ദോഹ: ഖത്തറിലെയും യു.എ.ഇയിലെയും ചാമ്പ്യൻ ക്ലബുകൾ ഏറ്റുമുട്ടുന്ന സൂപ്പർ കപ്പ് ഫുട്ബാളിന്റെ രണ്ടാം പതിപ്പ് എത്തുന്നു. ജനുവരിയിൽ നടക്കുന്ന ടൂർണമെന്റിൽ ഇത്തവണ ഇരു രാജ്യങ്ങളിൽ നിന്നുമായി എട്ടു ടീമുകൾ മാറ്റുരക്കും. ഖത്തർ-യു.എ.ഇ സൂപ്പർ കപ്പ് എന്ന പേരിൽ ജനുവരി 16 മുതൽ 19 വരെ ഖത്തറിലും യു.എ.ഇയിലുമായാണ് മത്സരങ്ങൾ. ജനുവരി 16ന് ദോഹയിൽ ഖത്തർ ലീഗ് റണ്ണേഴ്സ് അപ്പായ അൽ റയാനും അഡ്നോക് പ്രോലീഗ് റണ്ണേഴ്സ് അപ്പായ ഷബാബ് അൽ അഹ്ലിയും ചാലഞ്ച് ഷീൽഡ് കപ്പിൽ ഏറ്റുമുട്ടും. സൂപ്പർ കപ്പിന് വേണ്ടി യു.എ.ഇ പ്രസിഡന്റ്സ് കപ്പ് റണ്ണേഴ്സ് അപ്പായ അൽ നസ്റും അമീർ കപ്പ് റണ്ണേഴ്സ് അപ്പായ ഖത്തർ എസ്.സിയും ജനുവരി 17ന് ദുബൈയിൽ കളിക്കും. സൂപ്പർ ഷീൽഡിന് വേണ്ടി ഖത്തർ ലീഗ് ചാമ്പ്യന്മാരായ അൽ സദ്ദും പ്രോ ലീഗ് ചാമ്പ്യന്മാരായ അൽ വാസിലും ജനുവരി 18ന് ദോഹയിൽ കളിക്കും.
ചാലഞ്ച് കപ്പിന് വേണ്ടി ജനുവരി 19ന് അബൂദബിയിൽ അബൂദബി ഇസ്ലാമിക് ബാങ്ക് കപ്പ് ചാമ്പ്യന്മാരായ അൽ വഹ്ദയും ഖത്തർ കപ്പ് ജേതാക്കളായ അൽ വറയും ഏറ്റുമുട്ടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.