ഗ്ലോബൽ കേരള പ്രവാസി അസോസിയേഷൻ റിയാദ് പ്രൊവിൻസ് ഇഫ്താർ മീറ്റ് ഗഫൂർ കൊയിലാണ്ടി ഉദ്ഘാടനം ചെയ്യുന്നു
റിയാദ്: ഗ്ലോബൽ കേരള പ്രവാസി അസോസിയേഷൻ (ജി.കെ.പി.എ) റിയാദ് പ്രോവിൻസ് ഇഫ്താർ മീറ്റ് നടത്തി. റിയാദ് ഖൈറുവാൻ ഇസ്തിറാഹയിൽ നടന്ന സംസ്കാരിക യോഗത്തിൽ സംഘടന പ്രസിഡന്റ് അബ്ദുൽ മജീദ് പൂളക്കാടി അധ്യക്ഷതവഹിച്ചു.
രക്ഷാധികാരിയും ഫോർക്ക ജീവകാരുണ്യ വിഭാഗം കൺവീനറുമായ ഗഫൂർ കൊയിലാണ്ടി ഉദ്ഘാടനം ചെയ്തു. നമ്മുടെ മക്കൾ മയക്കുമരുന്നിന് അടിമപ്പെടാതിരിക്കാൻ എല്ലാ പ്രവാസികളും ജാഗ്രത പുലർത്തണമെന്ന് ആഹ്വാനം ചെയ്തു.
നിഹാസ് പാനൂർ, മജീദ് തിരൂർ എന്നിവർ സംസാരിച്ചു. എക്സിക്യൂട്ടിവ് അംഗങ്ങളായ ബൈജു ആൻഡ്രൂസ്, നാസർ കാസിം, സുബൈർ കൊടുങ്ങല്ലൂർ, ടി.എ. ഇബ്രാഹിം, കെ.ടി. അനീഷ്, ഹസൻ പന്മന, ജാഫർ മണ്ണാർക്കാട്, ഷാനവാസ്‌ വെമ്പിളി, അസ്‌ലം ഹരിപ്പാട്, വി.കെ. രജീഷ് എന്നിവർ സമൂഹ നോമ്പ് തുറക്ക് നേതൃത്വം നൽകി. രാജേഷ് ഉണ്ണിയാട്ടിൽ സ്വാഗതവും ഷെരീഫ് തട്ടതാഴത്ത് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.