അ​മീ​ർ; ഹൃ​ദ​യ​ങ്ങ​ളി​ൽ നി​ന്ന് കാ​ൻ​വാ​സി​ലേ​ക്ക്

ദോ​ഹ: ഇ​ട​തു​കൈ​യി​ലെ ചാ​യ​പ്പ​ല​ക​യി​ൽ നി​റ​ച്ചി​ട്ട വ​ർ​ണ​ങ്ങ​ളെ ബ്ര​ഷി​ൽ കോ​രി​യെ​ടു​ത്ത് കാ​ൻ​വാ​സി​ലേ​ക്ക് പ​ക​ർ​ത്തു​ന്ന ക​ലാ​കാ​ര​ന്മാ​ർ. ബ്ര​ഷി​നും കാ​ൻ​വാ​സി​നു​മി​ട​യി​ൽ ഓ​രാ സ്പ​ർ​ശ​ന​വും ത​പ​സ്സു​പോ​ലെ സൂ​ക്ഷ്മം. മ​ന​സ്സി​ൽ നി​റ​ച്ച കാ​ഴ്ച​യെ അ​വ​ർ ഏ​കാ​ഗ്ര​മാ​യി പ​ക​ർ​ത്തു​മ്പോ​ൾ കാ​ൻ​വാ​സി​ൽ പു​ഞ്ചി​രി​യും ആ​ത്മ​വി​ശ്വാ​സ​വും തു​ടി​ക്കു​ന്ന ആ ​മു​ഖം നി​റ​യു​ന്നു. ഒ​രു രാ​ഷ്ട്ര​വും ജ​ന​ങ്ങ​ളും അ​വ​രു​ടെ മ​ന​സ്സി​ൽ നെ​ഞ്ചേ​റ്റി​യ ഭ​ര​ണാ​ധി​കാ​രി.

അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി​യെ​ന്ന ക​രു​ത്ത​നാ​യ ഖ​ത്ത​റി​ന്റെ രാ​ഷ്ട്ര​നാ​യ​ക​ന്റെ പ​ത്ത് ചി​ത്ര​ങ്ങ​ൾ. ദേ​ശീ​യ ദി​നം ഉ​ത്സ​വാ​ന്ത​രീ​ക്ഷ​ത്തോ​ടെ ആ​ഘോ​ഷ​മാ​ക്കു​ന്ന ഖ​ത്ത​റി​​ൽ ക​ഴി​ഞ്ഞ മൂ​ന്നാ​ഴ്ച​യാ​യി ന​ട​ന്ന വേ​റി​ട്ട ഒ​രു ക​ലാ​വി​രു​ന്നി​ന്റെ കൊ​ടി​യി​റ​ക്ക​മാ​യി​രു​ന്നു ശ​നി​യാ​ഴ്ച.

ദോ​ഹ​യി​ലെ ആ​ർ​ട്ട് ഫാ​ക്ട​റി നേ​തൃ​ത്വ​ത്തി​ൽ ന​വം​ബ​ർ 29ന് ​ആ​രം​ഭി​ച്ച ‘പോ​ർ​ട്രേ​റ്റ് പെ​യി​ന്റി​ങ് മ​ത്സ​ര​വും പ്ര​ദ​ർ​ശ​ന​വു​മാ​യി നീ​ണ്ടു​നി​ന്ന ക​ലാ​കാ​ര​ന്മാ​രു​ടെ പ്ര​ക​ട​നം ക​ണ്ട ആ​ഴ്ച​ക​ൾ. ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള 78 ക​ലാ​കാ​ര​ന്മാ​​രെ ഒ​രു​കു​ട​ക്കീ​ഴി​ൽ അ​ണി​നി​ര​ത്തി അ​മീ​റി​ന്റെ ചി​ത്ര​ങ്ങ​ൾ വ​ര​ച്ചു​കൊ​ണ്ട് ന​ട​ത്തി​യ ശ്ര​ദ്ധേ​യ​മാ​യ മ​ത്സ​രം. മൂ​ന്നു റൗ​ണ്ടു​ക​ളാ​യി നീ​ണ്ട മ​ത്സ​ര​ത്തി​നൊ​ടു​വി​ൽ ശ​നി​യാ​ഴ്ച പ​ത്തു പേ​ർ ​പ​​ങ്കെ​ടു​ത്ത ലൈ​വ് പോ​ർ​ട്രേ​റ്റ് പെ​യി​ന്റി​ങ് ഗ്രാ​ൻ​ഡ് ഫി​നാ​ലെ​യോ​ടെ കൊ​ടി​യി​റ​ങ്ങി. രാ​വി​ലെ എ​ട്ടി​ന് തു​ട​ങ്ങി ഉ​ച്ച​ക്ക് ഒ​ന്നു​വ​രെ നാ​ലു​മ​ണി​ക്കൂ​ർ നീ​ണ്ട​താ​യി​രു​ന്നു ഫൈ​ന​ൽ റൗ​ണ്ട്.

ഒ​ടു​വി​ൽ തു​നീ​ഷ്യ​ക്കാ​ര​നാ​യ വ​ജ്ദി നെ​ഫ്സി ​‘പോ​ർ​ട്രേ​റ്റ് ആ​ർ​ട്ടി​സ്റ്റ് ഓ​ഫ് ദി ​ഇ​യ​ർ’ പു​ര​സ്കാ​ര​ത്തി​ന് അ​വ​കാ​ശി​യാ​യി. മ​ല​യാ​ളി​യാ​യ സ​ഗീ​ർ സാ​ലി​ഹ് ര​ണ്ടാം സ്ഥാ​നം നേ​ടി. മ​ല​യാ​ളി​യാ​യ ബാ​സി​ത് ഖാ​നും സൗ​ദി​യി​ൽ​നി​ന്നു​ള്ള ഫി​ലി​പ്പീ​ൻ​സ് സ്വ​ദേ​ശി​യാ​യ നീ​ൽ പി​നാ​ർ എ​ന്നി​വ​ർ സെ​ക്ക​ൻ​ഡ് റ​ണ്ണ​റ​പ്പു​മാ​യി.

ഖ​ത്ത​റി​ലെ പ്ര​ശ​സ്ത ഇ​റാ​ഖി ആ​ർ​ട്ടി​സ്റ്റു​ക​ളാ​യ ഇ​സ്മാ​യി​ൽ അ​സാം, സ​ലിം മ​ത്കു​ർ കി​നാ​നി എ​ന്നി​വ​രാ​യി​രു​ന്നു അ​ന്തി​മ വി​ധി നി​ർ​ണ​യ​ത്തി​ലൂ​ടെ വി​ജ​യി​ക​ളെ പ്ര​ഖ്യാ​പി​ച്ച​ത്.

ഒ​ന്നാം സ്ഥാ​ന​ക്കാ​ര​ന് 10,000 റി​യാ​ലും മെ​ഡ​ലു​മാ​ണ് സ​മ്മാ​നം. ര​ണ്ടാം സ്ഥാ​ന​ത്തി​ന് 3000 റി​യാ​ലും മൂ​ന്നാം സ്ഥാ​ന​ക്കാ​ർ​ക്ക് 2000 റി​യാ​ൽ വീ​ത​വും സ​മ്മാ​ന​മാ​യി ന​ൽ​കി. ഖ​ത്ത​റി​ലെ പ്ര​വാ​സി​ക​ളും വി​ദേ​ശ​ങ്ങ​ളി​ൽ​നി​ന്നു​മാ​യി 19 രാ​ജ്യ​ക്കാ​രാ​ണ് ‘അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി തീ​മി​ൽ ന​ട​ന്ന പോ​ർ​ട്രേ​റ്റ് മ​ത്സ​ര​ങ്ങ​ളു​ടെ ആ​ദ്യ റൗ​ണ്ടി​ൽ പ​​ങ്കെ​ടു​ത്ത​തെ​ന്ന് ആ​ർ​ട്ട് ഫാ​ക്ട​റി മാ​നേ​ജി​ങ് ഡ​യ​റ​ക്ട​ർ ഇ​ജാ​സ് ഹം​സ പ​റ​ഞ്ഞു.

ഖ​ത്ത​റി​ൽ ആ​ദ്യ​മാ​യി അ​വ​ത​രി​പ്പി​ച്ച മ​ത്സ​ര​ത്തി​ന് ക​ലാ​സ​മൂ​ഹ​ത്തി​ൽ​നി​ന്ന് വ​ലി​യ പ്ര​തി​ക​ര​ണ​മാ​യി​രു​ന്നു ല​ഭി​ച്ച​ത്.തി​ര​ഞ്ഞെ​ടു​ക്ക​പ്പെ​ട്ട 78 പേ​രു​ടെ ചി​ത്ര​ങ്ങ​ൾ ആ​ദ്യ ഘ​ട്ട​ത്തി​ൽ മ​ത്സ​രി​ച്ചു. ഇ​വ​രി​ൽ​നി​ന്ന് 51 പേ​രു​ടെ സെ​മി​യും ശേ​ഷം, പ​ത്തു​പേ​രു​ടെ ഫൈ​ന​ൽ റൗ​ണ്ടി​ലേ​ക്കു​ള്ള ക​ലാ​കാ​ര​ന്മാ​രെ തി​ര​ഞ്ഞെ​ടു​ക്കു​ക​യാ​യി​രു​ന്നു.

ഫൈ​ന​ലി​ൽ ത​ത്സ​മ​യ പ്ര​ക​ട​ന​ത്തി​ന് അ​വ​സ​രം ഒ​രു​ക്കി​യാ​യി​രു​ന്നു വി​ജ​യി​യെ നി​ർ​ണ​യി​ച്ച​ത്. അ​മീ​റി​ന്റെ ചി​ത്ര​ങ്ങ​ളെ പ്ര​മേ​യ​മാ​ക്കി ജി.​സി.​സി​യി​ൽ ത​ന്നെ ഇ​ത്ത​ര​മൊ​രു മ​ത്സ​ര​വും പ്ര​ദ​ർ​ശ​ന​വും ആ​ദ്യ​മാ​ണെ​ന്ന് ആ​ർ​ട്ട് ഡി​വി​ഷ​ൻ മാ​നേ​ജ​ർ മു​ബ​ശ്ശി​റ പ​റ​ഞ്ഞു. മ​ല​യാ​ളി​യാ​യ രാ​മ​ച​ന്ദ്ര​ൻ ആ​ർ​ഷ, ഷീ​ൻ സാ​ൽ ​ഗൊ​ളി​ന (ഫി​ലി​പ്പീ​ൻ​സ്), ജാ​വേ​ദ് അ​സ്‍ലം (ഇ​ന്ത്യ), നൂ​ർ ജി​ഹാ​ദ് അ​ൽ​ഖാ​ൻ (സി​റി​യ), ആ​ർ​സി​നോ നി​ഡോ​യ് (ഫി​ലി​പ്പീ​ൻ​സ്), മു​ഹ​മ്മ​ദ് മ​ൻ​സൂ​ർ അ​ബു ഹാ​ലി​ഖ (ഖ​ത്ത​ർ) എ​ന്നി​വ​രാ​യി​രു​ന്നു ഫൈ​ന​ൽ റൗ​ണ്ടി​ൽ പ​​ങ്കെ​ടു​ത്ത മ​റ്റു ക​ലാ​കാ​ര​ന്മാ​ർ.

ഇ​വ​ർ വ​ര​ച്ച പോ​ർ​ട്രേ​റ്റു​ക​ൾ ആ​ർ​ട്ട് ഫാ​ക്ട​റി​യി​ലൂ​ടെ വി​ൽ​പ​ന ന​ട​ത്തും. ഖ​ത്ത​ർ ​രാ​ജ​കു​ടും​ബ​ത്തി​ൽ നി​ന്നു​ൾ​പ്പെ​ടെ നി​ര​വ​ധി ​ക​ലാ​പ്രേ​മി​ക​ളാ​ണ് പ്ര​ദ​ർ​ശ​നം കാ​ണാ​നും പോ​ർ​ട്രേ​റ്റു​ക​ൾ സ്വ​ന്ത​മാ​ക്കാ​നു​മാ​യി എ​ത്തി​യ​ത്.