ആരോഗ്യത്തിലും മി​ക​വി​ന്റെ ഖ​ത്ത​ർ മാ​തൃ​ക

ദോ​ഹ: ലോ​ക​ത്തെ​ത്ത​ന്നെ ഏ​റ്റ​വും മി​ക​ച്ച ആ​രോ​ഗ്യ​സം​വി​ധാ​ന​ങ്ങ​ളി​ലൊ​ന്നാ​യി മാ​റി ഖ​ത്ത​ർ. ആ​ശു​പ​ത്രി​ക​ൾ, ചി​കി​ത്സ സം​വി​ധാ​ന​ങ്ങ​ൾ, സേ​വ​ന​ങ്ങ​ൾ, സാ​​ങ്കേ​തി​ക വി​ദ്യ ഉ​ൾ​പ്പെ​ടെ ആ​രോ​ഗ്യ​മേ​ഖ​ല​യു​മാ​യി ബ​ന്ധ​പ്പെ​ട്ട് രാ​ജ്യം വ​ൻ പു​രോ​ഗ​തി കൈ​വ​രി​ച്ച​താ​യി ഖ​ത്ത​ർ ഗ​വ. ക​മ്യൂ​നി​ക്കേ​ഷ​ൻ ഓ​ഫി​സ് പു​റ​ത്തു​വി​ട്ട വി​വ​ര​ങ്ങ​ൾ വ്യ​ക്ത​മാ​ക്കു​ന്നു.

രാ​ജ്യ​ത്തെ 95 ശ​ത​മാ​നം കു​ട്ടി​ക​ളും പൂ​ർ​ണ​മാ​യും പ്ര​തി​രോ​ധ കു​ത്തി​വെ​പ്പു​ക​ൾ സ്വീ​ക​രി​ച്ച​താ​യി ജി.​സി.​ഒ എ​ക്സ് പ്ലാ​റ്റ്​​ഫോ​മി​ൽ പ​ങ്കു​വെ​ച്ച ക​ണ​ക്കു​ക​ളി​ൽ വ്യ​ക്ത​മാ​ക്കു​ന്നു. ആ​ഗോ​ള ശ​രാ​ശ​രി​യാ​യ 85 ശ​ത​മാ​ന​ത്തേ​ക്കാ​ൾ വ​ള​രെ കൂ​ടു​ത​ലാ​ണി​ത്.

​ശി​ശു മ​ര​ണ നി​ര​ക്കി​ലും ആ​ഗോ​ള ശ​രാ​ശ​രി​യേ​ക്കാ​ൾ വ​ൻ​കു​തി​പ്പാ​ണ് ഖ​ത്ത​ർ ആ​രോ​ഗ്യ മേ​ഖ​ല സ്വ​ന്ത​മാ​ക്കി​യ​ത്. ആ​യി​ര​ത്തി​ൽ ര​ണ്ട് ആ​ണ് ഖ​ത്ത​റി​ലെ ശി​ശു മ​ര​ണ നി​ര​ക്കെ​ങ്കി​ൽ ഏ​ഴ് ആ​ണ് ആ​ഗോ​ള ശ​രാ​ശ​രി. പ്ര​ധാ​ന ആ​രോ​ഗ്യ സം​ര​ക്ഷ​ണ സൂ​ച​ക​ങ്ങ​ളി​ൽ ആ​ഗോ​ള റാ​ങ്കി​ലും ഖ​ത്ത​ർ മു​ന്നേ​റ്റം ന​ട​ത്തി. നം​ബി​യോ​യു​ടെ 2024ലെ ​ആ​രോ​ഗ്യ സം​ര​ക്ഷ​ണ സൂ​ചി​ക​യി​ൽ ഖ​ത്ത​ർ ആ​ഗോ​ള​ത​ല​ത്തി​ൽ പ​തി​നേ​ഴാം സ്ഥാ​ന​മാ​ണ് നേ​ടി​യ​ത്. ബ്രാ​ൻ​ഡ് ഫി​നാ​ൻ​സ് റാ​ങ്കി​ങ്ങി​ൽ ലോ​ക​മെ​മ്പാ​ടു​മു​ള്ള മി​ക​ച്ച 100 ആ​ശു​പ​ത്രി​ക​ളി​ൽ ഖ​ത്ത​റി​ലെ നാ​ല് ആ​ശു​പ​ത്രി​ക​ളും ഇ​ടം നേ​ടി​യ​താ​യി ജി.​സി.​ഒ സൂ​ചി​പ്പി​ക്കു​ന്നു.

ലോ​കാ​രോ​ഗ്യ സം​ഘ​ട​ന​യു​ടെ ഹെ​ൽ​ത്ത് സി​റ്റി എ​ന്ന പ​ദ​വി എ​ല്ലാ മു​നി​സി​പ്പാ​ലി​റ്റി​ക​ൾ​ക്കും ല​ഭി​ക്കു​ന്ന ആ​ദ്യ രാ​ജ്യ​മാ​ണ് ഖ​ത്ത​ർ. രാ​ജ്യ​ത്തെ എ​ട്ട് മു​നി​സി​പ്പാ​ലി​റ്റി​ക​ൾ​ക്കും ഡ​ബ്ല്യു.​എ​ച്ച്.​ഒ​യു​ടെ ഹെ​ൽ​ത്ത് സി​റ്റി പ​ദ​വി​യു​ണ്ട്. ഖ​ത്ത​ർ യൂ​നി​വേ​ഴ്സി​റ്റി​ക്ക് ഹെ​ൽ​ത്തി യൂ​നി​വേ​ഴ്സി​റ്റി എ​ന്ന സ​ർ​ട്ടി​ഫി​ക്ക​റ്റും അ​ടു​ത്തി​ടെ​യാ​ണ് ല​ഭി​ച്ച​ത്.

ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​നി​ലെ ഹോം ​ഹെ​ൽ​ത്ത് കെ​യ​ർ സ​ർ​വി​സ് ര​ണ്ടാം​ത​വ​ണ​യും പേ​ഴ്സ​ന​ൽ കെ​യ​ർ ഗോ​ൾ സ​ർ​ട്ടി​ഫി​ക്കേ​ഷ​ൻ നേ​ടി​യ​തും എ​ടു​ത്തു​പ​റ​യേ​ണ്ട നേ​ട്ട​മാ​ണ്.