ദോ​ഹ എ​ഫ്.​ഐ.​ആ​ർ ര​ണ്ടാം ഘ​ട്ട​ത്തി​ന്​ അം​ഗീ​കാ​രം

​ദോ​ഹ: ഖ​ത്ത​റി​ന്​ മു​ക​ളി​ലെ വ്യോ​മ​യാ​ന പ​രി​ധി​യു​ടെ നി​യ​ന്ത്ര​ണം ന​ൽ​കു​ന്ന ദോ​ഹ ​ൈഫ്ല​റ്റ്​ ഇ​ൻ​ഫ​ർ​മേ​ഷ​ൻ റീ​ജ്യ​ൻ (എ​ഫ്.​ഐ.​ആ​ർ) ര​ണ്ടാം ഘ​ട്ടം ന​ട​പ്പാ​ക്കാ​ൻ അ​ന്താ​രാ​ഷ്​​ട്ര സി​വി​ൽ ഏ​വി​യേ​ഷ​ൻ ഓ​ർ​ഗ​നൈ​സേ​ഷ​ൻ (ഐ.​സി.​എ.​ഒ) അം​ഗീ​കാ​ര​മാ​യി. ദോ​ഹ ​ൈഫ്ല​റ്റ്​ ഇ​ൻ​ഫ​ർ​മേ​ഷ​ൻ റീ​ജ്യ​ൻ ആ​ദ്യ​ഘ​ട്ടം പ്രാ​ബ​ല്യ​ത്തി​ൽ വ​ന്ന്​ ഒ​രു വ​ർ​ഷ​ത്തി​നു ശേ​ഷ​മാ​ണ്​ എ​ഫ്.​ഐ.​ആ​ർ പ്ര​വ​ർ​ത്ത​ന​ത്തി​ന്​ പൂ​ർ​ണ നി​യ​ന്ത്ര​ണം ന​ൽ​കു​ന്ന ര​ണ്ടാം ഘ​ട്ടം ന​ട​പ്പാ​ക്കാ​ൻ അം​ഗീ​കാ​ര​മെ​ത്തു​ന്ന​ത്.

വ്യോ​മ​യാ​ന മേ​ഖ​ല​യി​ലെ പൂ​ർ​ണ സു​ര​ക്ഷാ ഘ​ട​ക​ങ്ങ​ളും ഖ​ത്ത​ർ സ്വ​ന്ത​മാ​ക്കി​യ​തി​നു പി​ന്നാ​ലെ​യാ​ണ്​ അ​ടു​ത്ത ന​ട​പ​ടി. വ്യോ​മ​യാ​ന സെ​ക്​​ട​റി​ൽ നി​യ​ന്ത്ര​ണ ചു​മ​ത​ല അ​നു​വ​ദി​ക്കു​ന്ന നി​ർ​ദി​ഷ്ട മേ​ഖ​ല​യെ​യാ​ണ്​ ​​ൈഫ്ല​റ്റ്​ ഇ​ൻ​ഫ​ർ​മേ​ഷ​ൻ റീ​ജ്യ​ൻ എ​ന്ന്​ വി​ളി​ക്കു​ന്ന​ത്. അ​ന്താ​രാ​ഷ്​​ട്ര സി​വി​ൽ ഏ​വി​യേ​ഷ​ൻ ഓ​ർ​ഗ​നൈ​സേ​ഷ​നാ​ണ്​ ഏ​ത് രാ​ജ്യ​ത്തി​നാ​ണ്​ നി​ശ്ചി​ത ആ​കാ​ശ പ​രി​ധി​യു​ടെ പ്ര​വ​ർ​ത്ത​ന നി​യ​ന്ത്ര​ണ​മെ​ന്ന്​ നി​ശ്ച​യി​ക്കു​ന്ന​ത്.

ലോ​ക​ക​പ്പ്​ ഫു​ട്​​ബാ​ളി​ന്​ മു​​മ്പാ​യി 2022 മാ​ർ​ച്ചി​ലാ​ണ്​ ​ദോ​ഹ എ​ഫ്.​ഐ.​ആ​ർ ആ​ദ്യ​മാ​യി രൂ​പ​വ​ത്ക​രി​ക്കു​ന്ന​ത്. നേ​ര​ത്തേ ബ​ഹ്​​റൈ​ൻ എ​ഫ്.​ഐ.​ആ​റി​ന്റെ ഭാ​ഗ​മാ​യ ഖ​ത്ത​റി​ന്റെ പ​രി​ധി​യെ വേ​ർ​തി​രി​ച്ചാ​ണ്​ ദോ​ഹ എ​ഫ്.​ഐ.​ആ​ർ രൂ​പ​വ​ത്ക​രി​ച്ച​ത്. ഇ​റാ​ൻ, യു.​എ.​ഇ എ​ഫ്.​െ​എ.​ആ​റു​മാ​യാ​ണ്​ ഇ​വ​യു​ടെ ആ​കാ​ശ പ​രി​ധി പ​ങ്കി​ടു​ന്ന​ത്.

ര​ണ്ടു ഘ​ട്ട​ങ്ങ​ളി​ലാ​യാ​ണ്​ ദോ​ഹ എ​ഫ്.​ഐ.​ആ​ർ പൂ​ർ​ണ​മാ​യും പ്ര​വ​ർ​ത്ത​ന​ക്ഷ​മ​മാ​കു​ക​യെ​ന്ന്​ നേ​ര​ത്തേ പ്ര​ഖ്യാ​പി​ച്ചി​രു​ന്നു. ഖ​ത്ത​റി​ന്റെ വ​ട​ക്കു​ഭാ​ഗ​ത്തെ അ​ന്താ​രാ​ഷ്ട്ര സ​മു​ദ്ര​മേ​ഖ​ല​യു​ടെ കൂ​ടി വ്യോ​മ​ഗ​താ​ഗ​ത നി​യ​ന്ത്ര​ണം ഉ​ൾ​ക്കൊ​ള്ളു​ന്ന​താ​ണ്​ ര​ണ്ടാം ഘ​ട്ടം. സ​മു​ദ്ര​നി​ര​പ്പി​ൽ​നി​ന്നു​ള്ള ആ​കാ​ശ പ​രി​ധി​ക​ളി​ലാ​വും ഈ ​ഘ​ട്ട​ത്തി​ലെ നി​യ​ന്ത്ര​ണം അ​നു​വ​ദി​ക്കു​ന്ന​ത്.

ദേ​ശീ​യ, പ്രാ​ദേ​ശി​ക താ​ൽ​പ​ര്യ​ങ്ങ​ൾ​ക്കു​​കൂ​ടി ഗു​ണ​ക​ര​മാ​കും​വി​ധം വ്യോ​മ മേ​ഖ​ല​യു​ടെ പ്ര​വ​ർ​ത്ത​ന കാ​ര്യ​ക്ഷ​മ​ത മെ​ച്ച​പ്പെ​ടു​ത്താ​നും ഇ​തു​വ​ഴി ക​ഴി​യും. പ​രി​സ്​​ഥി​തി സം​ര​ക്ഷ​ണം, ഇ​ന്ധ​ന ഉ​പ​ഭോ​ഗ​വും മ​ലി​നീ​ക​ര​ണ​വും കു​റ​യ്ക്ക​ൽ ഉ​ൾ​പ്പെ​ടെ കൂ​ടു​ത​ൽ നേ​ട്ട​വും ല​ഭ്യ​മാ​കും.

ആ​ഗോ​ള വ്യോ​മ​യാ​ന ഭൂ​പ​ട​ത്തി​ൽ രാ​ജ്യ​ത്തി​ന്റെ സ്ഥാ​നം ശ​ക്തി​പ്പെ​ടു​ത്തു​ന്ന​തി​ൽ പു​തി​യ നേ​ട്ടം സു​പ്ര​ധാ​ന​മാ​യി മാ​റു​മെ​ന്ന്​ ഖ​ത്ത​ർ ഗ​താ​ഗ​ത വ​കു​പ്പ്​ മ​ന്ത്രി ശൈ​ഖ്​ മു​ഹ​മ്മ​ദ്​ ബി​ൻ അ​ബ്​​ദു​ല്ല ബി​ൻ മു​ഹ​മ്മ​ദ്​ ആ​ൽ ഥാ​നി പ​റ​ഞ്ഞു. ഒ​ന്നാം ഘ​ട്ടം പ്രാ​ബ​ല്യ​ത്തി​ൽ വ​ന്ന്​ ക​ഴി​ഞ്ഞ ര​ണ്ടു വ​ർ​ഷ​​ത്തി​നു​ള്ളി​ൽ സു​ര​ക്ഷ​യും കാ​ര്യ​ക്ഷ​മ​ത​യും ഉ​റ​പ്പാ​ക്കി​യു​ള്ള പ്ര​വ​ർ​ത്ത​ന​ത്തി​നു​ള്ള അം​ഗീ​കാ​ര​മാ​ണ്​ ര​ണ്ടാം​ഘ​ട്ട​ത്തി​​നു​ള്ള അം​ഗീ​കാ​ര​മെ​ന്ന്​ അ​ദ്ദേ​ഹം പ​റ​ഞ്ഞു.