സ്നേ​ഹ​വി​രു​ന്നൂ​ട്ടി സൂ​ഹൂ​ൽ അ​ൽ ഫൈ​ഹ ഗ്രാ​ൻ​ഡ് ഇ​ഫ്താ​ർ

മ​സ്ക​ത്ത്: കെ.​വി ഗ്രൂ​പ് ഓ​ഫ് ക​മ്പ​നീ​സ് റു​സൈ​ലി​ൽ ന​ട​ത്തി​യ ഗ്രാ​ൻ​ഡ് ഇ​ഫ്താ​ർ വി​രു​ന്ന് സ്നേ​ഹ​ത്തി​ന്റെ​യും സാ​ഹോ​ദ​ര്യ​ത്തി​ന്റെ​യും ഐ​ക്യ​ത്തി​ന്റെ​യും പ്ര​തീ​ക​മാ​യി മാ​റി. എ​ല്ലാ വ​ർ​ഷ​വും റ​മ​ദാ​നി​ലെ മൂ​ന്നാ​മ​ത്തെ വെ​ള്ളി​യാ​ഴ്ച​യാ​ണ് കെ.​വി. ഗ്രൂ​പ് ഗ്രാ​ൻ​ഡ് ഇ​ഫ്താ​ർ ന​ട​ത്തി​വ​രാ​റു​ള്ള​ത്. മ​സ്ക​ത്തി​ലെ റു​സൈ​ലി​ൽ സ്ഥി​തി ചെ​യ്യു​ന്ന കെ.​വി.​ഗ്രൂ​പ് ആ​സ്ഥാ​ന​മാ​യ കു​റി​യ മു​റി​യ അ​ങ്ക​ണ​ത്തി​ൽ ന​ട​ന്ന ഇ​ഫ്താ​റി​ൽ സ്ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ 3500ഓ​ളം ആ​ളു​ക​ൾ പ​ങ്കെ​ടു​ത്തു. കെ.​വി ഗ്രൂ​പ് മാ​നേ​ജ്മെ​ന്റും സ്റ്റാ​ഫു​ക​ളും അ​വ​രു​ടെ കു​ടും​ബാം​ഗ​ങ്ങ​ളും ആ​യി​രു​ന്നു ഇ​ഫ്താ​റി​ന് നേ​തൃ​ത്വം ന​ൽ​കി​യി​രു​ന്ന​ത്.

ഇ​ഫ്താ​ർ സം​ഗ​മ​ത്തി​ലേ​ക്ക് എ​ത്തി​ച്ചേ​ർ​ന്ന ആ​ളു​ക​ളെ കെ.​വി ഗ്രൂ​പ് ചെ​യ​ർ​മാ​ൻ അ​ബ്ദു​ൽ ജ​ബ്ബാ​ർ, മാ​നേ​ജി​ങ് ഡ​യ​റ​ക്ട​ർ അ​ബ്ദു​ൽ വാ​ഹി​ദ്, ഡ​യ​റ​ക്ട​ർ ബി.​കെ. ല​ത്തീ​ഫ് എ​ന്നി​വ​ർ ചേ​ർ​ന്ന് വ​ര​വേ​റ്റു. മു​സ്ത​ഫ കാ​മി​ൽ സ​ഖാ​ഫി ഇ​ഫ്താ​ർ സ​ന്ദേ​ശം ന​ൽ​കി. ക​ഴി​ഞ്ഞ വ​ർ​ഷ​ത്തെ ഫൈ​ഹാ ഇ​ഫ്താ​ർ സം​ഗ​മ​ത്തി​ന്റെ പി​റ്റേ ദി​വ​സം അ​ന്ത​രി​ച്ച കെ.​വി ഗ്രൂ​പ് ജീ​വ​ന​ക്കാ​ര​ൻ ഫീ​ഖ് പാ​ലാ​ട്ടു​കു​ഴി​യ​ന്റെ പേ​രി​ലു​ള്ള പ്ര​ത്യേ​ക അ​നു​സ്മ​ര​ണ യോ​ഗ​വും പ്രാ​ർ​ഥ​ന സ​ദ​സ്സും ന​ട​ന്നു. ഏ​റെ പേ​ർ പ​ങ്കെ​ടു​ക്കു​ന്ന​തി​നാ​ൽ ഇ​ഫ്താ​റി​നു​ള്ള ഒ​രു​ക്ക​ങ്ങ​ൾ നേ​ര​ത്തെ ത​ന്നെ ന​ട​ക്കും. ഇ​ഫ്താ​ർ ദി​വ​സം പു​ല​ർ​ച്ചെ നാ​ലു മു​ത​ൽ വി​ഭ​വ​ങ്ങ​ൾ ഒ​രു​ക്കാ​ൻ തു​ട​ങ്ങും. പ്ര​ത്യേ​കം സ​ജ്ജ​മാ​ക്കി​യ പെ​ട്ടി​യി​ലാ​ണ് ഇ​ഫ്താ​റി​നെ​ത്തു​ന്ന​വ​ർ​ക്ക് വി​ഭ​വ​ങ്ങ​ൾ ന​ൽ​കു​ന്ന​ത്. പ​ഴ വ​ർ​ഗ​ങ്ങ​ൾ ദീ​ർ​ഘ​നേ​രം വെ​ക്കു​ന്ന​ത് കൊ​ണ്ട് കേ​ട് വ​രാ​തി​രി​ക്കാ​ൻ മെ​ക്സി​ക്കോ, ആ​സ്ത്രേ​ലി​യ എ​ന്നി​വി​ട​ങ്ങ​ളി​ൽ നി​ന്ന് ഗു​ണ​നി​ലാ​വാ​രം കൂ​ടി​യ പ​ഴ വ​ർ​ഗ​ങ്ങ​ൾ പ്ര​ത്യേ​കം ഇ​റ​ക്കു​മ​തി ചെ​യ്താ​ണ് വി​ഭ​വ​ങ്ങ​ൾ ഒ​രു​ക്കു​ന്ന​ത്.

28 വ​ർ​ഷം മു​മ്പ് ന​ട​ന്ന ആ​ദ്യ ഇ​ഫ്താ​റി​ന് 20 പേ​ർ മാ​ത്ര​മാ​ണ് പ​ങ്കെ​ടു​ത്തി​രു​ന്ന​ത്. പി​ന്നീ​ട് വ​ർ​ഷം തോ​റും പ​ങ്കെ​ടു​ക്കു​ന്ന​വ​രു​ടെ എ​ണ്ണം വ​ർ​ധി​ക്കു​ക​യാ​യി​രു​ന്നു. ക​ഴി​ഞ്ഞ വ​ർ​ഷം 3000 ല​ധി​കം പേ​ർ ഇ​ഫ്താ​റി​ൽ പ​ങ്കെ​ടു​ത്തി​രു​ന്നു. ഈ ​വ​ർ​ഷം 3500ല​ധി​കം പേ​ർ ഇ​ഫ്താ​റി​നെ​ത്തി​യ​താ​യി മാ​നേ​ജി​ങ് ഡ​യ​റ​ക്ട​ർ അ​ബ്ദു​ൽ വാ​ഹി​ദ് പ​റ​ഞ്ഞു.

ഒ​മാ​നി​ലെ പ്ര​ധാ​ന ഫ്രൂ​ട്ട് ആ​ൻ​ഡ് വെ​ജി​റ്റ​ബി​ൾ വി​ത​ര​ണ​ക്കാ​രാ​യ സു​ഹൂ​ൽ അ​ൽ ഫൈ​ഹ​യു​​ടെ സൂ​പ്പ​ർ​മാ​ർ​ക​റ്റ് ഡി​വി​ഷ​നാ​യ അ​ൻ​ഹാ​ർ അ​ൽ ഫൈ​ഹ, ജ്യൂ​സ് ആ​ൻ​ഡ് ക​ട്ട് ഫ്രൂ​ട്ട് ഡി​വി​ഷ​ൻ ഫൈ​ഹ ഫ്ര​ഷ് ഡി​ലൈ​റ്റ്‌​സ്, പ്ലാ​സ്റ്റി​ക് മാ​നു ഫാ​ക്ച​റി​ങ് ഡി​വി​ഷ​ൻ അ​ൽ ന​സീം ഇ​ന്റ​ർ​നാ​ഷ​ന​ൽ തു​ട​ങ്ങി​യ ക​മ്പ​നി​ക​ളു​ടെ ഗ്രൂ​പ് ആ​ണ് കെ.​വി. ഗ്രൂ​പ് ഓ​ഫ് ക​മ്പ​നീ​സ്.