സു​ര​ക്ഷാ സ്ട്രാ​റ്റ​ജി പ്ര​ഖ്യാ​പി​ച്ച് ല​ഖ്‍വി​യ

ദോ​ഹ: ആ​ഭ്യ​ന്ത​ര സു​ര​ക്ഷാ​സേ​ന​യു​ടെ സു​ര​ക്ഷാ​ശേ​ഷി വ​ർ​ധി​പ്പി​ക്കാ​ൻ ല​ക്ഷ്യ​മി​ട്ട് ല​ഖ്‍വി​യ 2024-2030 കാ​ല​യ​ള​വി​ലേ​ക്കു​ള്ള സ്ട്രാ​റ്റ​ജി പ്ര​ഖ്യാ​പി​ച്ചു. ആ​ഭ്യ​ന്ത​ര മ​ന്ത്രി​യും ആ​ഭ്യ​ന്ത​ര സു​ര​ക്ഷാ സേ​ന ക​മാ​ൻ​ഡ​റു​മാ​യ ശൈ​ഖ് ഖ​ലീ​ഫ ബി​ൻ ഹ​മ​ദ് ബി​ൻ ഖ​ലീ​ഫ ആ​ൽ​ഥാ​നി​യു​ടെ സാ​ന്നി​ധ്യ​ത്തി​ലാ​ണ് പ്ര​ഖ്യാ​പ​നം. മ​ന്ത്രി​മാ​രും വി​വി​ധ സൈ​നി​ക, സു​ര​ക്ഷ, സി​വി​ലി​യ​ൻ സ്റ്റേ​റ്റ് ഏ​ജ​ൻ​സി​ക​ളി​ൽ നി​ന്നു​ള്ള നേ​താ​ക്ക​ളും മേ​ധാ​വി​ക​ളും ച​ട​ങ്ങി​ൽ പ​ങ്കെ​ടു​ത്തു.

സേ​ന​യു​ടെ സു​ര​ക്ഷാ​ശേ​ഷി വ​ർ​ധി​പ്പി​ക്കു​ന്ന​തി​നും മാ​തൃ​രാ​ജ്യ​ത്തി​ന് സു​ര​ക്ഷി​ത​ത്വ​വും സ്ഥി​ര​ത​യും കൈ​വ​രി​ക്കു​ന്ന​തി​നും സ​മ​ഗ്ര പ​ദ്ധ​തി വി​ക​സി​പ്പി​ക്കാ​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​ണ് പു​തി​യ സ്ട്രാ​റ്റ​ജി പ്ര​ഖ്യാ​പ​ന​മെ​ന്ന് ല​ഖ്‍വി​യ സ്റ്റാ​ഫ് ഡെ​പ്യൂ​ട്ടി ക​മാ​ൻ​ഡ​ർ മേ​ജ​ർ ജ​ന​റ​ൽ മു​ഹ​മ്മ​ദ് മി​സ്ഫ​ർ അ​ൽ ഷ​ഹ്വാ​നി പ​റ​ഞ്ഞു.

ഖ​ത്ത​ർ ദേ​ശീ​യ വി​ക​സ​ന കാ​ഴ്ച​പ്പാ​ട് 2030ന് ​അ​നു​സൃ​ത​മാ​യാ​ണ് പു​തി​യ സ്ട്രാ​റ്റ​ജി അ​വ​ത​രി​പ്പി​ച്ച​തെ​ന്ന് വ്യ​ക്ത​മാ​ക്കി​യ മേ​ജ​ർ ജ​ന​റ​ൽ അ​ൽ ഷ​ഹ്വാ​നി, ല​ഖ്‍വി​യ ക​മാ​ൻ​ഡ​റും ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ഖ​ലീ​ഫ ബി​ൻ ഹ​മ​ദ് ആ​ൽ​ഥാ​നി​യു​ടെ പി​ന്തു​ണ​യും നി​ർ​ദേ​ശ​ങ്ങ​ളും കൂ​ടെ​യു​ണ്ടെ​ന്നും കൂ​ട്ടി​ച്ചേ​ർ​ത്തു.

ഉ​യ​ർ​ന്ന ത​ല​ത്തി​ൽ സം​ര​ക്ഷ​ണ​വും സു​ര​ക്ഷ​യും ഉ​റ​പ്പു​വ​രു​ത്താ​ൻ സു​ര​ക്ഷാ​രം​ഗ​ത്ത് അ​ത്യാ​ധു​നി​ക സാ​ങ്കേ​തി​ക​വി​ദ്യ​ക​ൾ സ്വീ​ക​രി​ച്ച് പ്രാ​ദേ​ശി​ക അ​ന്ത​ർ​ദേ​ശീ​യ സു​ര​ക്ഷ ഏ​ജ​ൻ​സി​ക​ളു​മാ​യു​ള്ള സ​ഹ​ക​ര​ണ​വും ഏ​കോ​പ​ന​വും ശ​ക്തി​പ്പെ​ടു​ത്തു​ന്ന​തി​ലൂ​ടെ സേ​ന​യു​ടെ സാ​ങ്കേ​തി​ക​ശേ​ഷി​യും ഉ​ദ്യോ​ഗ​സ്ഥ​രു​ടെ പ്ര​വ​ർ​ത്ത​ന​ക്ഷ​മ​ത​യും വ​ർ​ധി​പ്പി​ക്കു​ക​യാ​ണ് സ്ട്രാ​റ്റ​ജി ല​ക്ഷ്യ​മി​ടു​ന്ന​തെ​ന്ന് മേ​ജ​ർ ജ​ന​റ​ൽ അ​ൽ ഷ​ഹ്വാ​നി ചൂ​ണ്ടി​ക്കാ​ട്ടി.