ഒ​മി​ക്രോ​ൺ കേ​സു​ക​ളി​ല​ധി​ക​വും തീ​വ്ര​ത കു​റ​ഞ്ഞ​തെ​ന്ന് എ​ച്ച്.​എം.​സി

ദോ​ഹ: രാ​ജ്യ​ത്ത് ഒ​മിേ​ക്രാ​ൺ കേ​സു​ക​ൾ വ​ർ​ധി​ക്കു​ന്നു​ണ്ടെ​ങ്കി​ലും അ​വ​യി​ൽ ഭൂ​രി​ഭാ​ഗ​വും തീ​വ്ര​ത കു​റ​ഞ്ഞ​തും നേ​രി​യ രോ​ഗ​ല​ക്ഷ​ണ​ങ്ങ​ളോ​ട് കൂ​ടി​യ​താ​ണെ​ന്നും ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ൻ ഇ​ൻ​ഫെ​ക്ഷ​ൻ ക​ൺ​ട്രോ​ൾ വി​ഭാ​ഗം എ​ക്സി​ക്യൂ​ട്ടി​വ് ഡ​യ​റ​ക്ട​ർ ഡോ. ​ജ​മീ​ല അ​ൽ അ​ജ്മി അ​റി​യി​ച്ചു.

ഖ​ത്ത​ർ ടി.​വി​യു​മാ​യി സം​സാ​രി​ക്കു​ക​യാ​യി​രു​ന്നു അ​വ​ർ. രാ​ജ്യ​ത്തെ ക​മ്മ്യൂ​ണി​റ്റി പ്ര​തി​രോ​ധ​ശേ​ഷി 85 ശ​ത​മാ​ന​ത്തി​ല​ധി​കം എ​ത്തി​യ​തി​നാ​ൽ രോ​ഗ​ല​ക്ഷ​ണ​ങ്ങ​ൾ തീ​വ്ര​ത കു​റ​ഞ്ഞ​തും മി​ത​വു​മാ​യി തു​ട​രു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും ഡോ. ​അ​ൽ അ​ജ്മി വ്യ​ക്ത​മാ​ക്കി.

കോ​വി​ഡി‍െൻറ ഒ​മി​ക്രോ​ൺ വ​ക​ഭേ​ദം വ​ള​രെ വേ​ഗ​ത്തി​ൽ പ​ട​രു​ന്നു​ണ്ട്. എ​ന്നാ​ൽ, ഖ​ത്ത​റി​ലെ​യും മ​റ്റു രാ​ജ്യ​ങ്ങ​ളി​ലെ​യും കേ​സു​ക​ളി​ല​ധി​ക​വും തീ​വ്ര​ത കു​റ​ഞ്ഞ​തും മി​ത​മാ​യ​തു​മാ​ണ്. ചി​ല കേ​സു​ക​ളി​ൽ ക​ടു​ത്ത ത​ല​വേ​ദ​ന​യും ശ​ക്ത​മാ​യ പ​നി​യും ക​ണ്ടു​വ​രു​ന്ന​താ​യും അ​വ​ർ വി​ശ​ദീ​ക​രി​ച്ചു. ചി​ല കേ​സു​ക​ൾ ഫ്ളു ​രോ​ഗ​ത്തി​ന് സ​മാ​ന​മാ​യ​താ​ണ്.

സ​മൂ​ഹ​ത്തി​ലെ അ​ധി​ക ജ​ന​ങ്ങ​ളും വാ​ക്സി​ൻ എ​ടു​ത്തി​രി​ക്കെ ഒ​മി​ക്രോ​ൺ കേ​സു​ക​ളി​ൽ രോ​ഗ​ല​ക്ഷ​ണ​ങ്ങ​ൾ തീ​വ്ര​ത കു​റ​ഞ്ഞി​രി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. കോ​വി​ഡ് രോ​ഗ​വു​മാ​യി ബ​ന്ധ​പ്പെ​ട്ട രോ​ഗ​ല​ക്ഷ​ണ​ങ്ങ​ൾ അ​നു​ഭ​വ​പ്പെ​ടു​ന്ന​വ​രും രോ​ഗി​ക​ളു​മാ​യി നേ​രി​ട്ട് സ​മ്പ​ർ​ക്കം പു​ല​ർ​ത്തി​യ​വ​രും ആ​രോ​ഗ്യ കേ​ന്ദ്ര​ത്തി​ലെ​ത്തി പ​രി​ശോ​ധ​ന​ക്ക് വി​ധേ​യ​രാ​ക​ണ​മെ​ന്ന് അ​വ​ർ ആ​വ​ശ്യ​പ്പെ​ട്ടു.