വെസ്റ്റ് ഏഷ്യൻ ക്ലബ് അത്‍ലറ്റിക്സ് വേദിയായ ഖത്തർ എസ്.സി സുഹൈം ബിൻ ഹമദ് സ്റ്റേഡിയം
ദോഹ: വെസ്റ്റ് ഏഷ്യൻ ക്ലബ് അത്‍ലറ്റിക്സ് ചാമ്പ്യൻഷിപ്പിന് തിങ്കളാഴ്ച വൈകീട്ടോടെ ദോഹയിൽ തുടക്കമായി. ഖത്തർ സ്പോർട്സ് ക്ലബിന്റെ സുഹൈൽ ബിൻ ഹമദ് സ്റ്റേഡിയത്തിൽ ആരംഭിച്ച നാലു ദിവസത്തെ മേളയിൽ 13 രാജ്യങ്ങളിൽനിന്നായി നാനൂറോളം പുരുഷ വനിതാ അത്‍ലറ്റുകളാണ് മാറ്റുരക്കുന്നത്.
23 ഇനങ്ങളിലായി നടക്കുന്ന മത്സരത്തിൽനിന്നും വിവിധ അന്താരാഷ്ട്ര ചാമ്പ്യൻഷിപ്പുകളിലേക്ക് യോഗ്യത ഉറപ്പാക്കാനുള്ള അവസരം കൂടിയാണിത്. ജൂലൈയിൽ ദക്ഷിണ കൊറിയ വേദിയാകുന്ന ഏഷ്യൻ അത്‍ലറ്റിക്സ് ചാമ്പ്യൻഷിപ്, സെപ്റ്റംബറിൽ ജപ്പാൻ വേദിയാകുന്ന ലോക അത്‍ലറ്റിക്സ് ചാമ്പ്യൻഷിപ് എന്നിവയിലേക്ക് യോഗ്യത മാർക്ക് ലക്ഷ്യമിട്ടാണ് വിവിധ ക്ലബുകളുടെ മേൽവിലാസത്തിൽ താരങ്ങൾ ഇറങ്ങുന്നത്. 100, 200 സ്പ്രിന്റ്, 400മീ., മധ്യദൂര വിഭാഗങ്ങൾ, ഹർഡിൽസ്, റിലേ, ഹൈജംപ്, ലോങ്ജംപ്, ത്രോ ഇനങ്ങൾ ഉൾപ്പെടെ മത്സരങ്ങൾ നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.