ത്വാഇഫ്: വാഹനം കൊക്കയിലേക്ക് മറിഞ്ഞ് മലയാളി അടക്കം രണ്ട് ഇന്ത്യക്കാര്‍ മരിച്ചു. ആലപ്പുഴ ഹരിപ്പാട് കാര്‍ത്തികപ്പള്ളി ദാറുന്നജാത്തില്‍ ഷിഹാബുദ്ദീന്‍ സഫിയത്ത് ദമ്പതികളുടെ മകന്‍ മുഹമ്മദ് നിയാസ് (26) കൊൽക്കത്ത ദാരീഗണ്ടി സ്വദേശി ഷുഹ്ക്കര്‍(29) എന്നിവരാണ് മരിച്ചത്. മഖ്‌വക്ക് സമീപം അബ്റയില്‍ വ്യാഴാഴ്ച്ച ഉച്ചക്ക് രണ്ട് മണിയോടെയാണ് അപകടം. ഇവര്‍ സഞ്ചരിച്ച ഡയ്‌ന ഗുഡ്‌സ് വാഹനം നിയന്ത്രണം വിട്ട് അമ്പത് അടിയോളം താഴ്ചയിലേക്ക് മറിയുകയായിരുന്നു. ഇരുവരും തല്‍ക്ഷണം മരിച്ചു.
റെഡ്ക്രസൻറും സിവില്‍ ഡിഫന്‍സും സംഭവ സഥലത്തെത്തി മൃതദേഹങ്ങള്‍ നിമ്‌റ ജനറല്‍ ആശുപത്രി മോര്‍ച്ചറിയിലേക്ക് മാറ്റി. പൂര്‍ണമായും തകര്‍ന്ന വാഹനത്തില്‍ നിന്ന് മൃതദേഹങ്ങള്‍ പുറത്തെടുക്കാന്‍ ഏറെ സമയമെടുത്തു. പെപ്‌സി കമ്പനി ജീവനക്കാരായ ഇവര്‍ അന്നേ ദിവസത്തെ സാധനങ്ങള്‍ വിതരണം ചെയ്ത ശേഷം കമ്പനി ആസ്ഥാനത്തേക്ക് പോകുമ്പോഴായിരുന്നു അപകടം.
മുഹമ്മദ് നിയാസ് നാല് വര്‍ഷമായി സൗദിയില്‍ ജോലി ചെയ്യുന്നു. ഡിസംബറില്‍ നാട്ടില്‍ പോകുവാനുള്ള ഒരുക്കത്തിലായിരുന്നു. അവിവാഹിതനാണ്. സഹോദരങ്ങൾ: നജ്മുദ്ദീന്‍, നസീഹ, അസ്‌റ. മുഹമ്മദ് നിയാസിെൻറ മൃതദേഹം നാട്ടിലെത്തിച്ച് മറവ് ചെയ്യാനുള്ള നടപടികള്‍ തുടങ്ങിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.