അ​ബ്ദു​ൽ റ​ഹീ​മി​ന്റെ മോ​ച​ന ഫ​ണ്ട്: അ​ള​വ​റ്റ ആ​ഹ്ലാ​ദ​ത്തി​ൽ കു​ഞ്ഞോ​യി

റി​യാ​ദ്: അ​ബ്ദു​ൽ റ​ഹീ​മി​ന്റെ മോ​ച​ന​ത്തി​ന് ദി​യ ധ​നം സ​മാ​ഹ​രി​ക്കാ​ൻ ത​യാ​റാ​ക്കി​യ അ​ക്കൗ​ണ്ടി​ൽ അ​ക്ക​ങ്ങ​ൾ പെ​രു​കി​വ​രു​മ്പോ​ൾ റി​യാ​ദി​ൽ കു​ഞ്ഞോ​യി​ക്ക് നി​ൽ​ക്ക​പ്പൊ​റു​തി ഉ​ണ്ടാ​യി​രു​ന്നി​ല്ല. തീ​പാ​റു​ന്ന ഫു​ട്ബാ​ൾ മ​ത്സ​രം ക​ണ്ട് ഗാ​ല​റി​യി​ലി​രി​ക്കു​ന്ന ക​ളി​പ്രേ​മി​യു​ടെ ആ​വേ​ശം കു​ഞ്ഞോ​യി​യു​ടെ സി​ര​ക​ളി​ൽ പാ​ഞ്ഞി​രു​ന്നു. മി​ഴി ചി​മ്മാ​തെ ല​ക്ഷ​ങ്ങ​ൾ കോ​ടി​ക​ളാ​കു​ന്ന കാ​ഴ്ച ക​ണ്ട് പ​ല​പ്പോ​ഴും ദൈ​വ​ത്തെ സ്തു​തി​ച്ച് ത​ക്ബീ​ർ മു​ഴ​ക്കി.

അ​ബ്ദു​ൽ റ​ഹീ​മി​ന്റെ നാ​ട്ടു​കാ​ര​നും റ​ഹീ​മി​ന്റെ സ​ഹോ​ദ​ര​ൻ ന​സീ​റി​ന്റെ സ​ഹ​പാ​ഠി​യു​മാ​ണ് കു​ഞ്ഞോ​യി. റി​യാ​ദി​ൽ പ്ര​വാ​സി​യാ​യ കു​ഞ്ഞോ​യി 2006ൽ ​ഈ കേ​സി​ന്റെ തു​ട​ക്കം മു​ത​ൽ അ​ഷ്‌​റ​ഫ് വേ​ങ്ങാ​ട്ടി​നും യൂ​സു​ഫ് കാ​ക്ക​ഞ്ചേ​രി​ക്കു​മൊ​പ്പം അ​വി​ശ്ര​മം പ്ര​യ​ത്നി​ച്ച​യാ​ളാ​ണ്. പ​ണം സ​മാ​ഹ​രി​ക്കാ​നു​ള്ള ശ്ര​മ​ത്തി​ലും കു​ഞ്ഞോ​യി മു​ൻ​നി​ര​യി​ലു​ണ്ടാ​യി​രു​ന്നു. റ​ഹീ​മി​ന്റെ വ​ധ​ശി​ക്ഷ റ​ദ്ദ് ചെ​യ്ത് മോ​ച​നം ഉ​ട​ൻ സാ​ധ്യ​മാ​കു​മെ​ന്ന പ്ര​തീ​ക്ഷ​യി​ലാ​ണി​ദ്ദേ​ഹം.

പ​ല​പ്പോ​ഴും റ​ഹീ​മി​നെ ജ​യി​ലി​ൽ കാ​ണാ​ൻ ശ്ര​മി​ച്ചി​ട്ടു​ണ്ട്. ര​ക്ത​ബ​ന്ധ​ത്തി​ൽ അ​ല്ലാ​ത്ത​ത് കൊ​ണ്ട് അ​നു​മ​തി നി​ഷേ​ധി​ക്കു​ക​യാ​യി​രു​ന്നു. റ​ഹീം ജ​യി​ലി​ൽ​നി​ന്ന് ഫോ​ണി​ൽ ബ​ന്ധ​പ്പെ​ടാ​റു​ണ്ട്. ഇ​ന്ന​ലെ​യും റ​ഹീ​മി​ന്റെ കാ​ൾ ഉ​ണ്ടാ​യി​രു​ന്നെ​ന്ന് കു​ഞ്ഞോ​യി ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു.

റ​ഹീ​മി​നാ​യി പു​റം​ലോ​ക​ത്ത് ന​ട​ക്കു​ന്ന സ​മാ​ന​ത​ക​ളി​ല്ലാ​ത്ത മാ​നു​ഷി​ക പ്ര​വ​ർ​ത്ത​നം അ​റി​യി​ച്ച​പ്പോ​ൾ, മ​റ​ക്കാ​നാ​കാ​ത്ത ന​ന്ദി​യു​ണ്ടാ​കു​മെ​ന്നും ഇ​നി​യു​ള്ള കാ​ലം അ​വ​ർ​ക്കാ​യു​ള്ള പ്രാ​ർ​ഥ​ന​യാ​ണെ​ന്നും റ​ഹീം പ​റ​ഞ്ഞു.

‘ഓ​രോ അ​വ​ധി​ക്ക് നാ​ട്ടി​ൽ പോ​കു​മ്പോ​ഴും റ​ഹീ​മി​ന്റെ ഉ​മ്മ​യെ കാ​ണാ​ൻ പോ​കും. എ​ന്റെ കു​ട്ടി​യു​ടെ കാ​ര്യം എ​ന്താ​യെ​ന്ന് ചോ​ദി​ച്ചു കൈ​പി​ടി​ച്ച് ക​ര​യും, എ​ങ്ങ​നെ​യെ​ങ്കി​ലും എ​ന്റെ മു​ന്നി​ൽ എ​ത്തി​ക്കാ​ൻ ക​ഴി​യു​മോ​യെ​ന്ന് തേ​ങ്ങ​ലോ​ടെ ചോ​ദി​ക്കും. ആ​ശ്വ​സി​പ്പി​ക്കാ​ൻ അ​ന്ന് വാ​ക്കു​ക​ൾ ഇ​ല്ലാ​യി​രു​ന്നു. അ​ടു​ത്ത അ​വ​ധി​ക്ക് നാ​ട്ടി​ലെ​ത്തു​മ്പോ​ൾ റ​ഹീ​മി​ന്റെ ഉ​മ്മ​യു​ടെ സ​ങ്ക​ടം മൂ​ടി​യ മു​ഖ​ത്തി​ന് പ​ക​രം മ​ക​നെ തി​രി​ച്ചു​കി​ട്ടി​യ​തി​ന്റെ തെ​ളി​മ കാ​ണാ​നാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്ന് കു​ഞ്ഞോ​യി പ​റ​ഞ്ഞു. റ​ഹീം നി​യ​മ സ​ഹാ​യ സ​മി​തി​ക്കും സു​ഹൃ​ത്തു​ക്ക​ൾ​ക്കു​മൊ​പ്പം മ​ധു​രം പ​ങ്കി​ട്ടാ​ണ് കു​ഞ്ഞോ​യി ആ​ഹ്ലാ​ദം ആ​ഘോ​ഷി​ച്ച​ത്.