മോ​ട്ടോ ജി.​പി; ഖ​ത്ത​റി​ൽ കി​രീ​ട​മ​ണി​ഞ്ഞ് മാ​ർ​ക്

ദോ​ഹ: മൂ​ന്നു ദി​ന​ങ്ങ​ളി​ലാ​യി ലു​സൈ​ൽ അ​ന്താ​രാ​ഷ്ട്ര സ​ർ​ക്യൂ​ട്ടി​ൽ ന​ട​ന്ന മോ​ട്ടോ ജി.​പി ഖ​ത്ത​ർ ഗ്രാ​ൻ​ഡ്പ്രി​യി​ൽ സ്പെ​യി​നി​ന്റെ മാ​ർ​ക് മാ​ർ​ക്വ​സി​ന് കി​രീ​ടം. ലു​സൈ​ൽ സ​ർ​ക്യൂ​ട്ടി​ൽ ന​ട​ന്ന വാ​ശി​യേ​റി​യ പോ​രാ​ട്ട​ത്തി​ൽ ഇ​റ്റാ​ലി​യ​ൻ താ​രം ഫ്രാ​ൻ​സി​സ്‌​കോ ബ​ഗ്ന​യ​യെ പി​ന്ത​ള്ളി​യാ​ണ് മാ​ർ​ക് ഒ​ന്നാ​മ​തെ​ത്തി​യ​ത്. ലോ​ക ചാ​മ്പ്യ​ൻ​ഷി​പ് പോ​രാ​ട്ട​ത്തി​ൽ ഇ​തോ​ടെ മേ​ധാ​വി​ത്തം ഉ​റ​പ്പി​ക്കാ​നും മാ​ർ​ക്കി​നാ​യി.

ശ​നി​യാ​ഴ്ച ന​ട​ന്ന ക്വാ​ളി​ഫ​യി​ങ്, സ്പ്രി​ന്റ് റേ​സു​ക​ളി​ലെ മി​ക​വ് ഡു​കാ​ത്തി​യു​ടെ സ്പാ​നി​ഷ് താ​രം ഫൈ​ന​ൽ പോ​രി​ലും ആ​വ​ർ​ത്തി​ച്ചു. റേ​സി​നി​ടെ തു​ട​ക്ക​ത്തി​ൽ സ​ഹോ​ദ​ര​ൻ അ​ല​ക്സ് മാ​ർ​ക്വ​സു​മാ​യി ത​ട്ടി​യു​രു​മ്മി​യ​ത് ആ​ശ​ങ്ക​യു​ണ്ടാ​ക്കി​യെ​ങ്കി​ലും വി​ജ​യം കൈ​വി​ട്ടി​ല്ല. ഇ​റ്റാ​ലി​യ​ൻ താ​രം ഫ്രാ​ൻ​സി​സ്‌​കോ ബ​ഗ്ന​യ​യാ​ണ് ര​ണ്ടാം സ്ഥാ​ന​ത്ത്.

സീ​സ​ണി​ലെ ആ​ദ്യ പോ​രി​നി​റ​ങ്ങി​യ നി​ല​വി​ലെ ലോ​ക​ചാ​മ്പ്യ​ൻ ജോ​ർ​ജ് മാ​ർ​ട്ടി​ന് മ​ത്സ​രം പൂ​ർ​ത്തി​യാ​ക്കാ​നാ​യി​ല്ല. ലോ​ക​ചാ​മ്പ്യ​ൻ​ഷി​പ് പോ​രി​ൽ സ​ഹോ​ദ​ര​ൻ അ​ല​ക്സ് മാ​ർ​ക്വ​സു​മാ​യി 17 പോ​യ​ന്റി​ന്റെ വ്യ​ത്യാ​സ​മു​ണ്ട് മാ​ർ​ക്കി​ന്. ബ​ഗ്ന​യ​യാ​ണ് മൂ​ന്നാം സ്ഥാ​ന​ത്ത്.