എക്സ്പാറ്റ്സ് സ്പോർടീവ്‌ കമ്യൂണിറ്റി സ്പോര്‍ട്സ് മീറ്റില്‍ ഓവറോള്‍ ചാമ്പ്യന്മാരായ
കെ.എല്‍10 ലെജൻഡ്സ് ടീം
ദോഹ: ഖത്തറിലെ പ്രവാസി മലയാളികളെല്ലാം ഒരേ മൈതാനിയിൽ അണിനിരന്ന് ജില്ലകളായി തിരിഞ്ഞ് ഓടിയും ചാടിയും പോരടിച്ച ദിനം.വാരാന്ത്യ അവധിദിനത്തിലെ പകലിലും രാത്രിയിലുമായി ആയിരത്തിലേറെ പേർ ദുഹൈലിലെ ദോഹ യൂനിവേഴ്സിറ്റി ഓഫ്‌ സയൻസ്‌ ആൻഡ് ടെക്നോളജി ഗ്രൗണ്ടിനെ സജീവമാക്കിയപ്പോൾ കേരളോത്സവത്തിന്റെ ചെറുപതിപ്പ് പ്രവാസമണ്ണിനും ആസ്വദിക്കാനായി.
ഖത്തർ ദേശീയ കായികദിനത്തിന്റെ ഭാഗമായി കായിക-യുവജന മന്ത്രാലയത്തിന്റെ അംഗീകാരത്തോടെ എക്സ്പാറ്റ്സ് സ്പോർടിവ്‌ സംഘടിപ്പിച്ച കമ്യൂണിറ്റി സ്പോര്‍ട്സ് മീറ്റായിരുന്നു മത്സരങ്ങളുടെയും ആഘോഷങ്ങളുടെയും വേദിയായത്.
പ്രവാസത്തിലെ ജോലിത്തിരക്കിനിടയിൽ ഒത്തുചേർന്ന് പരസ്പരം മാറ്റുരച്ച കായികമേളയിൽ കേരളത്തിലെ 13 ജില്ലാ ടീമുകൾ പങ്കെടുത്തു.
വിവിധ ഇനങ്ങളിലെ വാശിയേറിയ മത്സരങ്ങളും ഖത്തറിന്റെയും ഇന്ത്യയുടെയും സാംസ്കാരിക കായിക പാരമ്പര്യങ്ങൾ വിളിച്ചറിയിച്ച് ടീം പരേഡും കമ്യൂണിറ്റി സ്പോർട്സ് മീറ്റിനെ ശ്രദ്ധേയമാക്കി. അത്യന്തം വീറും വാശിയും നിറഞ്ഞ മത്സരത്തിനൊടുവിൽ 78 പോയന്റുകള്‍ നേടി കെ.എല്‍ 10 ലെജൻഡ്സ് ഓവറോള്‍ ചാമ്പ്യന്മാരായി. 72 പോയന്റുകള്‍ നേടി കാലിക്കറ്റ് സ്പോര്‍ട്സ് ക്ലബ് രണ്ടാം സ്ഥാനം സ്വന്തമാക്കിയപ്പോൾ കേവലം ഒരു പോയന്റിന്റെ വ്യത്യാസത്തില്‍ തൃശൂര്‍ യൂത്ത് ക്ലബിന് മൂന്നാം സ്ഥാനം കൊണ്ട് തൃപ്തിപ്പെടേണ്ടി വന്നു.
കമ്യൂണിറ്റി സ്പോര്‍ട്സ് മീറ്റ് ഉദ്ഘാടനചടങ്ങില്‍ ഇന്ത്യന്‍ എംബസി ഫസ്റ്റ് സെക്രട്ടറി വൈഭവ് തണ്ടാലേ മുഖ്യാതിഥിയായി പങ്കെടുത്തു. മീറ്റില്‍ പങ്കെടുത്ത ടീമുകള്‍ അണിനിരന്ന പരേഡിന്റെ സല്യൂട്ട് സ്വീകരിച്ച വൈഭവ് തണ്ടാലേ ഖത്തര്‍ ആഭ്യന്തര മന്ത്രാലയം പ്രതിനിധി ക്യാപ്റ്റന്‍ ഹമദ് ഹബീബ് അല്‍ ഹാജിരിയുമായി ചേർന്ന് മേളയുടെ ദീപ ശിഖ എക്സ്പാറ്റ്സ് സ്പോർടിവ്‌ ക്യാപ്റ്റന്‍ അസീം എം.ടിക്കും ലേഡീസ് ക്യാപ്റ്റന്‍ നിത്യ സുബീഷിനും കൈമാറി.
ഇന്ത്യന്‍ കള്‍ച്ചറല്‍ സെന്റര്‍ പ്രസിഡന്റ് എ.പി. മണികണ്ഠന്‍ എക്സ്പാറ്റ്സ് സ്പോർടിവ്‌ പതാക ഓര്‍ഗനൈസിങ് കമ്മിറ്റിയംഗം അബ്ദുറഹീം വേങ്ങേരിക്കും സ്പോര്‍ട്സ് മീറ്റ് ഔദ്യോഗിക പതാക സുഡാന്‍ ഫുട്ബാള്‍ ടീം മുന്‍ ക്യാപ്റ്റന്‍ അബ്ദു അസീസ് സകരിയ്യ സ്പോര്‍ട്സ് മീറ്റ് ടെക്നികല്‍ ഹെഡ് താസീന്‍ അമീനും, ഇന്ത്യന്‍ ദേശീയ പതാക ഇന്ത്യന്‍ സ്പോര്‍ട്സ് സെന്റര്‍ പ്രസിഡന്റ് ഇ.പി. അബ്ദുറഹ്മാന്‍ സ്പോര്‍ട്സ് മീറ്റ് കോഓഡിനേറ്റര്‍ അനസ് ജമാലിനും ഖത്തര്‍ പതാക ഐ.സി.ബി.എഫ് വൈസ് പ്രസിഡന്റ് ദീപക് ഷെട്ടി എക്സ്പാറ്റ്സ് സ്പോർടിവ്‌ ജനറല്‍ സെക്രട്ടറി മഖ്ബൂല്‍ അഹമ്മദിനും കൈമാറി. സുഡാന്‍ ഫുട്ബാള്‍ ടീം മുന്‍ ക്യാപ്റ്റന്‍ അബ്ദു അസീസ് സകരിയ്യ മേളയുടെ ട്രോഫി അനാഛാദനം ചെയ്തു.
ഗോള്‍ഫ് താരം യാസ്മിന്‍ അല്‍ ഷര്‍ഷാനി. ഐ.സി.സി വൈസ് പ്രസിഡന്റ് സുബ്രമണ്യ ഹെബ്ബലു, ജനറൽ സെക്രട്ടറി മോഹന്‍ കുമാര്‍, ഐ.സി.ബി.എഫ് ജനറല്‍ സെക്രട്ടറി വര്‍ക്കി ബോബന്‍, ഐ.എസ്.സി ജനറല്‍ സെക്രട്ടറി നിഹാദ് അലി, ഐ.സി.ബി.എഫ് സെക്രട്ടറി മുഹമ്മദ് കുഞ്ഞി, ഐ.സി.സി സെക്രട്ടറി അബ്രഹാം ജോസഫ്, കള്‍ച്ചറല്‍ ഫോറം പ്രസിഡന്റ് ആര്‍ ചന്ദ്രമോഹന്‍, കെ.എം.സി.സി പ്രസീഡണ്ട് ഡോ. അബ്ദുല്‍ സമദ്, ഇന്‍കാസ് പ്രസിഡന്റ് ഹൈദര്‍ ചുങ്കത്തറ, സി.ഐ.സി പ്രസിഡന്റ് ടി.കെ ഖാസിം, ഇന്ത്യന്‍ അപകസ് ബോഡി മാനേജിങ് കമ്മിറ്റിയംഗങ്ങളായ അബ്ദുൽറഊഫ് കൊണ്ടോട്ടി, നടുമുറ്റം പ്രസിഡന്റ് സന നസീം, യൂത്ത്ഫോറം പ്രസിഡന്റ് ബിന്‍ഷാദ് പുനത്തില്‍, ഡോ. മുഹമ്മദ് ബഹാവുദ്ദീന്‍, സഫീർ റഹ്മാൻ, കമ്യൂണിറ്റി സ്പോര്‍റ്റ്സ് മീറ്റ് ചെയര്‍മാന്‍ ഡോ. താജ് അലുവ, എക്സ്പാറ്റ്സ് സ്പോർടിവ്‌ പ്രസിഡൻറ് അബ്ദുല്‍ ഗഫൂര്‍ എ.ആര്‍, ജനറല്‍ കണ്‍വീനര്‍ അഹമ്മദ് ഷാഫി എന്നിവര്‍ ഉദ്ഘാടന ചടങ്ങില്‍ പങ്കെടുത്തു.
എക്സ്പാറ്റ്സ് സ്പോർടിവ്‌ കമ്യൂണിറ്റി സ്പോര്‍ട്സ് മീറ്റ് ഉദ്ഘാടന ചടങ്ങിൽ ഇന്ത്യന്‍ എംബസി ഫസ്റ്റ് സെക്രട്ടറി വൈഭവ് തണ്ടാലേ ഉൾപ്പെടെ വിശിഷ്ടാതിഥികൾ പങ്കെടുക്കുന്നു
വെള്ളിയാഴ്ച രാവിലെ രാവിലെ ഏഴ് മണി മുതല്‍ ദുഹൈലിലെ യൂനിവേഴ്സിറ്റി ഓഫ്‌ ദോഹ സയൻസ്‌ ആന്റ്‌ ടെക്നോളജി ഗ്രൗണ്ടില്‍ 100, 200, 800, 1500 മീറ്റര്‍ ഓട്ടം, 4x100 റിലേ, ലോങ് ജംപ്, ഷോട്ട് പുട്ട്, പഞ്ചഗുസ്തി, ബാഡ്മിന്റണ്‍, വടം വലി, ഷൂട്ടൗട്ട് എന്നീ ഇനങ്ങളില്‍ അഞ്ച് കാറ്റഗറികളിലായാണ്‌ മത്സരം നടന്നത്.
കാറ്റഗറി എയില്‍ കെ. എല്‍ 10 ലെജൻഡ്സിന്റെ മുഹമ്മദ് അന്‍ഷാദും, ‘ബി’യില്‍ തൃശൂര്‍ യൂത്ത് ക്ലബിന്റെ കണ്ണന്‍ ചെമ്പനും , ‘സി’യില്‍ ഫീനിക്സ് പാലക്കാടീന്റെ ലിന്‍സി സുകുമാരനും, ‘ഡി’യില്‍ കാലിക്കറ്റിന്റെ അശ്വതി അശോകനും കണ്ണൂര്‍ സ്ക്വാഡിന്റെ സൂസന്‍ അബ്രഹാമും വ്യക്തിഗത ചാമ്പ്യന്മാരായി. പോയന്റ് നിലയില്‍ ഒടുവിൽ നടന്ന വടം വലി മത്സരമാണ്‌ ആദ്യ സ്ഥാനക്കാരെ നിർണയിച്ചത്.
വനിത വിഭാഗം വടം വലിയില്‍ തൃശൂര്‍ യൂത്ത് ക്ലബിനെ തോല്‍പിച്ച് കണ്ണൂര്‍ സ്ക്വാഡും, പുരുഷ വിഭാഗത്തില്‍ കൊച്ചിന്‍ ടസ്കേഴ്സിനെ തോൽപിച്ച് കാലിക്കറ്റ് സ്പോര്‍ട്സ് ക്ലബും ജേതാക്കളായി.
ഇന്ത്യയില്‍ നടന്ന മാസ്റ്റേഴ്സ് അത്‌ലറ്റിക് മീറ്റില്‍ പങ്കെടുത്ത് മെഡല്‍ ജേതാക്കളായി ലോക ചാമ്പ്യന്‍ഷിപ്പിലേക്ക് യോഗ്യത നേടിയ സ്റ്റീസണ്‍ കെ. മാത്യു, സിയാഹുല്‍ ഹഖ്, ജെയ്സണ ജെയിംസ് എന്നിവരെ ആദരിച്ചു.
ഐ.സി.ബി.എഫ് സെക്രട്ടറി മുഹമ്മദ് കുഞ്ഞി, ഓട്ടോ ഫാസ്റ്റ് ട്രാക് എം.ഡി ഷിയാസ് കൊട്ടാരം എന്നിവര്‍ ഓവറോള്‍ ചമ്പ്യന്‍ന്മാര്‍ക്കുള്ള ട്രോഫികള്‍ കൈമാറി. കമ്യൂണിറ്റി സ്പോർട്സ് മീറ്റ് ചെയര്‍മാന്‍ ഡോ. താജ് അലുവ, കള്‍ച്ചറല്‍ ഫോറം പ്രസിഡന്റ് ആര്‍ ചന്ദ്രമോഹന്‍, എക്സ്പാറ്റ്സ് സ്പോർടിവ്‌ പ്രസിഡന്റ് അബ്ദുല്‍ ഗഫൂര്‍ എ.ആര്‍, ജനറല്‍ കണ്‍വീനര്‍ അഹമ്മദ് ഷാഫി, നടുമുറ്റം പ്രസിഡന്റ് സന നസീം, കെ.ഇ.സി പ്രസിഡന്റ് മജീദ് അലി, സ്പോർടീവ്‌ ക്യാപ്റ്റന്‍ അസീം എം.ടി, എക്സ്പാറ്റ്സ് സ്പോർടിവ്‌ ജനറല്‍ സെക്രട്ടറി മഖ്ബൂല്‍, ഫിനാന്‍സ് കോഓഡിനേറ്റര്‍ ഷരീഫ് ചിറക്കല്‍, കൊക്കൂണ്‍ റഫ്രിജറേറ്റര്‍ കൊമേഴ്സ്യല്‍ മാനേജര്‍ അമീൻ അബ്ദുറഹ്മാൻ, ഓര്‍ഗനൈസിങ് കമ്മിറ്റിയംഗങ്ങളായ റഷീദ് അഹമ്മദ്, നജ്‌ല നജീബ്, റഷീദ് അലി, സാദിഖ് ചെന്നാടന്‍, അനീസ് റഹ്മാന്‍, അബ്ദു റഹീം വേങ്ങേരി, ഷാഫി മൂഴിക്കല്‍, എ.സി മുനീഷ്, അനസ് ജമാല്‍, റഷീദ് കൊല്ലം, മുഹമ്മദ് റാഫി, സജ്ന സാക്കി, സക്കീന അബ്ദുല്ല, ഷറഫുദ്ദീന്‍ സി, റഹ്മത്തുല്ല കൊണ്ടോട്ടി, നിഹാസ് എറിയാട് എന്നിവര്‍ വിവിധ ഇനങ്ങളിലെ ജോതാക്കള്‍ക്കുള്ള മെഡലുകള്‍ വിതരണം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.