യൂത്ത് ഫോറം വക്ര സോൺ ഫുട്ബാൾ ചാമ്പ്യന്മാരായ മെഡോസ് മെഷാഫ്
ദോഹ: യൂത്ത് ഫോറം വക്ര സോൺ സംഘടിപ്പിച്ച ഇൻറർ യൂനിറ്റ് ഫുട്ബാൾ ടൂർണമെന്‍റ് വക്ര ഗാലക്ക്‌ ആവേശകരമായ സമാപനം. വക്ര ശാന്തി സ്കൂളിൽ നടന്ന ടൂർണമെൻറിൽ മെഡോസ് മെഷാഫ് ജേതാക്കളായി. കലാശപ്പോരാട്ടത്തിൽ വുകൈർ വാരിയേഴ്സിനെ 4-1ന് പരാജയപ്പെടുത്തിയാണ് മെഡോസ് മെഷാഫ് കിരീടത്തിൽ മുത്തമിട്ടത്. യൂത്ത് ഫോറം സംഘടന സെക്രട്ടറി ഹബീബ്‌ റഹമാൻ എടയൂർ ടൂർണമെൻറിന് കിക്കോഫ് കുറിച്ചു. ടൂർണമെൻറിലെ മികച്ച കളിക്കാരനായി മെഡോസിന്‍റെ ഹംസയെയും ടോപ് സ്കോററായി സുഹൈലിനെയും മികച്ച ഗോൾകീപ്പറായി മെഡോസിന്‍റെ തന്നെ ആശിഫും തെരഞ്ഞെടുക്കപ്പെട്ടു. മുഅമിൻ ഫാറൂഖ്‌ മത്സരങ്ങൾ നിയന്ത്രിച്ചു. യൂത്ത് ഫോറം മുൻ കേന്ദ്ര വൈസ്‌ പ്രസിഡൻറ് ഉസ്മാൻ പുലാപ്പറ്റ, സോണൽ പ്രസിഡൻറ് ജസീർ സാഗർ, കേന്ദ്ര കമ്മിറ്റി അംഗങ്ങളായ സൽമാൻ, സുഹൈൽ, ആദിൽ എന്നിവർ സമ്മാനദാനം നിർവഹിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.