നിസ്വ കെ.എം.സി.സി വനിതാ വിങ്ങിന്റെ നേതൃത്വത്തിൽ നടന്ന ശിശുദിന ആഘോഷം
നിസ്വ: നിസ്വ കെ.എം.സി.സി കമ്മിറ്റിയുടെ കീഴിൽ പുതുതായി രൂപവത്കരിച്ച വിമൻ ആൻഡ് ചിൽഡ്രൻസ് കൂട്ടായ്മ ‘കിഡ്സ് ഫിയസ്റ്റ’ എന്ന പേരിൽ ചിൽഡ്രൻസ് ഡേ പ്രോഗ്രാം സംഘടിപ്പിച്ചു. നിസ്വ ലുലു മാളിൽ നടന്ന പരിപാടിയിൽ സ്വദേശികളെയും വിദേശികളെയും കുട്ടികൾ അടക്കം 700ല്‍പരം ആളുകൾ പങ്കെടുത്തു.
സാമൂഹിക സേവന രംഗത്ത് കെ.എം.സി.സി നടത്തിക്കൊണ്ടിരിക്കുന്ന ജീവകാരുണ്യ പ്രവർത്തനങ്ങളുടെ ഭാഗമാവുകയും അത് മുഖേന സമൂഹത്തിൽ സ്ത്രീകൾക്കും കുട്ടികൾക്കും അവരുടെ കഴിവുകളെ മുൻനിരയിലേക്ക് കൊണ്ടുവരുന്നതിന്റെയും ഭാഗമായിട്ടാണ് വനിതാ വിങ് കെ.എം.സി.സിയുടെ കീഴിൽ രൂപീകരിച്ചിട്ടുള്ളത്.
നിസ്വ കെ.എം.സി.സി പ്രസിഡന്റ് ഹാരിസ് മേത്തല ഉദ്ഘാടനം ചെയ്തു. വനിതാവിങ് കോഓഡിനേഷൻ കമ്മിറ്റി അംഗം മജ്മൂന അമീർ അധ്യക്ഷതവഹിച്ചു. സ്വദേശി വനിതയും ആർട്ടിസ്റ്റുമായ അൽഹാജിർ സുലൈമാൻ, റംഷീന നൂറുദ്ദീൻ, വനിതാ വിങ് കോഓഡിനേറ്റർ സിയാദ് കരുനാഗപ്പള്ളി, ഷഹാന അബ്ദുൽ ഹഖ്, റംഷി നൂർ എന്നിവർ സംസാരിച്ചു.
റുക്സാന യാസർ സ്വാഗതവും ജലീൽ നൗഷാദ് നന്ദിയും പറഞ്ഞു. കെ.എം.സി.സി നിസ്വ സെക്രട്ടറി അബ്ദുൽ ഹഖ്, വി.വി. അമീർ, റഷീദ് ഹാജി, റഹുഫ് കർഷ മുബീന സാദിഖ്, സഫീറ അബ്ദുൽ ഖാദർ, ഷമീന സിയാദ്, മിസ്‌രിയ നാസർ, നജ്ല റഫീക്ക് തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.