ഇന്ത്യൻ സോഷ്യൽ ഫോറം അറാർ ബ്രാഞ്ച് കമ്മിറ്റി സംഘടിപ്പിച്ച രക്തദാന ക്യാമ്പ്
അറാർ: ഇന്ത്യൻ സോഷ്യൽ ഫോറം അറാർ ബ്രാഞ്ച് കമ്മിറ്റി സൗദി നോർത്തേൺ ബോർഡർ ബ്ലഡ് ബാങ്കിെൻറ സഹകരണത്തോടെ ദേശീയ ദിനത്തിൽ രക്തദാന ക്യാമ്പ് സംഘടിപ്പിച്ചു.
കോവിഡ് പശ്ചാത്തലത്തിൽ രക്തലഭ്യത കുറഞ്ഞ സാഹചര്യത്തിലാണ് ഫോറം രക്തദാന ക്യാമ്പുമായി മുന്നിട്ടിറങ്ങിയതെന്ന് ഭാരവാഹികൾ അറിയിച്ചു. സോഷ്യൽ ഫോറം സൗദിയിൽ നടത്തിവരുന്ന ജനസേവനപ്രവർത്തനങ്ങളുടെ ഭാഗമായാണ് പരിപാടി.
നോർത്തേൺ ബോർഡർ രക്തബാങ്ക് മേധാവികളായ അബ്ദുല്ല ത്വാഹിർ അൽ അനസി, സുൽത്താൻ രിദാ അൽ അനസി, നവാഫ്‌ അസീസ് അൽ അനസി എന്നിവർ ക്യാമ്പിന് മേൽനോട്ടം വഹിച്ചു. രക്തദാന ക്യാമ്പിന് സോഷ്യൽ ഫോറം അറാർ പ്രസിഡൻറ് ശരീഫ് നാട്ടുകൽ, സെക്രട്ടറി ജുബൈർ ചേളാരി, ഭാരവാഹികളായ അഷ്‌റഫ്‌ പുത്തൂർ, റിയാസ് കാരക്കാട് എന്നിവർ നേതൃത്വം നൽകി. നിരവധി ആളുകൾ രക്തദാനം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.