മസ്കത്ത്: മസ്കത്ത് ഇന്ത്യൻ എംബസിയുടെ ആഭിമുഖ്യത്തിൽ ലോക ഹിന്ദി ദിനം ആചരിച്ചു. എംബസി അങ്കണത്തിൽ ഇന്ത്യൻ സോഷ്യൽ ക്ലബ് ഹിന്ദി വിങ്, ഇന്ത്യൻ സ്കൂളുകൾ എന്നിവയുടെ സഹകരണത്തോടെയായിരുന്നു പരിപാടികൾ നടത്തിയിരുന്നത്. ഹിന്ദി ഭാഷയുടെ പ്രാധാന്യത്തെ കുറിച്ച് അംബാസഡർ അമിത് നാരങ്ങ് സംസാരിച്ചു. ഇതോടനുബന്ധിച്ച് സംഘടിപ്പിച്ച വിവിധ മത്സരങ്ങളിൽ ഇന്ത്യൻ സ്കൂളുകളിലെ വിദ്യാർഥികൾ ആവേശത്തോടെ പങ്കെടുത്തു. ഒമാനി അതിഥി മുനീറ അൽ ബലൂഷിയുടെ ഹിന്ദിയിലുള്ള പ്രസംഗം സദസ്സ് കരഘോഷത്തോടെയാണ് വരവേറ്റത്. വിജയികൾക്ക് അംബാസഡർ ഉപഹാരങ്ങൾ നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.