​യും തൊ​ഴി​ൽ സ്ഥാ​പ​ന​ങ്ങ​ളും ബാ​ധ്യ​സ്ഥാ​രാ​ണ്.

തൊ​ഴി​​ലാ​ളി​ക​ളു​ടെ ആ​രോ​ഗ്യ-​തൊ​ഴി​ൽ സു​ര​ക്ഷ​യും ​മ​റ്റും പ​രി​ഗ​ണി​ച്ചാ​ണ്​ അ​ധി​കൃ​ത​ർ മ​ധ്യ​ഹാ​ന അ​വ​ധി ന​ൽ​കു​ന്ന​ത്. ഉ​ച്ച​വി​ശ്ര​മം ന​ട​പ്പി​ലാ​ക്കാ​ൻ തൊ​​ഴി​ൽ സ്ഥാ​പ​ന​ങ്ങ​ളു​​ടെ​യും ക​മ്പ​നി​ക​ളു​ടെ സ​ഹ​ക​ര​ണം ബ​ന്ധ​പ്പെ​ട്ട​വ​ർ ന​ട​ത്തി​യി​ട്ടു​ണ്ട്. അ​തേ​സ​മ​യം, ഇ​ത്​ ലം​ഘി​ക്കു​ന്ന​വ​ർ​ക്കെ​തി​രെ നി​യ​മ​ന​ട​പ​ടി​ക​ൾ സ്വീ​ക​രി​ക്കു​മെ​ന്ന് മു​ന്ന​റി​യി​പ്പു ന​ൽ​കി. 500 റി​യാ​ലി​ൽ കു​റ​യാ​ത്ത​തും1000​റി​യാ​ലി​ൽ കൂ​ടാ​ത്ത​തു​മാ​യ പി​ഴ​യും ചു​മ​ത്തും.

തൊ​ഴി​ലാ​ളി​ക​ളു​ടെ സം​ര​ക്ഷ​ണം ഉ​റ​പ്പാ​ക്കു​ന്ന​തി​നാ​യി എ​ല്ലാ നി​ർ​മാ​ണ, തു​റ​സ്സാ​യ സ്ഥ​ല​ങ്ങ​ളി​ൽ ഉ​ച്ച​സ​മ​യ​ങ്ങ​ളി​ൽ ജോ​ലി നി​ർ​ത്തി​വെ​ക്കേ​ണ്ട​താ​ണെ​ന്ന്​​ അ​ധി​കൃ​ത​ർ അ​റി​യ​ച്ചി​ട്ടു​ണ്ട്. ഉ​ച്ച സ​മ​യ​ങ്ങ​ളി​ൽ പ്ര​വ​ർ​ത്തി​ക്കു​ന്ന സ്ഥാ​പ​ന​ങ്ങ​ൾ ഏ​തെ​ങ്കി​ലും ത​ര​ത്തി​ലു​ള്ള ലം​ഘ​ന​ങ്ങ​ൾ ക​ണ്ടെ​ത്തി​യാ​ൽ, തൊ​ഴി​ൽ നി​യ​മ​ത്തി​ലെ ആ​ർ​ട്ടി​ക്കി​ൾ 118ലെ ​വ്യ​വ​സ്ഥ​ക​ള​നു​സ​രി​ച്ച് മ​ന്ത്രാ​ല​യം നി​യ​മ ന​ട​പ​ടി​ക​ൾ സ്വീ​ക​രി​ക്കും. നി​യ​മം പാ​ലി​ക്കു​ന്നു​ണ്ടോ​യെ​ന്ന്​ ടാ​സ്‌​ക് ഫോ​ഴ്‌​സ് നി​രീ​ക്ഷി​ക്കും. കേ​സ് ആ​വ​ർ​ത്തി​ക്കു​ന്ന സാ​ഹ​ച​ര്യ​ത്തി​ൽ ജു​ഡീ​ഷ്യ​ൽ അ​ധി​കാ​രി​ക​ൾ​ക്ക് കൈ​മാ​റും. നി​യ​മം പാ​ലി​ക്കാ​ത്ത സ്ഥാ​പ​ന​ങ്ങ​ളെ​ക്കു​റി​ച്ച്​ ഫോ​ൺ വ​ഴി​യോ മ​ന്ത്രാ​ല​യ​ത്തി​ന്റെ വെ​ബ്‌​സൈ​റ്റു​ക​ൾ വ​ഴി​യോ അ​റി​യി​ക്കാ​വു​ന്ന​താ​ണെ​ന്നും അ​ധി​കൃ​ത​ർ അ​റി​യി​ച്ചു.

ഉ​ച്ച വി​ശ്ര​മ നി​യ​മം ന​ട​പ്പി​ലാ​ക്കേ​ണ്ട​തി​ന്‍റെ ആ​വ​ശ്യ​ക​ത​യി​ലൂ​ന്നി ക​ഴി​ഞ്ഞ​ദി​വ​സ​ങ്ങ​ളി​ൽ വി​വി​ധ ഗ​വ​ർ​ണ​റേ​റ്റു​ക​ളി​ൽ തൊ​ഴി​ൽ മ​ന്ത്രാ​ല​യ​ത്തി​ന്‍റെ നേ​തൃ​ത്വ​ത്തി​ൽ ബോ​ധ​വ​ത്​​ക​ര​ണ കാ​മ്പ​യി​നു​ക​ൾ ന​ട​പ്പാ​ക്കി​യി​രു​ന്നു. നി​ല​വി​ൽ രാ​ജ്യ​ത്ത്​ പ​ല​യി​ട​ത്തും 50ന്​ ​അ​ടു​ത്താ​ണ്​ താ​പ​നി​ല രേ​ഖ​പ്പെ​ടു​ത്തി​യി​രി​ക്കു​ന്ന​ത്. ക​ഴി​ഞ്ഞ​ദി​വ​സ​ങ്ങ​ളി​ൽ ഏ​റ്റ​വും കൂ​ടു​ത​ൽ താ​പ​നി​ല രേ​ഖ​പ്പെ​ടു​ത്തി​യ​ത്, മ​ക്‌​ഷി​ൻ, ഹൈ​മ എ​ന്നി​വി​ട​ങ്ങ​ളി​ലാ​ണ്. 47.247 ഡി​ഗ്രി സെ​ൽ​ഷ്യ​സാ​ണ്​ ഇ​വി​ടെ അ​നു​ഭ​വ​പ്പെ​ട്ട​ത്. തൊ​ട്ടു​പി​ന്നാ​ലെ ഹം​റ അ​ദ്ദു​റു​ഇ ആ​ണ്​- 47 ഡി​ഗ്രി സെ​ൽ​ഷ്യ​സ്.

ഇ​ക്കാ​ര്യ​ങ്ങ​ൾ ശ്ര​ദ്ധി​ക്കാം

ഹൈ​ഡ്രേ​ഷ​ൻ: നി​ർ​ജ​ലീ​ക​ര​ണം ത​ട​യാ​നാ​യി ദി​വ​സ​വും ധാ​രാ​ളം വെ​ള്ളം കു​ടി​ക്കു​ക

പു​റം ജോ​ലി​ക​ൾ പ​രി​മി​ത​പ്പെ​ടു​ത്തു​ക: ദി​വ​സ​ത്തി​ലെ ചൂ​ടൂ​കൂ​ടു​ന്ന സ​മ​യ​ങ്ങ​ളി​ൽ ​പു​റ​ത്തു​ള്ള ക​ഠി​ന​മാ​യ ജോ​ലി​യി​ൽ​നി​ന്ന്​ വി​ട്ടു​​നി​ൽ​ക്കു​ക

ത​ണ​ലും ത​ണു​പ്പു​ള്ള സ്ഥ​ല​ങ്ങ​ളി​ൽ തു​ട​രു​ക: സാ​ധ്യ​മാ​കു​മ്പോ​ഴെ​ല്ലാം, ത​ണ​ലു​ള്ള​തൊ എ​യ​ർ​ക​ണ്ടീ​ഷ​ൻ ചെ​യ്ത​തോ ആ​യ പ​രി​സ്ഥി​തി​ക​ളി​ൽ തു​ട​രു​ക.

അ​നുയോ​ജ്യ​മാ​യ വ​സ്ത്ര​ങ്ങ​ൾ ധ​രി​ക്കു​ക: ഭാ​രം കു​റ​ഞ്ഞ​തും അ​യ​ഞ്ഞ​തും ഇ​ളം നി​റ​ത്തി​ലു​ള്ള​തു​മാ​യ വ​സ്ത്ര​ങ്ങ​ൾ തെ​ര​ഞ്ഞെ​ടു​ക്കു​ക.

സ​ൺ​സ്ക്രീ​ൻ ഉ​പ​യോ​ഗി​ക്കു​ക: ഉ​യ​ർ​ന്ന എ​സ്.​പി.​എ​ഫ്​ (സം​ര​ക്ഷ​ണ ഘ​ട​ക​ങ്ങ​ൾ) ഉ​ള്ള സ​ൺ​സ്ക്രീ​ൻ പ്ര​യോ​ഗി​ച്ച് അ​ൾ​​ട്രാ​വ​യ​ല​റ്റ്​ ര​ശ്മി​ക​ളി​ൽ​നി​ന്ന് നി​ങ്ങ​ളു​ടെ ച​ർ​മ്മ​ത്തെ സം​ര​ക്ഷി​ക്കു​ക.