അബ്ദുൽ കരീമിനുള്ള ഉപഹാരം അഷ്റഫ് പൊന്നാനി കൈമാറുന്നു
റിയാദ്: 38 വർഷം നീണ്ട പ്രവാസം അവസാനിപ്പിച്ച് നാട്ടിലേക്കു മടങ്ങുന്ന കേളി കലാസാംസ്കാരികവേദി ഹാര യൂനിറ്റ് അംഗം അബ്ദുൽ കരീമിന് യൂനിറ്റിെൻറ നേതൃത്വത്തിൽ യാത്രയയപ്പ് നൽകി. അബ്ദുൽ കരീം സൗദിയിലെ വിവിധ ഭാഗങ്ങളിൽ, വിവിധ മേഖലകളിൽ വ്യത്യസ്തമായ തൊഴിലുകളിൽ ഏർപ്പെട്ടിട്ടുണ്ട്. കേളിയുടെ മലസ് ഏരിയ നിർവാഹക സമിതി അംഗമെന്ന നിലയിൽ പ്രവർത്തിച്ചിരുന്ന അബ്ദുൽ കരീം മലപ്പുറം മോങ്ങം സ്വദേശിയാണ്.
മലസ് ഏരിയ കമ്മിറ്റി ഓഫിസിൽ ചേർന്ന യാത്രയയപ്പ് യോഗത്തിൽ യൂനിറ്റ് നിർവാഹക സമിതി അംഗം അബ്ദുല്ല പറവൂർ അധ്യക്ഷത വഹിച്ചു. ജോയൻറ് ട്രഷറർ സെബിൻ ഇഖ്ബാൽ, മലസ് ഏരിയ സെക്രട്ടറി സുനിൽ, ഏരിയ രക്ഷാധികാരി സമിതി കൺവീനർ ഉമർ എന്നിവർ സംസാരിച്ചു.
അബ്ദുൽ കരീമിനുള്ള ഉപഹാരം യൂനിറ്റ് സെക്രട്ടറി അഷ്റഫ് പൊന്നാനി കൈമാറി. യൂനിറ്റ് സെക്രട്ടറി അഷറഫ് പൊന്നാനി സ്വാഗതവും അബ്ദുൽ കരീം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.