തൊ​ഴി​ലാ​ളി​ക​ൾ​ക്ക്​ ആ​ശ്വാ​സ​മാ​യി​ ഇ​ഫ്താ​ർ കി​റ്റ്​ വി​ത​ര​ണം

മ​സ്ക​ത്ത്​: മ​നു​ഷ്യ​ത്വ​ത്തി​ന്‍റെ​യും ചേ​ർ​ത്തു​വെ​ക്ക​ലി​ന്‍റെ​യും ഇ​ഫ്താ​ർ കി​റ്റു​ക​ൾ വി​ത​ര​ണം ചെ​യ്ത്​ ഒ​രു​കൂ​ട്ടം മ​നു​ഷ്യ​ർ. റ​മ​ദാ​ൻ മാ​സം തു​ട​ങ്ങി​യ​തു​മു​ത​ൽ സ​ജീ​വ​മാ​യ ഒ​ന്നാ​ണ് റൂ​വി​യി​ലും നി​ർ​മാ​ണ സൈ​റ്റു​ക​ളി​ലും വ്യാ​പ​ക​മാ​യി വി​ത​ര​ണം ചെ​യ്യു​ന്ന ഇ​ഫ്താ​ർ കി​റ്റു​ക​ൾ. ഇ​ത്ത​വ​ണ മ​സ്​​ജി​ദു​ക​ൾ പ​ല​തും സ​മൂ​ഹ ഇ​ഫ്താ​റു​ക​ളി​ൽ നി​ന്നും വി​ട്ടു​നി​ന്ന​ത് പ്ര​വാ​സി​ക​ളാ​യ ബാ​ച്ചി​ല​ർ​മാ​ർ​ക്ക്​ പ്ര​യാ​സം സൃ​ഷ്ടി​ച്ചി​രു​ന്നു. എ​ന്നാ​ൽ അ​തി​നെ മ​റി​ക​ട​ക്കാ​ൻ, ഇ​ഫ്താ​ർ മു​ട​ങ്ങാ​തെ ന​ൽ​കു​ന്ന പ​ള്ളി​ക​ൾ, ഇ​ട​ങ്ങ​ൾ എ​ന്നി​വ ക​ണ്ടെ​ത്തു​ന്ന​തി​നും അ​വ, വാ​ട്സ്ആ​പ്പ് ഗ്രൂ​പ്പു​ക​ൾ ഉ​ണ്ടാ​ക്കി സു​ഹൃ​ത്തു​ക്ക​ളെ അ​റി​യി​ക്കു​ന്ന​തി​നും മ​ല​യാ​ളി സു​ഹൃ​ത്തു​ക്ക​ൾ ഏ​റെ മു​ൻ​പ​ന്തി​യി​ലാ​ണെ​ന്ന്​ ‘ബി​രി​യാ​ണി ചെ​മ്പ്’​ഗ്രൂ​പ്പി​ന്റെ അ​ഡ്മി​ൻ നൗ​ഷാ​ദ് ത​ല​ശ്ശേ​രി പ​റ​ഞ്ഞു. ഇ​ത്ത​രം ഇ​ഫ്താ​റു​ക​ളി​ൽ ഭ​ക്ഷ​ണം സു​ഭി​ക്ഷ​മാ​ണെ​ന്നും അ​നു​ഭ​വ​സ്ഥ​ർ പ​റ​യു​ന്നു.

ചെ​റി​യ ഹാ​ർ​ഡ്ബോ​ർ​ഡ് ബോ​ക്സി​ൽ കാ​ര​ക്ക അ​ല്ലെ​ങ്കി​ൽ ഈ​ത്ത​പ്പ​ഴം, വെ​ള്ളം, ല​ബാ​ൻ, പ​ഴം അ​ങ്ങ​നെ നാ​ല​ഞ്ചു ത​രം വി​ഭ​വ​ങ്ങ​ളു​മാ​യി വി​വി​ധ ക​മ്പ​നി​ക​ളും ഇ​ഫ്താ​ർ കി​റ്റു​ക​ൾ വി​ത​ര​ണം ചെ​യ്യു​ന്നു​ണ്ട്. മി​ക്ക​വാ​റും നോ​മ്പ​നു​ഷ്ഠി​ക്കു​ന്ന തൊ​ഴി​ലാ​ളി​ക​ൾ​ക്ക് കെ​ട്ടി​ട നി​ർ​മാ​ണ സൈ​റ്റു​ക​ളി​ൽ ഇ​ഫ്താ​ർ എ​ത്തു​ന്ന​ത് അ​വ​രു​ടെ മെ​സ്സു​ക​ളി​ൽ ന​ന്നാ​യി​രി​ക്കും. പ​ല​പ്പോ​ഴും വൈ​കി​യാ​ണ് ഇ​വ എ​ത്തു​ക. ഇ​ത്ത​രം ഘ​ട്ട​ങ്ങ​ളി​ലാ​ണ് വി​വി​ധ ക​മ്പ​നി​ക​ൾ ലാ​ഭേ​ച്ഛ​യി​ല്ലാ​തെ ന​ട​ത്തു​ന്ന ഇ​ഫ്താ​ർ കി​റ്റു​ക​ളു​ടെ വി​ത​ര​ണം ആ​ശ്വാ​സ​മാ​​​ണെ​ന്ന്​ തൊ​ഴി​ലാ​ളി​ക​ൾ പ​റ​ഞ്ഞു.

ക​ഴി​ഞ്ഞ ര​ണ്ടു വ​ർ​ഷ​മാ​യി ത​ങ്ങ​ൾ ദി​വ​സ​വും 50 തൊ​ഴി​ലാ​ളി​ക​ൾ​ക്ക് ഇ​ഫ്താ​ർ വി​ത​ര​ണം ചെ​യ്യു​ന്നു​ണ്ടെ​ന്നും ന​ല്ല പ്ര​തി​ക​ര​ണ​മാ​ണ് നി​ർ​മാ​ണ മേ​ഖ​ല​യി​ലെ​യും അ​തു​പോ​ലെ, വ​ഴി​യാ​ത്ര​ക്കാ​രി​ൽ നി​ന്നും ത​ങ്ങ​ൾ​ക്ക് ല​ഭി​ക്കു​ന്ന​തെ​ന്നും ഒ​രു ക​മ്പ​നി​യു​ടെ പ്ര​തി​നി​ധി​യും മ​ല​യാ​ളി​യു​മാ​യ പ്ര​ഭു പ​റ​ഞ്ഞു.