ഒ​മാ​ൻ-​യു.​എ.​ഇ റെ​യി​ൽ നി​ർ​മാ​ണ​ഘ​ട്ട​ത്തി​ലേ​ക്ക്​

മ​സ്ക​ത്ത്​: ഒ​മാ​നും യു.​എ.​ഇ​യും ത​മ്മി​ൽ ബ​ന്ധി​ക്കു​ന്ന റെ​യി​ൽ പ​ദ്ധ​തി വൈ​കാ​തെ നി​ർ​മാ​ണ​ഘ​ട്ട​ത്തി​ലേ​ക്ക്​ പ്ര​വേ​ശി​ക്കും. ഇ​രു​രാ​ജ്യ​ങ്ങ​ൾ​ക്കു​മി​ട​യി​ൽ ച​ര​ക്കു​ക​ളു​ടെ​യും യാ​ത്ര​ക്കാ​രു​ടെ​യും സു​ഗ​മ​മാ​യ ഒ​ഴു​ക്കി​ന്​ വ​ഴിതു​റ​ക്കു​ന്ന പാ​ത ഇ​നി ‘ഹ​ഫീ​ത്​ റെ​യി​ൽ’ എ​ന്നാ​ണ്​ അ​റി​യ​പ്പെ​ടു​ക.

ഒ​മാ​ൻ സു​ൽ​ത്താ​ൻ ഹൈ​തം ബി​ൻ താ​രി​ഖി​ന്‍റെ യു.​എ.​ഇ സ​ന്ദ​ർ​ശ​ന​ത്തോ​ട​നു​ബ​ന്ധി​ച്ചാ​ണ്​ ഇ​ക്കാ​ര്യം വെ​ളി​പ്പെ​ടു​ത്തി​യ​ത്. റെ​യി​ൽ​വെ ക​ട​ന്നു​പോ​കു​ന്ന മേ​ഖ​ല​യി​ൽ സ്ഥി​തി ചെ​യ്യു​ന്ന ജ​ബ​ൽ ഹ​ഫീ​തി​നെ സൂ​ചി​പ്പി​ച്ചാ​ണ്​ പേ​ര്​ ന​ൽ​കി​യ​ത്.

യു.​എ.​ഇ-​ഒ​മാ​ൻ ഉ​ന്ന​ത​ത​ല യോ​ഗ​ത്തി​ൽ റെ​യി​ൽ പ​ദ്ധ​തി​ക്ക്​ വേ​ണ്ടി ഇ​ത്തി​ഹാ​ദ് റെ​യി​ൽ, മു​ബ​ദാ​ല, ഒ​മാ​നി അ​സ്​​യാ​ദ് ഗ്രൂ​പ് ക​മ്പ​നി എ​ന്നി​വ​യു​ടെ ഓ​ഹ​രി പ​ങ്കാ​ളി​ത്തം പ്ര​ഖ്യാ​പി​ച്ചി​ട്ടു​ണ്ട്. അ​തോ​ടൊ​പ്പം ഒ​രു ടീ​മാ​യി പ്ര​വ​ർ​ത്തി​ക്കാ​ൻ ക​മ്പ​നി​ക​ൾ ധാ​ര​ണ​യി​ൽ ഒ​പ്പു​വെ​ച്ചി​ട്ടു​ണ്ട്. റെ​യി​ൽ​വേ പ​ദ്ധ​തി വി​വി​ധ സാ​മ്പ​ത്തി​ക, വ്യാ​വ​സാ​യി​ക മേ​ഖ​ല​ക​ളി​ൽ കൂ​ടു​ത​ൽ സ​ഹ​ക​ര​ണ​ത്തി​ന് ഉ​ത്തേ​ജ​ക​മാ​യി വ​ർ​ത്തി​ക്കു​മെ​ന്നും സാ​മ്പ​ത്തി​ക, സാ​മൂ​ഹി​ക രം​ഗ​ങ്ങ​ളി​ൽ നി​ര​വ​ധി നേ​ട്ട​ങ്ങ​ൾ കൊ​ണ്ടു​വ​രു​മെ​ന്നും ഹ​ഫീ​ത്​ റെ​യി​ൽ സി.​ഇ.​ഒ അ​ഹ്​​മ​ദ്​ അ​ൽ മു​സാ​വ അ​ൽ ഹാ​ശി​മി പ​റ​ഞ്ഞു.

ഇ​രു​രാ​ജ്യ​ങ്ങ​ളെ​യും ബ​ന്ധി​പ്പി​ക്കു​ന്ന 300 കി.​മീ​റ്റ​ർ ദൂ​ര​ത്തി​ലു​ള്ള റെ​യി​ൽ ശൃം​ഖ​ല നി​ർ​മ്മി​ക്കു​ന്ന​തി​ന്​ 2022ൽ ​യു.​എ.​ഇ പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ന്‍റെ ഒ​മാ​ൻ സ​ന്ദ​ർ​ശ​ന വേ​ള​യി​ൽ ക​രാ​ർ ഒ​പ്പി​ട്ടി​രു​ന്നു.

മ​ണി​ക്കൂ​റി​ൽ 200 കി.​മീ​റ്റ​ർ വേ​ഗ​ത​യി​ൽ സ​ഞ്ച​രി​ക്കാ​ൻ ക​ഴി​യു​ന്ന ട്രെ​യി​നു​ക​ൾ അ​ബൂ​ദ​ബി​യെ​യും ഒ​മാ​നി​ലെ സു​ഹാ​റി​നെ​യും ബ​ന്ധി​പ്പി​ക്കു​ന്ന രീ​തി​യി​ലാ​ണ്​ നി​ർ​മി​ക്കു​ക. ഈ ​പാ​ത​യി​ൽ ച​ര​ക്ക് ട്രെ​യി​നു​ക​ൾ മ​ണി​ക്കൂ​റി​ൽ 120 കി.​മീ​റ്റ​ർ വേ​ഗ​ത്തിൽ വ​രെ സ​ഞ്ച​രി​ക്കും. പാ​സ​ഞ്ച​ർ ട്രെ​യി​നു​ക​ൾ സു​ഹാ​റി​നും അ​ബൂ​ദ​ബി​ക്കു​മി​ട​യി​ൽ 100 ​​മി​നി​റ്റി​ലും സു​ഹാ​റി​നും അ​ൽ​ഐ​നു​മി​ട​യി​ൽ 47 മി​നി​റ്റി​ലും എ​ത്തി​ച്ചേ​രും. പ​ദ്ധ​തി പൂ​ർ​ത്തീ​ക​രി​ച്ചാ​ൽ മേ​ഖ​ല​യി​ൽ ച​ര​ക്ക്, യാ​ത്രാരം​ഗ​ത്ത്​ വ​ലി​യ മാ​റ്റ​മാ​ണ്​ പ്ര​തീ​ക്ഷി​ക്കു​ന്ന​ത്. ഇ​തി​ലൂ​ടെ വ​ർ​ഷ​ത്തി​ൽ 225 ദ​ശ​ല​ക്ഷം ട​ൺ ബ​ൾ​ക്ക് കാ​ർ​ഗോ​യും 282,000 ക​ണ്ടെ​യ്‌​ന​റു​ക​ളും എ​ത്തി​ക്കാ​നാ​വു​മെ​ന്നും വി​ല​യി​രു​​ത്ത​പ്പെ​ടു​ന്നു. ഒ​മാ​ന്‍റെ വ​ട​ക്ക​ൻ തീ​ര​ത്തു​ള്ള ന​ഗ​ര​മാ​യ സു​ഹാ​റും ത​ല​സ്ഥാ​ന​മാ​യ മ​സ്ക​ത്തും ത​മ്മി​ൽ 192 കി.​മീ​റ്റ​ർ ദൈ​ർ​ഘ്യ​മാ​ണു​ള്ള​ത്. റെ​യി​ൽ​പാ​ത വ​രു​ന്ന​ത്​ ഇ​രു​രാ​ജ്യ​ങ്ങ​ളും ത​മ്മി​ലെ വി​നോ​ദ​സ​ഞ്ചാ​ര സാ​ധ്യ​ത​ക​ളും വ​ർ​ധി​പ്പി​ക്കും. മേ​ഖ​ല​യി​ലേ​ക്ക്​ വി​ദേ​ശ​നി​ക്ഷേ​പം വ​ർ​ധി​പ്പി​ക്കാ​നും ഇ​തു​പ​കാ​ര​പ്പെ​ടു​മെ​ന്ന്​ വി​ല​യി​രു​ത്ത​പ്പെ​ടു​ന്നു. നി​ല​വി​ൽ യു.​എ.​ഇ​യി​ൽ നി​ർ​മാ​ണം പൂ​ർ​ത്തി​യാ​യ ഇ​ത്തി​ഹാ​ദ്​ റെ​യി​ൽ പ​ദ്ധ​തി​യു​മാ​യി ബ​ന്ധി​പ്പി​ക്കു​ന്ന രീ​തി​യി​ലാ​ണ്​ ഹ​ഫീ​ത്​ പാ​ത രൂ​പ​പ്പെ​ടു​ക.